កីឡា

ព្រះខ័នរាជស្វាយរៀង ប៉ះ Falcons ម៉ោង២ថ្ងៃនេះពានអាស៊ីទី៣

បានផុស

៥ ខែ មុន

នៅ

ថ្ងៃពុធ ៣០ តុលា ២០២៤

ដោយ

ព្រះខ័នរាជស្វាយរៀង ត្រូវប្រកួតជាមួយក្រុម SP Falcons វេលាម៉ោង២រសៀល ថ្ងៃនេះ វគ្គសន្សំពិន្ទុពូល E ក្នុងពានរង្វាន់ទ្វីបអាស៊ីលំដាប់ទី៣ AFC Challenge League ២០២៤-២៥ នៅទីក្រុង Ulaanbaatar ប្រទេស ម៉ុងហ្គោលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះខ័នរាជស្វាយរៀង នឹងបង្កើតកំណត់ត្រាថ្មីក្នុងការឡើងទៅកាន់វគ្គ៨ក្រុមចុងក្រោយ ប្រសិនបើទទួលជ័យជម្នះ ពីព្រោះក្នុងពូលមានតែ៣ក្រុមប៉ុណ្ណោះ ដោយមាន២ក្រុមត្រូវឡើងទៅវគ្គបន្ត ហើយមានតែ១ក្រុមប៉ុណ្ណោះត្រូវធ្លាក់។

ស្របពេលក្រុមម្ចាស់ផ្ទះម៉ុងហ្គោលី SP Falcons និងក្រុមឥណ្ឌូណេស៊ី Madura United បានឆ្លងកាត់១ប្រកួតហើយដោយចែកគ្នាបាន១ពិន្ទុម្នាក់ បន្ទាប់ពីស្មើគ្នាដោយគ្មានគ្រាប់បាល់ទម្លាយសំណាញ់ទីគ្នា។ នេះជាការប្រកួតចុងក្រោយរបស់ Falcons ប៉ុន្តែជាការប្រកួតលើកទី១របស់ព្រះខ័នរាជស្វាយរៀង។

ការប្រកួតនេះមិនមែនជារឿងងាយស្រួលសម្រាប់ក្រុមកម្ពុជាឡើយ ពីព្រោះអាកាសធាតុត្រជាក់ខ្លាំងធ្វើឲ្យពិបាកលេង។ ជាពិសេសទីលានស្មៅសិប្បនិម្មិតដែលខុសប្លែកពីទីលានធម្មជាតិនៅកម្ពុជា។

ទោះបីជាយ៉ាងណា គ្រូបង្វឹកព្រះខ័នរាជស្វាយរៀងបានលើកឡើងថា មិនអាចយកបញ្ហាអាកាសធាតុត្រជាក់ និងទីលានសិប្បនិម្មិតធ្វើជាលេសបានឡើយ។ អ្វីដែលសំខាន់គឺត្រូវសម្របខ្លួនឲ្យលឿនទាន់ពេលវេលា និងធ្វើឲ្យបានលេងបំផុតដើម្បីស្វែងរកជ័យជម្នះជូនកម្ពុជា។