កីឡា
អតីតកម្មការិនីកាត់ដេរ នៅ ស្រីពៅ មានកំណត់ត្រាល្អ៤ប្រភេទកីឡាផ្សេងគ្នា
កីឡាការិនីប្រដាល់កម្ពុជា នៅ ស្រីពៅ បានក្លាយជាកីឡាការិនីម្នាក់គត់ដែលមានកំណត់ត្រាល្អក្នុងអាជីពកីឡា៤ផ្សេងគ្នាគឺកីឡាគុនខ្មែរ កីឡាប្រដាល់សកល កីឡាគុនចម្រុះ និងកីឡាឃីកបុកស៊ីង។
ទី១. កីឡាឃីកបុកស៊ីង
សមិទ្ធផលខ្ពស់បំផុតរបស់ នៅ ស្រីពៅ បានកើតមានឡើងកាលពីថ្ងៃទី១៣ ខែតុលា ឆ្នាំ២០២៤ បន្ទាប់ពីបានឈ្នះកីឡាការិនីឥណ្ឌា Neelakandan Neena ក្នុងវគ្គផ្តាច់ព្រ័ត្រ លើវិញ្ញាសាទម្ងន់ក្រោម៥៥គីឡូក្រាម ក្នុងព្រឹត្តិការណ៍ប្រកួតកីឡាឃីកបុកស៊ីង ជើងឯកអាស៊ី។ នេះជាកំណត់ត្រាថ្មីចុងក្រោយបំផុតសម្រាប់កីឡាការិនីរូបនាង។
មុនពេលឈ្នះមេដាយមាសឃីកបុកស៊ីងអាស៊ី នៅ ស្រីពៅ ធ្លាប់ឈ្នះកីឡាការិនីចិន សម្រាប់ការប្រកួតមិត្តភាពលើកីឡាឃីកបុកស៊ីងនៅខេត្តសៀមរាប។
ទី២. កីឡាគុនខ្មែរ
កីឡាប្រដាល់គុនខ្មែរអាចចាត់ទុកជាប្រភេទកីឡាដើមបំផុតសម្រាប់ នៅ ស្រីពៅ នៅពេលបានចូលហ្វឹកហាត់ដំបូងជាមួយព្រឹទ្ធាចារ្យគ្រូតា ញូវ ម៉ាក់ និងលោកគ្រូ ម៉ាក់ សាខន នៅក្លិបតាឡីដំរីមានឬទ្ធិ ក្នុងខណ្ឌដង្កោ រាជធានីភ្នំពេញ។ ក្នុងអាជីពគុនខ្មែរ កីឡាការិនីរូបនេះបាន ឈ្នះខ្សែក្រវាត់គុនខ្មែរអន្តរជាតិ Kun Khmer World Champion។
សម្រាប់អាជីពគុនខ្មែរនេះដែរ នៅ ស្រីពៅ បានបង្កើតកំណត់ត្រាល្អក្នុងការចេញទៅប្រកួតនៅប្រទេសមីយ៉ាន់ម៉ាកាលពី២០១៨។ កីឡាការិនីរូបនេះបានប្រកួត២ដងនៅប្រទេសមីយ៉ាន់ម៉ា ដោយទទួលបានជ័យជម្នះ២ដង និងបានក្លាយជាកីឡាការិនីឆ្នើមប្រចាំឆ្នាំរបស់សង្វៀន Lethwei។
ទី៣. កីឡាគុនចម្រុះ (MMA)
នៅពេលកំពុងលើផ្លូវដ៏ល្អក្នុងអាជីពប្រដាល់គុនខ្មែរ នៅ ស្រីពៅ ទទួលបានឱកាសចេញទៅប្រកួតកីឡាគុនចម្រុះនៅស្ថាប័នប្រដាល់លំដាប់អាស៊ី ONE Championship។ ការប្រកួតដំបូងនៅសង្វៀននេះ កីឡាការិនីកម្ពុជាបានយកឈ្នះកីឡាការិនីថៃ Rika និងប្រកួតជាបន្តបន្ទាប់ទៀតនៅលើឆាកអន្តរជាតិ។
ទី៤. កីឡាប្រដាល់សកល
អ្នកគាំទ្រមួយចំនួនប្រហែលជាមិនដឹងទេថា នៅ ស្រីពៅ បានជាប់ជម្រើសជាតិកម្ពុជាមុនគេគឺផ្នែកកីឡាប្រដាល់សកល។ កីឡាការិនីរូបនេះបានចេញទៅប្រកួតលើឆាកអន្តរជាតិជាច្រើនចន្លោះឆ្នាំ២០១៨-១៩ ទាំងការប្រកួតប្រដាល់ក្នុងកីឡាស៊ីហ្គេម ជើងឯកអាស៊ាន និងក្នុងតំបន់អាស៊ាន។
នៅ ស្រីពៅ បានឈ្នះមេដាយមាសក្នុងការប្រដាល់សកល ជ្រើសរើសជើងឯកថ្នាក់ជាតិ ស្ទើររាល់ឆ្នាំចន្លោះពីឆ្នាំ២០១៧ ដល់២០១៩។ នៅឆ្នាំ២០១៩ នាងបានឈ្នះមេដាយសំរិទ្ធ កីឡាស៊ីហ្គេម នៅប្រទេសហ្វីលីពីនផ្នែកប្រដាល់សកលនេះ។
សូមបញ្ជាក់ថា នៅ ស្រីពៅ បានចាប់ផ្តើមហ្វឹកហាត់ប្រដាល់គុនខ្មែរដំបូងកាលពីឆ្នាំ២០១៤ ក្នុងវ័យ១៦ឆ្នាំ បន្ទាប់ពីបង្ខំចិត្តឈប់រៀនត្រឹមថ្នាក់ទី៩ដោយសារជីវភាពគ្រួសារខ្វះខាត។ នៅពេលចាប់ផ្តើមហ្វឹកហាត់ប្រដាល់គុនខ្មែរដំបូងមិនសូវច្បាស់លាស់ កីឡាការិនីរូបនេះក៏បានទៅធ្វើការនៅរោងចក្រកាត់ដេរបានរយៈពេលជាងមួយឆ្នាំទើបវិលត្រឡប់ចូលហ្វឹកហាត់ប្រដាល់វិញ។
ក្រោយមក នៅ ស្រីពៅ ចាប់ផ្តើមហ្វឹកហាត់ប្រដាល់សកលរហូតជាប់ជម្រើសជាតិកម្ពុជានៅឆ្នាំ២០១៧ មុនពេលប្តូរទៅអាជីពគុនខ្មែរវិញ ហើយបន្ថែមអាជីពគុនចម្រុះ មុនពេលបង្កើនប្រដាល់ឃីកបុកស៊ីងថែមទៀត។
កីឡាការិនីពហុជំនាញ នៅ ស្រីពៅ បានរៀបការជាមួយកីឡាករប្រដាល់គុនខ្មែរ-ឃីកបុកស៊ី សុខ រិទ្ធ កាលពីខែមករា ឆ្នាំ២០២៤។ ស្វាមីជាកីឡាករប្រដាល់គុនខ្មែរ និងឃីកបុកស៊ីងដ៏ជោគជ័យម្នាក់ដែលបានឈ្នះមេដាយមាសកីឡាឃីកបុកស៊ីង អាស៊ី ឆ្នាំ២០២២ និងឆ្នាំ២០២៤ ព្រមទាំងបានឈ្នះមេដាយមាស កីឡាស៊ីហ្គេម ឆ្នាំ២០២៣៕
អត្ថបទ៖ វីរបុត្រ
អតីតកម្មការិនីកាត់ដេរ នៅ ស្រីពៅ មានកំណត់ត្រាល្អ៤ប្រភេទកីឡាផ្សេងគ្នា
កម្ពុជា-ជប៉ុន បន្តពង្រឹងកិច្ចសហការឱ្យកាន់តែរឹងមាំលើវិស័យអាទិភាព ជាពិសេសវិស័យសុខាភិបាល
មេទ័ពអ៊ីរ៉ង់បង្ហាញខ្លួនយ៉ាងភ្ញាក់ផ្អើល ក្រោយល្បីថា ស្លាប់ក្រោមដៃអ៊ីស្រាអែល
កងពលតូចលេខ៧០ មានប្រវត្តិបែបណា? ៣០ឆ្នាំមកនេះ បានបម្រើសង្គមជាតិ និងពលរដ្ឋដូចម្ដេចខ្លះ?
នគរបាលខណ្ឌចំការមន ឃាត់ក្រុមក្មេងទំនើងប្រុស-ស្រី ៣០ នាក់ ប្រមូលផ្ដុំគ្នានៅតំបន់កោះពេជ្រ
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
ហេតុអ្វីឆ្នាំនេះ ព្យុះសាហាវៗម្ល៉េះ?
អគ្គនាយកដ្ឋានពន្ធនាគារ កំពុងស៊ើបករណីជនជាតិចិនផឹកស៊ីរាំច្រៀង ដោយអះអាងថានៅមណ្ឌលអប់រំកែប្រែទី១
ប្រការគួរកត់សម្គាល់៖ ខែតុលា ជាខែដែល«ព្រះបរមរតនកោដ្ឋ» ប្រសូត គ្រងរាជសម្បត្តិ និងយាងចូលព្រះទិវង្គត
-
ព័ត៌មានអន្ដរជាតិ១ សប្តាហ៍ agoអ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៥ ថ្ងៃ agoរោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៦ ថ្ងៃ agoគួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៦ ថ្ងៃ agoMiss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៧ ថ្ងៃ agoអ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ១ ថ្ងៃ agoផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៤ ថ្ងៃ agoភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
សន្តិសុខសង្គម៨ ម៉ោង agoនគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី