កីឡា
កម្ពុជារៀបចំការប្រណាំងឡាន Off-road អន្តរជាតិ អមដោយបោះតង់នៅមាត់សមុទ្រលើកដំបូង
សហព័ន្ធកីឡាយានយន្តកម្ពុជានឹងរៀបចំព្រឹត្តិការណ៍ប្រណាំងយានយន្ត Off-road អន្តរជាតិជាលើកដំបូងនៅមាត់សមុទ្រដើម្បីជាផ្នែកមួយជួយជំរុញវិស័យកីឡាយានយន្ត និងទេសចរណ៍។
លោក ទៀ ស្យាម អនុប្រធានសហព័ន្ធកីឡាយានយន្តកម្ពុជា និងជាប្រធានក្លិបកីឡាមហាគ្រួសារ Off-Road កម្ពុជាបានឲ្យដឹងនៅក្នុងសន្និសីទសារព័ត៌មាននៅព្រឹកថ្ងៃទី១៨ ខែវិច្ឆិកា ឆ្នាំ២០២៤ថា កីឡាករកម្ពុជាមានបទពិសោធច្រើនទាំងការប្រកួតក្នុងស្រុក និងក្រៅប្រទេស ព្រមទាំងទីតាំងមានអំណោយផលផ្នែកវិស័យទេសចរណ៍ផងនោះ ទើបសហព័ន្ធកីឡាយានយន្តកម្ពុជាដែលមានក្លិប«កីឡាមហាគ្រួសារ Off-Road កម្ពុជា»ទទួលរៀបចំព្រឹត្តិការណ៍ប្រណាំងយានយន្តអន្តរជាតិដ៏ធំនេះ។ អ្វីដែលកាន់តែពិសេសនោះគឺការប្រកួតរៀបចំជាលើកដំបូងនៅមាត់សមុទ្រដ៏ស្រស់ស្អាត។
លោក ជា ស្យាម មានប្រសាសន៍ថា ៖«គោលដៅចម្បងរបស់យើងគឺជំរុញឲ្យវិស័យកីឡាប្រណាំងយានយន្ត Off-Road នេះឲ្យរីកចម្រើន ដើម្បីធ្វើយ៉ាងណាឈានទៅរកការរៀបចំជារៀងរាល់ឆ្នាំ។ គោលដៅរៀបចំជារៀងរាល់ឆ្នាំនេះគឺមិនមែនតែខេត្តព្រះសីហនុទេ ប៉ុន្តែទៅតាមបណ្តាខេត្តនានាទូទាំងប្រទេសកម្ពុជា»។
លោកបានបញ្ជាក់ថា ៖«ខេត្តព្រះសីហនុគឺជាទិសដៅទេសចរណ៍ដ៏មានសក្តានុពល ដូច្នេះហើយបានបានជាយើងរៀបចំនៅទីនោះដើម្បីជំរុញវិស័យកីឡាផង និងទេសចរណ៍ផង។ ខ្ញុំជឿថា កីឡាករបរទេសនឹងមកមុនថ្ងៃប្រកួត ហើយពួកគាត់នឹងមានអ្នកថត អ្នកសរសេរដើម្បីផ្សព្វផ្សាយពីព្រឹត្តិការណ៍នេះ»។
មិនត្រឹមតែជាការប្រណាំងយានយន្តប៉ុណ្ណោះទេ ប៉ុន្តែថែមទាំងមានកម្មវិធីបោះតង់កម្សាន្តនៅមាត់សមុទ្រថែមទៀត។ លោក សេក ច័ន្ទដារ៉ា អ្នកទទួលបន្ទុករៀបចំកម្មវិធីបោះតង់បានឲ្យដឹងថា គណៈកម្មការបានរៀបចំកម្មវិធីបោះតង់ចំនួន៤ថ្ងៃជាលក្ខណៈគ្រួសារ និងមិត្តភក្តិ។ ក្នុងនោះការរៀបចំតង់ និងស្តង់ចំណីអាហារដែលមានប្រព័ន្ធទឹកស្អាត ភ្លើងគ្រប់គ្រាន់ដើម្បីផ្តល់ភាពងាយស្រួលដល់អ្នកចូលរួមកម្សាន្ត។ ពេលល្ងាច និងពេលយប់ ពួកគាត់អាចជួបជុំកម្សាន្តសប្បាយរីករាយនៅមាត់សមុទ្រ ហើយនៅពេលព្រឹកទៅទស្សនាព្រឹត្តិការណ៍ប្រណាំងយានយន្ត។ ទីតាំងដែលបោះតង់គឺនៅឆ្នេរថ្ម៣ដុំ ជាតំបន់ដើមឈើចាំស្នេហ៍ដែលអាចបោះតង់ប្រមាណ៣០០ទៅ៤០០តង់។
លោកបានបញ្ជាក់ថា ៖«ការចូលរួមបោះតង់នេះគឺគ្មានការបង់ប្រាក់អ្វីឡើយ។ យើងខ្ញុំគ្រាន់តែឲ្យអ្នកចូលរួមចុះឈ្មោះដើម្បីក្រុមការងារយើងខ្ញុំរៀបចំជូន។ រហូតដល់ពេលនេះមានបងប្អូនចុះឈ្មោះចូលរួមបានច្រើនហើយ។ អ្វីដែលយើងខ្ញុំសំណូមពរបំផុតគឺចូលរួមថែរក្សាបរិស្ថាន និងអនាម័យទាំងអស់គ្នា»។
តាមការឲ្យដឹងពីលោក ទៀ ស្យាម ថា កីឡាករប្រមាណ៦០នាក់ ក្នុងនោះមានកីឡាករកម្ពុជា៤០នាក់ និងកីឡាករបរទេស២០នាក់មកពីប្រទេសថៃ ឡាវ វៀតណាម និងចិន ចូលរួមប្រកួតចាប់ពីថ្ងៃទី២៨ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២៤ នៅទីលានស្តង់ដាអន្តរជាតិ ក្នុងទីក្រុងព្រះសីហនុ ខេត្តព្រះសីហនុ៕
អត្ថបទ៖ វីរបុត្រ
កម្ពុជារៀបចំការប្រណាំងឡាន Off-road អន្តរជាតិ អមដោយបោះតង់នៅមាត់សមុទ្រលើកដំបូង
សេដ្ឋកិច្ចថៃ កើន ៣ ភាគរយ នៅត្រីមាសទី៣ ឆ្នាំលើឆ្នាំ លឿនបំផុតក្នុងរយៈពេល២ឆ្នាំ
ធនាគារ ABA ទទួលបានវិញ្ញាបនបត្រ PCI DSS បញ្ជាក់ពីការប្តេជ្ញាចំពោះសុវត្ថិភាពឌីជីថលរបស់អតិថិជន
ក្រពើភ្នំប្រមាណ ៥០០ ក្បាល មានវត្តមាននៅកម្ពុជា ស្មើនឹង ៥០% នៅលើពិភពលោក
មន្រ្តីជាន់ខ្ពស់កម្ពុជា ចែករំលែកពីការកសាងសន្តិភាពដល់គណៈប្រតិភូបរទេស
អ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
ឃាត់ខ្លួនមន្ត្រីនគរបាលម្នាក់ ក្រោយបាញ់ប្រហារប្ដីប្រពន្ធមួយគូរងរបួសធ្ងន់
បញ្ចប់ពិធីបុណ្យអុំទូក មហាជនចូលរួម ៦ លាននាក់ ព្រឹកឡើងមិនមានសំរាមដូចមិនមានពិធីបុណ្យ
ជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
បេក្ខជន ២១៨ រូប ក្នុងចំណោម ២៨៤ រូប នៅវិទ្យាល័យសិលាវេទី គាត ឈន់ ស្រុកឆ្លូង ប្រឡងជាប់បាក់ឌុប
-
ព័ត៌មានជាតិ៥ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ៦ ថ្ងៃ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ព័ត៌មានជាតិ១ សប្តាហ៍ agoរដ្ឋកំពុងសិក្សាផ្លូវជិះកង់ពីខេត្តកែប ដល់ខេត្តកោះកុង នៅតាមមាត់សមុទ្រ
-
ព័ត៌មានអន្ដរជាតិ៦ ថ្ងៃ agoការសិក្សាថ្មី! ភពអ៊ុយរ៉ានូស អាចឲ្យមនុស្សរស់នៅបាន
-
ព័ត៌មានអន្ដរជាតិ៧ ថ្ងៃ agoយន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
-
ជីវិតកម្សាន្ដ១ សប្តាហ៍ agoចោទប្រកាន់មនុស្ស៣នាក់ ជាប់ពាក់ព័ន្ធការស្លាប់ Liam Payne អតីតក្រុម One Direction
-
ព័ត៌មានជាតិ៣ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក
-
ជីវិតកម្សាន្ដ៣ ម៉ោង agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ