កីឡា
ឡុង សុភី លើកឡើងថា កីឡាករនឹងឆ្គួតវង្វេង បើវ៉ៃញឹកញាប់ពេក
កីឡាករប្រដាល់គុនខ្មែរ ឡុង សុភី បានចាត់ទុកការឡើងប្រកួតញឹកញាប់ពេកក្នុងរយៈពេលខ្លីរបស់កីឡាករប្រដាល់អាចប៉ះពាល់ដល់ខួរក្បាល និងរាងកាយយ៉ាងធ្ងន់ធ្ងរ។
ក្នុងពិធីថ្លឹងទម្ងន់ព្រឹត្តិការណ៍ប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចបវរធិបតីកាលពីថ្ងៃទី១៧ ខែតុលា ឆ្នាំ២០២៤ កីឡាករ ឡុង សុភី ដែលធ្លាប់ជាកីឡាករលំដាប់ជួរមុខមួយរូបបានលើកឡើងថា ៖«ការប្រកួតរាល់សប្តាហ៍ ឬប្រកួត៣ទៅ៤ដងក្នុងមួយសប្តាហ៍អាចប៉ះពាល់ធ្ងន់ធ្ងរ។ កីឡាករឲ្យតែវ៉ៃញាប់គឺពុកហើយ។ ដូចទឹកស្រក់លើថ្មអីចឹង យូរៗនឹងស្រាំ ឬធ្លុះ តែកីឡាករវ៉ៃល្អបំផុត២ដងក្នុងមួយខែ។ វ៉ៃមួយអាទិត្យ សម្រាកមួយអាទិត្យ ពីព្រោះសម្រាកមួយអាទិត្យ យើងព្យាបាលខ្លួនបានល្អ។ ក្នុងរយៈពេលមួយអាទិត្យ យើងអាចព្យាបាលរបួសបានជាសះស្បើយហោចណាស់៨០ទៅ៩០% តែបើយើងវ៉ៃរាល់អាទិត្យ ខ្ញុំប្រាប់ វ៉ៃយូរខ្ទាំសាច់ ខ្ទាំឆ្អឹង នឹងបាក់ដៃ បាក់ជើង បាក់ថ្គាមលឿន ឲ្យតែបើកមុខឲ្យគេវ៉ៃ»។
ឡុង សុភី បានបង្កត់ធ្ងន់ថា ប្រសិនបើកីឡាករក្នុងមួយខែប្រកួត៤ទៅ៥ដងគឺមិនយូរនឹងប៉ះពាល់ដល់ផ្នែកណាមួយមិនខាន។ «ទោះបីជាវ៉ៃត្រូវគេ ប៉ុន្តែគេក៏វ៉ៃត្រូវយើងវិញដែរ តែបើវ៉ៃគេសន្លប់លឿនអត់សូវអីទេ។ តែបើ៣ទៅ៥ទឹកពេញៗរាល់សប្តាហ៍ ខ្ញុំប្រាប់ទៅមិនយូរទេគឺខួរក្បាល បើមិនឆ្គួត ក៏ប្រសៃប្រសាទដែរ។ ខ្ញុំអាចនិយាយបានថា កីឡាករទាំងអស់ឲ្យតែពូកែដាក់មុខឲ្យគេវ៉ៃ មិនយូរទេនឹងប្រសៃប្រសាទហើយ ពីព្រោះខួរក្បាលខ្ទាំ ត្រូវកែង ត្រូវកណ្តាប់ដៃ យូរៗខ្ទាំ។ ពេលឥឡូវនេះមិនសូវកើតបញ្ហាអីទេ តែដល់អាយុចាប់ពី៣០ឆ្នាំឡើងទៅចាប់ផ្តើមមានបញ្ហាដល់ខួរក្បាល ដូចជាភ្លេចភ្លាំង ឬប្រសៃប្រសាទរជាដើម»។
ទោះបីជាយ៉ាងណា ឡុង សុភី បានបញ្ជាក់ថា ប្រសិនបើអត់បានប្រកួតយូរក៏មិនល្អដែរ ក្នុងនោះបាត់បង់ចំណូលចិញ្ចឹមជីវិត។ ក្បាច់ អាវុធ និងកម្លាំងស៊ុហ្វមិនល្អ ប្រសិនបើខកខានឡើងសង្វៀនចាប់ពី៣ខែឡើងទៅហើយ។
បច្ចុប្បន្ន ឡុង សុភី មិនសូវបានឡើងប្រកួតញឹកញាប់ទេ បន្ទាប់ពីវ័យកាន់តែច្រើន។ ជាពិសេសក្បាច់វ៉ៃរបស់ខ្លួនមិនល្អដូចមុនឡើយ ហើយទម្ងន់ក៏កាន់តែធ្ងន់។ ក្នុងអាជីពប្រដាល់កីឡាកររូបនេះធ្លាប់បានឈ្នះខ្សែក្រវាត់៨ខ្សែ ហើយដៃគូដ៏ជក់ចិត្តគួរឲ្យចងចាំបំផុតសម្រាប់អ្នកគាំទ្រគឺ កែវ រំចង់។
សម្រាប់ការប្រកួតក្នុងកម្មវិធីយុទ្ធគុនចម្រុះខ្មែរបុរាណ ពានរង្វាន់សម្តេចបវរធិបតី លើកទី១ ពីថ្ងៃទី១៩ដល់ទី២០ ខែតុលា ឆ្នាំ២០២៤ ឡុង សុភី មិនទទួលបានមេដាយទេ បន្ទាប់ពីចាញ់សិស្សប្អូន ឈឿង ល្វៃ និង សំអឿន សុផា សម្រាប់ការប្រកួតវិញ្ញាសាអាជីពទម្ងន់៧៥គីឡូក្រាម ខណៈវិញ្ញាសានេះមេដាយមាសបានទៅកីឡាករ ឈឿង ល្វៃ មេដាយប្រាក់បានទៅ មាស ម៉ើ និងមេដាយសំរិទ្ធ បានទៅ សំអឿន សុផា៕
អត្ថបទ៖ វីរបុត្រ
ដាក់ផែនការនៅកម្ពុជាយូរទៀត Cristian គ្រោងនាំប្រពន្ធកូនមកនៅខ្មែរដែរ
មីន អ៊ុងឡាំង ទៅប្រជុំនៅបាងកក ខណៈមនុស្សស្លាប់ដោយរញ្ជួយដីនៅមីយ៉ាន់ម៉ា កើនដល់ជិត ៤ពាន់
Nani ថា Viktor Gyokeres មានចំណុចពិសេស ២ អាចក្លាយជាខ្សែប្រយុទ្ធដ៏សក្តិសមរបស់ Man UTD
សម្តេច ម៉ែន សំអន សម្តែងការសាទរពិធីជូនពរ និងអបអរសាទរបុណ្យចូលឆ្នាំថ្មី ប្រពៃណីជាតិខ្មែរ ដែលនឹងមកដល់ឆាប់ៗ ខាងមុខនេះ
រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន
សភាពាណិជ្ជកម្មអាមេរិកនៅកម្ពុជា ស្នើឱ្យដោះស្រាយបញ្ហាពន្ធអាមេរិកថ្មី ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»
អាមេរិកថាកម្ពុជាយកពន្ធខ្លួន ៩៧ ភាគរយ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ
រដ្ឋមន្ត្រី៖ ការដំឡើងពន្ធរបស់អាមេរិកមិនប៉ះពាល់ ១០០% លើការនាំចេញរបស់កម្ពុជានោះទេ
នីតិកាលទី៧ នៃរដ្ឋសភា មានតំណាងរាស្ត្រចំនួន ៦រូប ជាខ្មែរឥស្លាម
ស្នងការខេត្តកណ្ដាល ព្រមាន និងពិន័យ៣ខែ លើប៉ូលិសដែលឃាត់ឡានពលរដ្ឋបណ្ដាលឱ្យខូចខាតនៅផ្លូវជាតិលេខ៣
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ចរាចរណ៍៣ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់