Liverpool បោះបង់ Nike ចាប់យក Adidas នៅរដូវកាលក្រោយ

ក្លិបក្រហម Liverpool នឹងរកចំណូលបានជាង៧៧លានដុល្លារ ក្នុងមួយរដូវកាល​សម្រាប់​កិច្ចព្រមព្រៀងថ្មីជាមួយក្រុមហ៊ុន Adidas ដែល​មាន​តម្លៃ​ច្រើនជាង២ដង​លើ​កិច្ចសន្យា​ជា​មួយ​ក្រុមហ៊ុន Nike បច្ចុប្បន្ន។

យោងតាមកាសែត The Times បានឲ្យដឹងថា ក្លិប Liverpool នឹងចែក​ផ្លូវការជាមួយក្រុមហ៊ុន Nike ហើយចាប់ផ្តើមភាពជាដៃគូថ្មីជាមួយ Adidas នៅរដូវក្តៅក្រោយ បន្ទាប់ពីចំណាយពេល៥ឆ្នាំជាមួយក្រុមហ៊ុនអាមេរិកមួយនេះ។ កិច្ចព្រមព្រៀងថ្មីនេះត្រូវបានគេរំពឹងថា នឹងផ្តល់ការជំរុញផ្នែកហិរញ្ញវត្ថុដ៏សន្ធឹកសន្ធាប់ ហើយទំនងជាទទួលបានចំណូលទ្វេដងពីលើសពីកិច្ចសន្យាបច្ចុប្បន្នរបស់ពួកគេសម្រាប់រយៈពេល៥ឆ្នាំខាងមុខ។

ក្រោមលក្ខខណ្ឌបច្ចុប្បន្ន កិច្ចព្រមព្រៀងជាមួយក្រុមហ៊ុន Nike និង​ Liverpool ពួកគេអាចរកចំណូលបានប្រមាណ​៣៨លាន​ដុល្លារក្នុងមួយឆ្នាំ រួមជាមួយនឹងថ្លៃសួយសារចំនួន២០% ។ ចំពោះយុទ្ធសាស្ត្ររបស់ Nike ក្នុងការជំរុញឲ្យមានការទទួលស្គាល់ម៉ាកយីហោជាសកលរបស់ខ្លួន។

ក្លិប Liverpool ស្ថិតក្នុងចំណោមក្លិបរកចំណូលបានច្រើនទាក់ទងនឹងការឧបត្ថម្ភពីសំណាក់ដៃគូសហការ ហើយអាចធ្វើឲ្យពួកគេប្រកួតប្រជែងជាមួយនឹងក្រុមកំពូលៗនៅ Premier League ផ្សេងទៀត។ បច្ចុប្បន្នក្លិប Arsenal, Manchester City និង Chelsea កំពុងរីករាយជាមួយកិច្ចសន្យារបស់ពួកគេដែលមានតម្លៃចាប់ពី៧៧លានដុល្លាររហូតដល់៨៤លានដុល្លារ ក្នុងមួយរដូវកាល ខណៈក្លិប Manchester United នាំមុខគេជាមួយនឹងកិច្ចព្រមព្រៀងប្រចាំឆ្នាំក្នុងតម្លៃ១១៦លានដុល្លារពីក្រុមហ៊ុន Adidas៕

ប្រែសម្រួល៖ ផា រតនា