កីឡា

ទីម័រខាងកើត ឡើងមកពូលជាមួយ កម្ពុជាក្នុងពាន ASEAN Championship

បានផុស

៥ ខែ មុន

នៅ

ថ្ងៃពុធ ១៦ តុលា ២០២៤

ដោយ

ក្រុមបាល់ទាត់ជម្រើសជាតិទីម័រខាងកើតបានយកឈ្នះក្រុមជម្រើសជាតិព្រុយណេ ដោយលទ្ធផលទាំងពីរជើង ១-០ ក្នុងវគ្គជម្រុះពានរង្វាន់ ASEAN Championship ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយជ័យជម្នះនេះបានធ្វើឲ្យក្រុមទីម័រខាងកើតឡើងមកកាន់ពូល A ដែលការប្រកួតចាប់ផ្ដើមនៅខែធ្នូខាងមុខ។ ការប្រកួតពានរង្វាន់លំដាប់កំពូលក្នុងតំបន់អាស៊ាននេះបែងចែកជា២ពូល ហើយក្នុង១ពូលមាន៥ក្រុម។ ក្រុមលេខ១ និង២ក្នុងពូលនីមួយៗនឹងបានទៅវគ្គពាក់កណ្ដាលផ្ដាច់ព្រ័ត្រ។

ការចាប់ឆ្នោតបែងចែកពូលក្នុងពានរង្វាន់ ASEAN Championship ឆ្នាំ២០២៤ គឺពូល A មានក្រុមជម្រើសជាតិថៃ, កម្ពុជា, សង្ហិបុរី, ម៉ាឡេសុី និងទីម័រខាងកើត។ ចំណែកពូល B មានក្រុមជម្រើសជាតិវៀតណាម, ឥណ្ឌូណេសុី, ហ្វីលីពីន, មីយ៉ាន់ម៉ា និងឡាវ។

ជាទូទៅពានរង្វាន់ ASEAN Championship ត្រូវធ្វើឡើងរៀងរាល់២ឆ្នាំម្ដង។ កាលពីឆ្នាំ២០២២ ពានរង្វាន់នេះមានឈ្មោះថា AFF Championship ប៉ុន្តែចូលមកឆ្នាំ២០២៤ ត្រូវបានកែប្រែឈ្មោះទៅជា ASEAN Championship។

គិតចាប់តាំងពីឆ្នាំ១៩៩៦ ក្រុមដែលឈ្នះជើងឯកនេះច្រើនជាងគេគឺប្រទេសថៃ ដែលបានគ្រងជើងឯក៧ដង។ សិង្ហបុរីធ្លាប់ឈ្នះជើងឯក៤លើក ហើយវៀតណាម ធ្លាប់ឈ្នះជើងឯក២លើក និងម៉ាឡេសុី ធ្លាប់ឈ្នះជើងឯក១លើក៕