កីឡា

ក្រុមកីឡាករ E-Sports ជនពិការខេត្តត្បូងឃ្មុំឈ្នះមេដាយមាសកីឡាជាតិជនពិការ

បានផុស

៣ ខែ មុន

នៅ

ថ្ងៃសុក្រ ៨ វិច្ឆិកា ២០២៤

ដោយ

ក្រុមកីឡាករជនមានពិការភាពខេត្តត្បូងឃ្មុំ មានអារម្មណ៍រំភើបយ៉ាងខ្លាំងដែលបានឈ្នះមេដាយមាស ក្នុងព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ បានបញ្ចប់កាលពីថ្ងៃទី៧ ខែវិច្ឆិកា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលឈ្នះមេដាយមាស ក្រុមកីឡាករជនមានពិការភាពខេត្តត្បូងឃ្មុំ បានបង្កើតកំណត់ត្រាមិនចាញ់ចាប់តាំងពីវគ្គវិលជុំសន្សំពិន្ទុ និងវគ្គផ្តាច់ព្រ័ត្រ។ ពួកគេបានឆ្លងកាត់៤ប្រកួតក្នុងវគ្គវិលជុំសន្សំពិន្ទុ ដោយទទួលបានជ័យជម្នះទាំងអស់ ដើម្បីឡើងទៅកាន់វគ្គផ្តាច់ព្រ័ត្រ។

ការប្រកួតវគ្គផ្តាច់ព្រ័ត្រ ក្រុមកីឡាករជនមានពិការភាពខេត្តត្បូងឃ្មុំ នៅតែធ្វើបានល្អឥតខ្ចោះទៀតដោយតម្រូវឲ្យមានការប្រកួត៥ហ្គេម ប៉ុន្តែក្រុមខេត្តមួយនេះបានយកឈ្នះ៣ហ្គេមដំបូងលើក្រុមរាជធានីភ្នំពេញ ដើម្បីក្លាយជាម្ចាស់មេដាយមាស។ ក្រោយឈ្នះសមាជិកម្នាក់បានសម្តែងអារម្មណ៍រំភើបរីករាយយ៉ាងខ្លាំងរហូតដល់យំ ដោយមិននឹកស្មានខ្លួនជាជនមានពិការរភាព ប៉ុន្តែអាចស្វែងរកបានសមិទ្ធផលជូនខេត្តរបស់ខ្លួនគឺខេត្តត្បូងឃ្មុំ។

ការប្រកួតកីឡាអេឡិចត្រូនិកលើវិញ្ញាសា Mobile Legends Bang Bang នៅក្នុងព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ បានបិទបញ្ចប់កាលពីថ្ងៃទី៧ ខែវិច្ឆិកា ឆ្នាំ២០២៤ ក្រោមវត្តមានលោក ជា ច័ន្ទបរិបូណ៍ ប្រធានសហព័ន្ធកីឡាអេឡិចត្រូនិកកម្ពុជា។