លោក Beckham ជឿថា Jim Ratcliffe នឹងអាចជួយឲ្យ Man Utd ខ្លាំងឡើងវិញ

លោក David Beckham ជឿជាក់​លើ​លោក Sir Jim Ratcliffe ​ដែល​អាច​​អាចកែប្រែក្លិប Manchester United ឲ្យត្រឡប់ទៅកម្រិតកំពូលវិញ ប៉ុន្តែវាត្រូវការពេលវេលា។

ក្លិប Manchester United មិនបានឈ្នះពាន Premier League ចាប់តាំងពីអតីតអ្នកចាត់ការ លោក Sir Alex Ferguson បានប្រកាសចូលនិវត្តន៍ក្នុងឆ្នាំ២០១៣។ ការ​មកដល់របស់លោក Sir Jim Ratcliffe ផ្លាស់ប្ដូររចនាសម្ព័ន្ធកីឡានៅកីឡដ្ឋាន​ Old Trafford ជាច្រើន ចាប់តាំងពី​លោកបានក្លាយជាម្ចាស់ភាគហ៊ុន​កាល​​ពីខែកុម្ភៈ។

លោក David Beckham បាននិយាយថា ៖«ខ្ញុំពិតជាចូលចិត្ត Jim Ratcliffe។ ខ្ញុំបានជួ​ប​គាត់​ពីរបីដងក្នុងរយៈពេលជាច្រើនឆ្នាំ​កន្លង​ទៅ ហើយខ្ញុំគិតថា គាត់ជាអ្នកគាំទ្ររបស់ក្លិប ហើយច្បាស់ណាស់គាត់ជាអ្នកជំនួញដ៏អស្ចារ្យម្នាក់»។

ក្លិប Manchester United រក​បាន​តែ​​៥គ្រាប់​ប៉ុណ្ណោះ​ក្នុងការប្រកួត៧លើកដំបូងគឺជាការចាប់ផ្តើមដ៏អាក្រក់បំផុតរបស់ក្លិប Manchester United ចាប់តាំងពីរដូវកាលឆ្នាំ ១៩៧៣-៧៤ ក្នុងក្របខណ្ឌ Premier League។ នោះក៏ជាពេលវេលាចុងក្រោយដែលពួកគេបានធ្លាក់ទៅលីគទី២។ Man Utd ជាក្រុមដំបូងគេដែលមិនអាចរកគ្រាប់បាល់ស៊ុតបញ្ចូលទីទល់នឹងក្លិប Aston Villa នៅរដូវកាលនេះ៕

អត្ថបទ៖ ផា រតនា