កីឡា

កីឡាករគុនខ្មែរ៣រូបឈ្នះពាន-ខ្សែក្រវាត់ នៅក្រៅប្រទេសចុងសប្តាហ៍កន្លងទៅ

បានផុស

១៦ នាទី មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

កីឡាករប្រដាល់គុនខ្មែរ៣រូបទទួលបានពានរង្វាន់-ខ្សែក្រវាត់សម្រាប់ការប្រកួតនៅក្រៅប្រទេសកាលពីថ្ងៃសៅរ៍ និងអាទិត្យកន្លងទៅនេះដែលបានក្លាយសមិទ្ធផលថ្មីមួយទៀតសម្រាប់កីឡាគុនខ្មែរលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សៀហ៊ៃ ដែលជាអ្នកប្រដាល់វ័យក្មេងកំពុងបង្ហាត់ប្រដាល់គុនខ្មែរនៅប្រទេសបារាំង បានឈ្នះពានរង្វាន់មួយ បន្ទាប់ពីបានយកឈ្នះកីឡាករអេស្ប៉ាញ ក្នុងកម្មវិធី LGB Fight Night កាលពីថ្ងៃសៅរ៍ ទី៩ ខែវិច្ឆិកា ឆ្នាំ២០២៤ នៅទីក្រុងបារីស ប្រទេសបារាំង។

នៅថ្ងៃសៅរ៍ ខែឆ្នាំដដែល អ្នកលេងគុនខ្មែរ សូត្រ ខេវិន បានផ្តួលកីឡាករម្ចាស់ផ្ទះម៉ាឡេស៊ី Hakim នៅក្នុងទឹកទី១តាមរយៈផ្លែកែងដ៏គ្រោះថ្នាក់ដើម្បីទទួលបានខ្សែក្រវាត់ Super Muay នៅប្រទេសម៉ាឡេស៊ី។

នៅយប់ថ្ងៃអាទិត្យ ទី១០ ខែវិច្ឆិកា នៅកម្មវិធីដដែលនេះ រិទ្ធ ភូលូ ក៏មិនបានធ្វើឲ្យអ្នកគាំទ្រខកបំណងឡើយដោយរូបគេបានយកកឈ្នះកីឡាករម្ចាស់ផ្ទះម៉ាឡេស៊ី Abe Long ដោយពិន្ទុដើម្បីគ្រងខ្សែក្រវាត់ Super Muay។

ការប្រកួតរវាងកីឡាករ រិទ្ធ ភូលូ និង កីឡាករម៉ាឡេស៊ី ត្រូវបានអ្នកគាំទ្រមើលឃើញពីសុក្រិតភាពរបស់ចៅក្រមដាក់ពិន្ទុដោយមិនលំអៀងទៅលើកីឡាករម្ចាស់ផ្ទះ។ ការប្រកួតនេះកីឡាករកម្ពុជាមានប្រៀបតាមរយៈការចូល និងវ៉ៃត្រូវគោលដៅច្រើន ដូច្នេះហើយទើបបានចៅក្រមផ្តល់ពិន្ទុឲ្យឈ្នះ។

តាមការឲ្យដឹងពីលោក ស្រ៊ឺ ស្រេង (សំណព្វ) ថា លោកគ្រោងសហការជាមួយភាគីម៉ាឡេស៊ីដើម្បីរៀបចំព្រឹត្តិការណ៍ប្រកួតដែលមានឈ្មោះ«Super Kun Khmer»ទាំងនៅប្រទេសម៉ាឡេស៊ី និងនៅកម្ពុជា ប៉ុន្តែត្រូវការស្វែងរកដៃគូឧបត្ថម្ភជាមុនសិន៕