កីឡា

Mourinho ត្រូវសហព័ន្ធបាល់ទាត់តួកគីពិន័យក្រោយរិះគន់ក្រុមមន្ត្រី VAR

បានផុស

៤១ វិនាទី មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

លោក Jose Mourinho គ្រូបង្វឹក្រុម Fenerbahce បានប្រើពាក្យសម្ដីមិនសមរម្យសំដៅទៅលើមន្ត្រី VAR លោក Atilla Karaoglan បន្ទាប់ពីទទួលបានជ័យជម្នះលើក្រុម Trabzonspor ក្នុងលទ្ធផល ៣-២ កាលពីថ្ងៃអាទិត្យមុនបានធ្វើឲ្យគ្រូបង្វឹករូបនេះរងការពិន័យពីសហព័ន្ធបាល់ទាត់តួកគី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាទទួលបានជ័យជម្នះក្នុងការប្រកួតពិតមែន ប៉ុន្តែលោក Mourinho មិនសប្បាយចិត្តទេ ដោយលើកហេតុផលថាមន្ត្រី VAR ហាក់លម្អៀងទៅក្រុម Trabzonspor។ ជាពិសេសតាមរយៈការពិន័យហើយផ្ដល់បាល់ពិន័យ១១ម៉ែត្រឲ្យក្រុមម្ចាស់ផ្ទះ។

ក្រោយបញ្ចប់ការប្រកួតលោក Jose Mourinho បាននិយាយថា ៖«ថ្ងៃនេះកីឡាករល្អប្រចាំការប្រកួតបានទៅលើមន្ត្រី VAR លោក Atilla Karaoglan។ យើងមិនបានឃើញមុខគាត់ទេ ប៉ុន្តែគាត់គឺកាត់ក្ដីដ៏ល្អក្នុងការប្រកួត។ យើងមិនចង់ជួបគាត់ទៀតទេ ព្រោះថាវាគួរឲ្យខ្ពើមណាស់។ យើងមិនចង់បានគាត់ទេ។ យើងមិនចង់បានគាត់នៅលើទីលានទេ»។

ការរិះគន់របស់លោក Mourinho បានរំលោភដល់សិទ្ធិបុគ្គល ហើយបានចោទប្រកាន់ថាការសម្រេចចិត្តរបស់មន្ត្រី VAR មានភាពលំអៀង ហើយថាលេងក្នុងកាលៈទេសៈបែបនេះវាពិតជាពិបាកណាស់។ លោក Mourinho ក៏បានបន្ថែមថា៖«យើងលេងប្រឆាំងនឹងប្រព័ន្ធបច្ចេកវិទ្យា។ ហើយការលេងទល់នឹងប្រព័ន្ធបចេ្ចកវិទ្យាគឺជារឿងពិបាកបំផុត»។

ក្រោយការលើកឡើងរបស់លោក Mourinho បានធ្វើសហព័ន្ធកីឡាបាល់ទាត់តួគី (TFF) មិនសប្បាយចិត្តទេហើយក៏ធ្វើការផាកពិន័យនិងទណ្ឌកម្មបន្ថែមទៀត បន្ទាប់ពីធ្វើឲ្យប៉ះពាល់ដល់កេរ្ដិ៍បាល់ទាត់ប្រទេសតួកគី។ កាលពីថ្ងៃព្រហស្បតិ៍សហព័ន្ធបានចេញសេចក្តីថ្លែងការណ៍ថ្កោលទោសការថ្លែងលើលោក Mourinho ពីមិនមានសារត្មីសមជាអ្នកកីឡាទល់តែសោះ ហើយលើកហេតុផលថាការលើកឡើងរបស់គ្រូបង្វឹករូបនេះ ធ្វើឲ្យប៉ះពាល់ដល់សុចរិតភាពបាល់ទាត់ប្រទេសតួកគី។

លោក Mourinho ទទួលបានការផាកពិន័យបន្ថែមប្រហែល១៦០០ដុល្លារផងដែរ ហើយត្រូវបានហាមចូលរួមដឹកនាំក្រុមមួយប្រកួត ដោយហាមចូលបន្ទប់ផ្លាស់សំល្លៀកបំពាក់ជាពិសេសតំបន់ Touchline៕

ប្រែសម្រួល៖ ផា រតនា