កីឡា
បើតកុងត្រាថ្មី វឿន វាសនា នឹងទទួលបានជិត២០ម៉ឺនដុល្លារក្នុង១ឆ្នាំនៅតៃវ៉ាន់
កីឡាករបាល់ទះជម្រើសជាតិកម្ពុជា វឿន វាសនា នឹងទទួលបានប្រាក់ចំណូលជិត២០ម៉ឺនដុល្លារអាមេរិកក្នុងមួយឆ្នាំ ប្រសិនបើក្លិបតៃវ៉ាន់ Win Streak បន្តកុងត្រាថ្មីនាពេលខាងមុខនេះ។

លោក អាំង សិរីពិសិដ្ឋ អគ្គលេខាធិការ និងជាអនុប្រធានសហព័ន្ធកីឡាបាល់ទះកម្ពុជាបានឲ្យដឹងថា វឿន វាសនា ជិតផុតកុងត្រាហើយជាមួយក្លិបតៃវ៉ាន់ Win Streak។ រូបគេនឹងទទួលបានប្រាក់ចំណូលជិត២០ម៉ឺនដុល្លារអាមេរិក ប្រសិនបើបន្តកុងត្រាថ្មីនៅឆ្នាំក្រោយ។

លោកបាននិយាយថា ៖«បងប្អូនជនរួមជាតិបានជ្រាបហើយពាក់ព័ន្ធនឹងកីឡាករ វឿន វាសនា។ ឥឡូវកុងត្រារបស់គាត់ជិតផុតហើយ។ បើបន្តកុងត្រាថ្មី ប្រាក់បៀរវត្តន៍របស់គាត់គឺមួយខែជាង១ម៉ឺនដុល្លារ អីចឹងមួយឆ្នាំចូលជិត២០ម៉ឺនដុល្លារ។ វាជាការបើកទំព័រប្រវត្តិសាស្ត្រថ្មីនៅក្នុងវិស័យកីឡាបាល់ទះកម្ពុជារបស់យើង។ ជឿជាក់ថា អត្តពលិករបស់យើងទាំងជម្រើសជាតិក្តី មិនមែនជម្រើសជាតិក្តី ទាំងយុវជន ត្រូវសម្លឹងមើលរៀមច្បងជាគំរូ ហើយប្រឹងប្រែងធ្វើតាម»។

វឿន វាសនា បានចូលរួមជាមួយក្លិប Win Sreak កាលពីចុងឆ្នាំ២០២៣ បន្ទាប់ពីចប់ព្រឹត្តិការណ៍កីឡាទ្វីបអាស៊ី Asain Games នៅប្រទេសចិន។ រហូតដល់ពេលនេះរូបគេបានបន្តឲ្យក្លិបតៃវ៉ាន់ចូលរដូវកាលទី២ហើយ។ ចូលរដូវកាលទី២នៃលីគបាល់ទះកំពូលតៃវ៉ាន់ កីឡាករកម្ពុជាកាន់តែបង្ហាញទម្រង់លេងដ៏អស្ចារ្យ ស្របពេលតារាឆ្នើមហ្វីលីពីន Bryan Bagunas បានរបួសនៅក្នុងរដូវកាលនេះ។

វឿន វាសនា ជាកីឡាករបាល់ទះកម្ពុជាទី១ដែលបានចេញទៅលេងនៅក្រៅប្រទេសដោយទទួលបានតម្លៃពលកម្មបំបែកកំណត់ត្រាទ្ទង់ម៉ឺនដុល្លារក្នុងមួយខែ។ មុនពេលចេញទៅតៃវ៉ាន់ រូបគេក៏ធ្លាប់បានចេញទៅលេងនៅប្រទេសវៀតណាម៕
អត្ថបទ៖ វីរបុត្រ

-
ព័ត៌មានអន្ដរជាតិ៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?