កីឡា

Ngapeth ជាកីឡាករបាល់ទះឈរលេខ១ក្នុងឆ្នាំ២០២៤

បានផុស

៥ ខែ មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

Pha Rothana

កីឡាករបាល់ទះ Earvin N’Gapeth បានហក់ឡើងមកឈរនៅលេខ១ ក្នុងនាមជាកីឡាករបាល់ទះរកពិន្ទុបានច្រើនបំផុតក្នុងឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយសម្រេចបានសមិទ្ធផលជាច្រើនជាមួយក្លិបអាជីព និងជម្រើសជាតិបារាំង ព្រមទាំងការបង្ហាញសមត្ថភាពល្អនៅលើទីលានបានជួយឲ្យកីឡាករបារាំងវ័យ៣៣ឆ្នាំ Earvin N’Gapeth ឈរចំណាត់ថ្នាក់លេខ១ ក្នុងនាមជាកីឡាករបាល់ទះរកពិន្ទុបានច្រើនបំផុតប្រចាំឆ្នាំ២០២៤។ រូបគេរកបានពិន្ទុសរុប៩៣៣.០០០ពិន្ទុ ក្រោយទម្លាក់មិត្តរួមជាតិ Jean Patry ឲ្យធ្លាក់មកលេខ២ ដែលរកបាន៨៧៥.០០០ពិន្ទុ។

ពិន្ទុសរុប៩៣៣.០០០ពិន្ទុ របស់កីឡាករ Earvin N’Gapeth រកបានពីការជួយក្លិបអាជីព និងជម្រើសជាតិ។ ក្នុងនោះរូបគេរកបាន៣៦៣.០០០ពិន្ទុ ពីការឈ្នះពានរង្វាន់ជាក្រុម និងការឈ្នះពានរង្វាន់ឯកត្តជនរកបាន៥៧០.០០០ពិន្ទុ។

កីឡាករ Earvin N’Gapeth សម្រេចបានសមិទ្ធផលក្នុងឆ្នាំ២០២៤មានដូចជា ឈ្នះជើងឯកពិភពលោក Volleyball Nation League និងឈ្នះមេដាយមាសកីឡាអូឡាំពិកទីក្រុងប៉ារីស ជាមួយក្រុមជម្រើសជាតិបារាំងនិងជួយឲ្យក្លិប Jakarta Presisi ឈ្នះមេដាយសំរិទ្ធក្នុងព្រឹត្តិកាណ៍ Asian Club Championship។

បើនិយាយពីពានរង្វាន់ឯកត្តជន កីឡាករ Earvin N’Gapeth បានឈ្នះពានកីឡាករឆ្នើម និងពានអ្នកវាយផ្ដាច់ល្អក្នុងកីឡាអូឡាំពិកឆ្នាំ២០២៤។ រូបគេបានឈ្នះពានរង្វាន់វាយសេវ៉ាល្អបំផុតក្នុងព្រឹត្តិការណ៍ Turkish Cup។

តារាងចំណាត់កីឡាករបាល់ទះរៀបចំដោយ Volleyballbox គឺផ្ដោតទៅលើសមិទ្ធផលដែលកីឡាករសម្រេចបានទាំងក្លិប និងជម្រើសជាតិ ដែលកម្មវិធីចំណាត់ថ្នាក់បានរៀបចំតាំងពីឆ្នាំ២០១៩៕

អត្ថបទ៖ ផា រតនា