កីឡា

ចូលមើលឥតគិតថ្លៃ ការប្រកួតវគ្គផ្តាច់ព្រ័ត្រលីគយុវជនពីរកម្រិតថ្ងៃនេះ

បានផុស

៨ នាទី មុន

នៅ

ថ្ងៃអង្គារ ១២ វិច្ឆិកា ២០២៤

ដោយ

ការប្រកួតបាល់ទាត់លីគយុវជនជម្រើសជើងឯកជាតិ២កម្រិតបានឈានដល់ថ្ងៃផ្តាច់ព្រ័ត្រនៅ រសៀលថ្ងៃទី១២ ខែវិច្ឆិកា ឆ្នាំ២០២៤ នៅពហុកីឡដ្ឋានជាតិអូឡាំពិកដែលអ្នកគាំទ្រអាចចូលទស្សនាបានដោយឥតគិតថ្លៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេលាម៉ោង៣រសៀល ជាការប្រកួតវគ្គផ្តាច់ព្រ័ត្ររវាងក្រុមយុវជនក្លិប វិសាខា ជាមួយក្រុមយុវជនរបស់ សៀមរាប យូណាយធិត ដណ្តើមដណ្តើមជើងឯក លីគយុវជនអាយុ១៦ឆ្នាំ Cambodian U16 League ឆ្នាំ២០២៤។

បន្ទាប់មក នៅវេលាម៉ោង៦:៣០នាទីល្ងាច ជាការប្រកួតវគ្គផ្តាច់ព្រ័ត្រ រវាង ក្រុមយុវជន វិសាខា ជាមួយក្រុមយុវជន អាយអេសអាយ ដង្កោសែនជ័យ ដើម្បីដណ្តើមជើងឯក លីគយុវជនអាយុក្រោម១៩ឆ្នាំ។

មុនឈានដល់វគ្គផផ្តាច់ព្រ័ត្រ មានការប្រកួតជាច្រើនដំណាក់កាល។ ដំណាក់កាលទី១ គឺការប្រកួតវិលជុំសន្សំពិន្ទុ ក្នុងនោះ វិសាខា ឈ្នះ១៧ប្រកួត និងចាញ់១ប្រកួតរកបាន៥១ពិន្ទុ ឈរលើកំពូលតារាង និងរង់ចាំវគ្គផ្តាច់ព្រ័ត្រ។ ដំណាក់កាលទី២ ក្រុមលេខ៤ ប្រកួតជាមួយ ក្រុមលេខ៣ ហើយអ្នកឈ្នះប្រកួតជាមួយក្រុមលេខ២ ដើម្បីស្វែងរកអ្នកឈ្នះឡើងប្រកួតវគ្គផ្តាច់ព្រ័ត្រជាមួយ វិសាខា៕