កីឡា

ជ័យលាភីអត្តពលិកឆ្នើម ប្រចាំយុទ្ធគុនចម្រុះខ្មែរបុរាណ ពានរង្វាន់សម្តេចធិបតី

បានផុស

៤ ខែ មុន

នៅ

ថ្ងៃចន្ទ ២១ តុលា ២០២៤

ដោយ

កីឡាករ កីឡាការិនី និងអាជ្ញាកណ្តាល១រូបត្រូវបានអ្នកជំនាញ និងព្រឹទ្ធាចារ្យជ្រើសរើសឲ្យទទួលពានរង្វាន់អត្តពលិកឆ្នើម អមដោយរង្វាន់ម៉ូតូ១គ្រឿងពីសម្តេចធិបតី ក្នុងព្រឹត្តិការណ៍ប្រកួតកីឡាយុទ្ធគុនចម្រុះខ្មែរបុរាណ ពានរង្វាន់សម្តេចធិបតី លើកទី១ ពីថ្ងៃទី១៨-១៩-២០ ខែតុលា ឆ្នាំ២០២៤ នៅវិមានពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគាត់បានឈ្នះមេដាយមាសប្រចាំវិញ្ញាសានីមួយៗ។ ម្ចាស់មេដាយមាសលើការប្រកួតអាជីពទទួលបានប្រាក់រង្វាន់១២លាន ខណៈការប្រកួតស្ម័គ្រចិត្តម្ចាស់មេដាយមាសទទួលបាន៨លានរៀល។

ជ័យលាភីឆ្នើម

កីឡាការិនីឆ្នើម គង់ម៉ូណា ជេស៊ីកា ទទួលបានពាន១ និងម៉ូតូ១គ្រឿង
កីឡាការិនីឆ្នើម ទួន ស្រីពីន ទទួលបានពាន១ និងម៉ូតូ១គ្រឿង
កីឡាករឆ្នើម គីម ទិត្យសុវឌ្ឍនៈ ទទួលបានពាន១ និងម៉ូតូ១គ្រឿង
កីឡាករឆ្នើម ផេង សុបញ្ញា ទទួលបានពាន១ និងម៉ូតូ១គ្រឿង
កីឡាករឆ្នើម ឈឿង ល្វៃ ទទួលបានពាន១ និងម៉ូតូ១គ្រឿង
ក្រុមសម្តែងឆ្នើម៖ (កីឡាការិនី ភារម្យ មុនីរ័ត្ន, កីឡាការិនី ម៉ៅ លក្ខិណា, កីឡាការិនី យ័ស កញ្ចនា, កីឡាករ យ៉ុង ពេងលី និង កីឡាករ យឹម សុវត្ថា ទទួលបានពាន១ និងម៉ូតូ១គ្រឿង
អាជ្ញាកណ្តាលឆ្នើម៖ ស៊ិន សំហេង ទទួលបានពាន១ និងម៉ូតូ១គ្រឿង

ការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចបវរធិបតី រៀបចំឡើង ក្រោមគំនិតផ្តួចផ្តើមដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា ក្នុងគោលដៅលើកកម្ពស់ អភិរក្ស និងអភិវឌ្ឍ “មរតកយុទ្ធគុនដូនតាខ្មែរ”។

ព្រឹត្តិការណ៍ប្រកួតយុទ្ធគុនចម្រុះខ្មែរបុរាណ លើកទី១ មានអត្តពលិកចំនួន៤៨២នាក់ (កីឡាករចំនួន៣៤៨នាក់ និងកីឡាការិនីចំនួន៧៧នាក់)។ ព្រឹទ្ធាចារ្យយុទ្ធគុន៣៥នាក់ គ្រូបង្វឹកចំនួន៥៧នាក់ និងអាជ្ញាកណ្តាល ចៅក្រម មន្ត្រីបច្ចេកទេស និងគ្រូពេទ្យចំនួន១៧១នាក់។

ការប្រកួតចែកចែកជា៤ប្រភេទកីឡា ស្មើនឹង១៤វិញ្ញាសាគឺ១-ការប្រកួតស្ម័គ្រចិត្តបុរសចំនួន៤វិញ្ញាសាគឺទម្ងន់-៥០គីឡូក្រាម -៦០គីឡូក្រាម -៦៥គីឡូក្រាម និង-៧០គីឡូក្រាម។ ២-ការប្រកួតស្ម័គ្រចិត្តនារីចំនួន៤វិញ្ញាសាគឺ-៤៥គីឡូក្រាម -៥០គីឡូក្រាម -៥៥គីឡូក្រាម និង-៦០គីឡូក្រាម។ ៣-ការប្រកួតប្រយុទ្ធអាជីពបុរសចំនួន២វិញ្ញាសាគឺ -៦៧គីឡូក្រាម និង-៧៥គីឡូក្រាម និង៤-ការប្រកួតសម្តែងចំនួន៤វិញ្ញាសាគឺ ថ្វាយបង្គំគ្រូឯកត្តជន មេគុនដៃឯកត្តជន មេគុនអាវុធក្រុម៣នាក់ និងមេគុនសមយុទ្ធក្រុម៥នាក់៕