កីឡា
រឿង សុភ័ណ្ឌ ៖«ដល់ពេល ត្រូវហ៊ានវ៉ៃជាមួយអ្នកខ្លាំងលំដាប់ពិភពលោក»
ដៃភ្លើងជើងរន្ទះ រឿង សុភ័ណ្ឌ ត្រូវធ្វើការធ្ងន់មែនទែននៅពេលរូបគេធ្វើដំណើរទៅប្រឈមនឹងម្ចាស់ផ្ទះអង់គ្លេស Luke Whelan នៅថ្ងៃទី១៩ ខែតុលា ឆ្នាំ២០២៤ នៅទីក្រុងឡុងដ៍សម្រាប់ការប្រកួតដែលត្រូវបានដាក់រហស្សនាម«គុនខ្មែរ ប៉ះ មួយថៃ»។
ក្នុងបទសម្ភាសជាមួយសារព័ត៌មានកម្ពុជាកាលពីរសៀលថ្ងៃទី១៤ ខែតុលា រឿង សុភ័ណ្ឌ បានប្រាប់ថា រូបគេចាញ់ត្រជាក់ ដូច្នេះការប្រកួតនៅប្រទេសអង់គ្លេសនាថ្ងៃទី១៩ ខែតុលានេះគឺបារម្ភរឿងអាកាសធាតុ ប៉ុន្តែសម្រាប់អាហារគ្មានបញ្ហាអ្វីគួរឲ្យបារម្ភនោះទេ។ ជាមួយគ្នានេះ រូបគេបានទទួលស្គាល់ពីការចាញ់ប្រៀបផ្នែកខាងកាយសម្បទា ដោយសារកីឡាករខ្ពស់ជាងឆ្ងាយ។
ទោះបីជាយ៉ាងណា រឿង សុភ័ណ្ឌ មានការជឿជាក់លើខ្លួនឯងដែលអាចធ្វើបាន។ កីឡាករបាននិយាយថា ៖«ខ្ញុំមានអារម្មណ៍ថា មិនអីទេ ពីព្រោះយើងជាអ្នកកីឡា។ គេចមិនផុតទេ ចង់វ៉ៃជាមួយអ្នកខ្សោយដល់ពេលណាទៀត។ ដល់ពេលវេលាដែលយើងត្រូវតែហ៊ានវ៉ៃជាមួយអ្នកលំដាប់ហើយ។ ខ្ញុំក៏ធ្លាប់ជួបអ្នកខ្លាំងច្រើនហើយ ដូច្នេះលើកនេះក៏មិនអីដែរ។ ខ្ញុំគិតថា ខ្ញុំអាចធ្វើបាន ហើយខ្ញុំនឹងប្រឹងប្រែងឲ្យអស់ពីសមត្ថភាព។ បើចាញ់គឺចាញ់ដោយអស់ចិត្ត»។
ដៃគូរបស់ រឿង សុភ័ណ្ឌ គឺកីឡាករម្ចាស់ផ្ទះអង់គ្លេស Luke Whelan អាយុ៣៣ឆ្នាំ បានប្រឡូកក្នុងអាជីពប្រដាល់ឃីកបុកស៊ីង និងមួយថៃអស់រយៈពេល១៥ឆ្នាំហើយ។ កីឡាករមានកម្ពស់១.៨៥ម៉ែត្រ ធ្លាប់ប្រកួត៧៣ដង ក្នុងនោះឈ្នះ៥៧ដង ចាញ់១៤ដង និងស្មើ២ដង ហើយជាកីឡាករលំដាប់លេខ១ទម្ងន់៧០គីឡូក្រាមនៅប្រទេសអង់គ្លេស។
កីឡាករ Luke Whelan បានឈ្នះខ្សែក្រវាត់ចំនួន៨ខ្សែគឺ ជើងឯកពិភពលោក៦ខ្សែនៅស្ថាប័ន IKF, FIBA, KGP, ISKA, ជើងឯកទ្វីបអឺរ៉ុប European Championship និងជើងឯកចក្រភពអង់គ្លេស២លើក។
ការជួបគ្នាជាមួយអ្នកលេងគុនខ្មែរ រឿង សុភ័ណ្ឌ មិនមានអ្វីគួរឲ្យបារម្ភខ្លាំងសម្រាប់កីឡាករអង់គ្លេសរូបនេះទេ ពីព្រោះរូបគេបានឆ្លងកាត់ដៃគូខ្លាំងៗជាច្រើនស្ទើរទូទាំងពិភពលោក និងជាការប្រកួតនៅទឹកដីកំណើតខ្លួនឯងរឹតតែមានកម្លាំងចិត្ត។
ផ្ទុយទៅវិញជាការប្រកួតមួយដ៏លំបាកសម្រាប់ រឿង សោភ័ណ្ឌ ដែលត្រូវធ្វើដំណើរទៅទឹកដីអង់គ្លេសចម្ងាយរាប់ពាន់គីឡូម៉ែត្រ ហើយប៉ះដៃគូជាម្ចាស់ផ្ទះ និងមានកម្ពស់ខ្ពស់ជាងថែមទៀត។
ជំនួបរវាង រឿង សុភ័ណ្ឌ និង Luke Whelan រៀបចំដោយស្ថាប័នប្រដាល់មួយថៃ MTGP នៅសង្វៀន Might Night London នៅថ្ងៃទី១៩ ខែតុលា ឆ្នាំ២០២៤ ដោយមានកីឡាករ ព្រុំ សំណាង និង ថៃ រ៉េត ក៏ទៅប្រកួតនៅទីនោះដែរ៕
អត្ថបទ៖ វីរបុត្រ
ឯកឧត្ដម ហ៊ុន ម៉ានី៖ សុខសន្តិភាព បានផ្តល់ឱកាសនៃការជួបជុំ និងផ្សារភ្ជាប់ជាមួយជីវភាពប្រចាំថ្ងៃរបស់ប្រជាពលរដ្ឋ
សង្រ្គាមពាណិជ្ជកម្មអាមេរិកខាងជើងផ្ទុះជាថ្មី ក្រោយពន្ធ ត្រាំ លើកាណាដា និងម៉ិកស៊ិក ចូលជាធរមាន
គ្រូប្រដាល់ល្បីឈ្មោះលើវិថីគុនខ្មែរ លោក ធន់ សុភា ខ្ចីធនាគារខ្ទង់ ៤ម៉ឺនដុល្លារបង្គ្រប់ថ្លៃសាងសង់ក្លឹប
ប្រទេសមួយទៀតចេញមុខ គាំទ្រអង់គ្លេស ហើយចង់បញ្ជូនទ័ពទៅអ៊ុយក្រែន ធ្វើជាកងរក្សាសន្តិភាពដែរ
រយៈពេល២សប្ដាហ៍ អាជ្ញាធរសង្កាត់ស្ទឹងមានជ័យទី១ ឃាត់ម៉ូតូអ្នកជិះបញ្ច្រាសជាង១០០គ្រឿង
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង
អាមេរិក ចង់ឲ្យ Zelensky ចេញវីដេអូសុំទោស Trump ជាសាធារណៈ ទើបសុខចិត្ត
-
ព័ត៌មានអន្ដរជាតិ៦ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
សន្តិសុខសង្គម១៨ ម៉ោង agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ៦ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម១ សប្តាហ៍ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ជីវិតកម្សាន្ដ២៤ ម៉ោង agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម៤ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ជីវិតកម្សាន្ដ៨ ម៉ោង agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានជាតិ១ សប្តាហ៍ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ