កីឡា

ការប្រកួតបាល់ទាត់ដើម្បីគុនខ្មែរ ទទួលបានប្រាក់ជាង១ពាន់លានរៀល

បានផុស

៣ ខែ មុន

នៅ

ថ្ងៃពុធ ៣០ តុលា ២០២៤

ដោយ

ការប្រកួតកីឡាបាល់ទាត់សប្បុរសធម៌ដើម្បីលើកស្ទួយគុនខ្មែរ កាលពីល្ងាចថ្ងៃទី២៩ ខែតុលា ឆ្នាំ២០២៤ នៅស្តាតចាស់ ទទួលបានប្រាក់ឧបត្ថម្ភជាង១ពាន់លានរៀលពីសប្បុរសជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមចំនួនជាក់ស្តែងដែលបានប្រកាសជាផ្លូវការគឺទទួលបានចំនួន ១០៦១លានរៀល ប៉ុន្តែចំនួននេះមិនទាន់ត្រូវបានរាប់បញ្ចូលពីការបរិច្ចាគតាមរយៈគណនីធនាគារ ឬសប្បុរសជនមួយចំនួនទៀតឡើយ។

សប្បុរសជនដែលបានបរិច្ចាគថវិកាមានដូចខាងក្រោម៖

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ចំនួន ១០០លានរៀល
សម្តេចពិជ័យសេនា ទៀ បាញ់ ចំនួន ២០លានរៀល
ឯកឧត្តម ឃួង ស្រេង ចំនួន ៥០លានរៀល
អ្នកឧកញ៉ា លាង ម៉េង ចំនួន ២០០លានរៀល
លោកជំទាវ ហ៊ុន ម៉ាណា ចំនួន ២០០លានរៀល
លោកជំទាវ ជួប មាន ចំនួន ៤០លានរៀល
ឯកឧត្តមឧបនាយករដ្ឋមន្ត្រី ទៀ សីហា ចំនួន ៤០លានរៀល
ក្រុមហ៊ុន Ganzberg Boostrong ចំនួន ៣០០លានរៀល
អ្នកឧកញ៉ា សំអាង វឌ្ឍនៈ ចំនួន ១០០លានរៀល
ឧត្តមសេនីយ៍ឯក រ័ត្ន ដារ័ត្ន ចំនួន ២លានរៀល
ឧត្តមសេនីយ៍ត្រី ប៉ោ បិន ចំនួន ៦លានរៀល
នាយឧត្តមសេនីយ៍ ស ថេត ចំនួន ១០លានរៀល
ឯកឧត្តម ហេង សួរ ចំនួន ៤លានរៀល

គោលបំណងចម្បងក្នុងការបង្កើនឲ្យមានមូលនីធិនេះឡើងគឺដើម្បីជួយឧបត្ថម្ភគាំទ្រដល់ក្លិបកីឡាប្រដាល់គុនខ្មែរនៅតាមបណ្តាខេត្តនានា។ ក្លិបជាច្រើននៅតាមខេត្តគ្មានទីកន្លែងច្បាស់លាស់ គ្មានសម្ភារហ្វឹកហាត់ ហើយអ្នកខ្លះហ្វឹកហាត់នៅក្រោមដើមឈរ វាលស្រែ ប៉ុន្តែពួកគាត់នៅតែព្យាយាមហ្វឹកហាត់តាមលទ្ធភាពដែលអាចទៅរួច។

លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរបានលើកឡើងថា តាមរយៈមូលនីធិនេះនឹងក្លាយជាមូលដ្ឋានគ្រឹះដ៏សំខាន់ក្នុងការជួយពង្រឹង និងអភិវឌ្ឍថ្នាលគុនខ្មែរទូទាំងប្រទេស។ ពួកគាត់នឹងមានលទ្ធភាពបញ្ជូនកីឡាករ កីឡាការិនីចូលរួមប្រកួតទាំងនៅរាជធានីភ្នំពេញ និងតាមខេត្ត ខណៈសហព័ន្ធចាប់ផ្តើមបេសកកម្មរៀបចំការប្រកួតថ្នាលគុនខ្មែរតាមបណ្តាខេត្តនានាឲ្យបានច្រើន៕