កីឡា
ជើងខ្លាំងអាមេរិក Jaron Ennis កាន់កំណត់ត្រាឈ្នះ១០០% ក្នុងអាជីព៨ឆ្នាំចុង
អ្នកប្រដាល់សកលអាជីពជនជាតិអាមេរិកកីឡាករ Jaron Ennis វ័យ២៧ឆ្នាំប្រកួតប្រដាល់សកលអាជីពរយៈពេល៨ឆ្នាំមិនទាន់ស្គាល់បរាជ័យសោះ ក្រោយចាប់ផ្ដើមប្រកួតកម្រិតអាជីពទាំងពីឆ្នាំ២០១៦។
![](https://www.kampucheathmey.com/wp-content/uploads/2024/11/jaron-boots-ennis-with-title-belt.webp)
Jaron Ennis កើតថ្ងៃទី២៦ ខែមិថុនា ឆ្នាំ១៩៩៧ ជាអ្នកប្រដាល់អាជីពជនជាតិអាមេរិក បានគ្រងខ្សែក្រវាត់ប្រដាល់សកលអន្តរជាតិ (IBF) តាំងពីឆ្នាំ២០២៣។ ក្នុងនាមជាអ្នកប្រដាល់ស្ម័គ្រចិត្ត រូបគេបានឈ្នះមេដាយប្រាក់ និងមេដាយមាសក្នុងកម្មវិធី U.S. National Golden Gloves Championships ក្នុងឆ្នាំ២០១៤និង២០១៥។
Ennis បានបង្ហាញខ្លួនក្នុងការប្រកួតកម្រិតជាអាជីពដំបូងនៅថ្ងៃទី៣០ ខែមេសា ឆ្នាំ២០១៦ ដោយបានយកឈ្នះកីឡាករ Cory Muldrew តាមរយៈការផ្តួលគូក្នុងទឹកទី១ នៅមជ្ឈមណ្ឌល Dixie ក្នុងទីក្រុង St. George រដ្ឋ Utah ។ ក្រោយឈ្នះ២០ប្រកួតជាប់គ្នាកីឡាករទទួលបានឱកាសប្រកួតដណ្ដើមខ្សែក្រវាត់លើដំបូងក្នុងឆ្នាំ២០១៨។ ក្នុងការប្រកួតដណ្ដើមខ្សែក្រវាត់ WBC–USNBC Silver welterweight រូបគេបន្ដធ្វើបានល្អដោយយកឈ្នះកីឡាករ Armando Alvarez ក្រោយចំណាយពេល៣ទឹកប៉ុណ្ណោះ ដើម្បីក្លាយជាម្ចាស់ខ្សែក្រវាត់។
![](https://www.kampucheathmey.com/wp-content/uploads/2024/11/r839789_1296x729_16-9-1024x576.png)
នៅថ្ងៃទី១៩ ខែធ្នូ ឆ្នាំ២០២០ កីឡាករ Jaron Ennis បានបន្ដឈ្នះខ្សែក្រវាត់ IBO ដែលជាខ្សែក្រវាត់ទី២ ក្រោយយកឈ្នះកីឡាករ Chris van Heerden ក្នុងទឹកទី១ប៉ុណ្ណោះ ប៉ុន្ដែក្នុងការប្រកួតនោះមិនបានប្រកាសលទ្ធផលគេផ្លូវការទេ។ ៣ឆ្នាំក្រោយមក Jaron Ennis បានឈ្នះខ្សែក្រវាត់ IBF ជាខ្សែក្រវាត់ទី៣ ក្រោយឈ្នះពិន្ទុកីឡាករ Karen Chukhadzhian ក្នុងការប្រកួត១២ទឹកពេញ។
គិតត្រឹមឆ្នាំ២០២៤ អ្នកប្រដាល់សកលអាមេរិក Jaron Ennis កំពុងកាន់កាប់កំណត់ត្រាឈ្នះ១០០% ក្រោយប្រកួត៣៣ លើកឈ្នះ៣២ (មិនប្រកាសលទ្ធផល១លើក) ហើយផ្ដួលដៃគូឲ្យបោះបង់ការប្រកួតចំនួន២៩លើក៕
![](https://www.kampucheathmey.com/wp-content/uploads/2024/11/Ennis-2023-2-1024x577.jpg)
អត្ថបទ៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១២ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១២ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច