កីឡា
លោកគ្រូ Koji នឹងដាក់កីឡាករថ្មីច្រើនប៉ះហុងកុង ល្ងាចនេះ
លោកគ្រូបង្វឹក Koji Gyotoku អាចនឹងប្រើប្រាស់កីឡាករថ្មីច្រើនសម្រាប់ជំនួបមិត្តភាពអន្តរជាតិជាមួយម្ចាស់ផ្ទះ ហុងកុង វេលាម៉ោង៦ល្ងាច ថ្ងៃទី១៥ ខែតុលា ឆ្នាំ២០២៤ នៅទឹកដីហុងកុង។
បន្ទាប់ពីដឹកនាំការប្រកួតផ្លូវការដំបូងទទួលបានជ័យជម្នះលើ ឆាយនីស តៃប៉ិ ដោយលទ្ធផល ៣-២ កាលពីថ្ងៃទី១១ ខែតុលា លោក Koji Gyotoku ត្រូវដឹកនាំសម្រាប់ការប្រកួតមិត្តភាពអន្តរជាតិជាលើកទី២ដែលត្រូវបានមហាជនចាប់អារម្មណ៍ពីចិត្តសាស្ត្ររៀបចំក្រុមរបស់លោក។
លោកបាននិយាយក្នុងសន្នីសីទសារព័ត៌មានថា ការដឹកនាំរបស់លោកទើបបានរយៈពេលខ្លី ដូច្នេះលោកមិនទាន់គិតដល់លើការបង្កើតទស្សនវិទូនៃការលេង ឬស្ទីលលេងប្រចាំក្រុមនៅឡើយទេ។ អ្វីដែលលោកគិតជាចម្បងនៅពេលនេះគឺធ្វើយ៉ាងណាឲ្យកីឡាករមានជំនឿលើខ្លួនឯង និងហ៊ានលេងដោយមិនខ្លាចញញើត ទោះជាដៃគូខ្លាំងកម្រិតណាក៏ដោយ។
ក្រោយចប់ការប្រកួតជាមួយ ឆាយនីស តៃប៉ិ លោក Koji Gyotoku បានមើលឃើញពីចំណុចខ្វះខាតមួយចំនួនដែលជះឥទ្ធិពលមិនល្អដល់ទម្រង់លេង។ ទី១ កីឡាករមិនជឿជាក់លើខ្លួនឯងដែលជាហេតុធ្វើឲ្យប៉ះពាល់ដល់ទម្រង់លេង និងទី២ កីឡាករមិនទាន់ជឿជាក់លើគ្រូបង្វឹកថ្មី។ ចំណុចទាំងនេះហើយដែលលោកត្រូវការអភិវឌ្ឍបំផុតដើម្បីបង្កើនទំនុកចិត្តសម្រាប់ការប្រកួតបន្ទាប់ៗ។
លទ្ធផលគឺជារឿងសំខាន់ហើយ ប៉ុន្តែលោក Koji Gyotoku ទំនងជាផ្តោតលើទម្រង់លេង និងទំនុកចិត្តរបស់ក្រុមទាំងមូលច្រើនជាង។ ក្នុងសន្និសីទសារព័ត៌មានមុនការប្រកួត លោកបានលើកឡើងថា លោកនឹងប្រើប្រាស់កីឡាករថ្មីៗឲ្យបានច្រើនដើម្បីបង្កើនទំនុកចិត្ត បទពិសោធ និងជឿជាក់លើខ្លួនឯង។
ការប្រើប្រាស់កីឡាករថ្មីឲ្យចូលលេងច្រើនសម្រាប់ការប្រកួតបន្ទាប់ មិនមែនជារឿងថ្មីសម្រាប់លោក Koji Gyotoku នោះទេ។ ជាក់ស្តែង លោកបានដឹកនាំ ក្រុម U20 កម្ពុជា ទទួលបានជ័យជម្នះ ៤-១ លើនេប៉ាល់ ក្នុងពានរង្វាន់ AFC U20 Asian Cup កាលពីខែកញ្ញាកន្លងទៅសម្រាប់ការប្រកួតដំបូង ប៉ុន្តែការប្រកួតទី២ លោកបានដាក់កីឡាករថ្មីជាងពាក់កណ្តាលក្នុងជម្រើស១១នាក់ដំបូងទល់នឹងក្រុមអ៊ូបេគីស្ថាន ដែលចាញ់ ០-៧។ យ៉ាងណា ការប្រកួតទី៣ លោកបានប្រើប្រាស់កីឡាករផ្សេងទៀតដែលបានយកឈ្នះ បារ៉ែន ១-០។
ការប្រកួតមិត្តភាពអន្តរជាតិ២លើកនេះគឺមិនគ្រប់គ្រាន់សម្រាប់លោកត្រៀមខ្លួនប្រកួត AFF Championship នាចុងឆ្នាំនេះទេ ដូច្នេះហើយលោកចង់ឲ្យសហព័ន្ធកីឡាបាល់ទាត់កម្ពុជារៀបចំឲ្យមានការប្រកួតមិត្តភាពមួយឬពីរប្រកួតបន្តទៀត ជាពិសេសគឺចង់ជួបដៃគូខ្លាំងជាងខ្លួន។
ជម្រើស១១នាក់ដំបូង ពេលឈ្នះ ឆាយនីស តៃប៉ិ ៣-២ គឺ
- អ្នកចាំទី៖ ហ៊ុល គឹមហ៊ុយ
- ខ្សែការពារ៖ កាន់ ម៉ូ, សឿយ វិសាល, សារ៉េត គ្រីយ៉ា និង សឿត បារាំង
- បម្រើ៖ ណុប ដេវីត, ប្រាក់ ធីវ៉ា និង យូឌៃ អូកាវ៉ា
- បម្រើប្រយុទ្ធ៖ Nick Taylor, សៀង ចន្ធា និង លឹម ពិសុទ្ធ
ចាំមើលថា តើលោកគ្រូ Koji Gyotoku មានការប្រែប្រួលជម្រើស១១នាក់ដំបូងយ៉ាងណាយ៉ាងណាល្ងាចនេះ?
ប្រវត្តិជួបគ្នា៦លើកចុងក្រោយ កម្ពុជាមិនធ្លាប់ឈ្នះហុងកុងឡើយគឺស្មើ២ និងចាញ់៦។
- កម្ពុជា ចាញ់ ២-៤ មិត្តភាព ឆ្នាំ២០១៦
- កម្ពុជា ចាញ់ ០-២ មិត្តភាព ឆ្នាំ២០១៦
- ស្មើគ្នា ១-១ ជម្រុះ World Cup ឆ្នាំ២០១៩
- កម្ពុជា ចាញ់ ០-២ ជម្រុះ World Cup ឆ្នាំ២០១៩
- កម្ពុជា ចាញ់ ០-៣ ពាន Asian Cup ឆ្នាំ២០២២
- ស្មើគ្នា ១-១ មិត្តភាព ឆ្នាំ២០២៣
អត្ថបទ៖ វីរបុត្រ
-
ព័ត៌មានអន្ដរជាតិ៧ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៥ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៦ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៦ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៦ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៤ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ៦ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង