កីឡា
ពេញល្អមើល! ២៩ក្រុមប្រកួតបាល់ទះពានរង្វាន់សម្តេចក្រឡាហោម ស ខេង ឆ្នាំ២០២៤
ការប្រកួតបាល់ទះពានរង្វាន់សម្តេចក្រឡាហោម ស ខេង លើកទី៣ នឹងចាប់ពីថ្ងៃទី១១ ដល់ទី២២ ខែធ្នូ ឆ្នាំ២០២៤ ដែលមានក្រុមចំនួន២៩មកពីទូទាំងប្រទេសចូលរួមប្រកួត។
លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជាធ្លាប់បានលើកឡើងថា ពានរង្វាន់សម្តេចក្រឡាហោម ស ខេង គឺជាព្រឹត្តិការណ៍បាល់ទះមហាជនធំបំផុតនៅក្នុងប្រទេសកម្ពុជា។ ពានរង្វាន់នេះផ្តោតសំខាន់លើក្រុមបាល់ទះប្រើប្រាស់កីឡាករកម្រិត B ដូច្នេះក្រុM តាមបណ្តាខេត្តនានាគឺជាឱកាសរបស់ពួកគាត់ហើយ។
តាមលក្ខខណ្ឌដែលបានចែង កីឡាករបាល់ទះអាជីពកម្រិត A ចំនួន២៧នាក់មកពីក្លិបធំៗគឺអនុញ្ញាតឲ្យចូលលេង២នាក់ប៉ុណ្ណោះក្នុងមួយក្រុម។ ដូច្នេះក្លិបមួយដែលមានកីឡាករកម្រិត A ច្រើននាក់អាចឲ្យក្រុមផ្សេងៗខ្ចីជើងបានដើម្បីឲ្យពួកគាត់មានឱកាសបង្ហាញសមត្ថភាពនៅលើទីលានដែរ។ ជាមួយគ្នានេះ ក្រុមមួយអាចនាំចូលកីឡាករបរទេស១រូប។ ដូច្នេះមានន័យថា ក្រុមនីមួយៗអាចប្រើប្រាស់កីឡាករអាជីពកម្រិត A បានតែ៣នាក់ប៉ុណ្ណោះគឺកីឡាករកម្ពុជា២រូប និងកីឡាករបរទេស១រូប។ ក្រៅពីនោះគឺប្រើប្រាស់កីឡាករចាប់ពីកម្រិត B ចុះក្រោមទាំងអស់ ដែលមិនមានស្ថិតនៅក្នុងបញ្ជីកម្រិត A របស់សហព័ន្ធ។
ការកំណត់លក្ខខណ្ឌបែបនេះ ដោយសារតែការប្រកួតពីរលើកកន្លងមក ក្រុមមួយចំនួនបែងចែងមិនដាច់ស្រឡះពីកីឡាករកម្រិត A និង B។ ក្រុមខ្លះយកកីឡាករកម្រិត A ទៅដាក់កម្រិត B ហើយក្រុមខ្លះយកកីឡាករកម្រិត B ដាក់កម្រិត A វិញដែលជាហេតុធ្វើឲ្យការប្រកួតប្រជែងមិនសូវស្មើភាពគ្នា។ ជាពិសេសក្រុមមកពីតាមបណ្តាខេត្តពិបាកប្រកួតប្រជែងជាមួយក្លិបធំៗនៅរាជធានីភ្នំពេញ។
លោក អាំង សិរីពិសិដ្ឋ បានលើកឡើងថា លោកពិតជាចង់ឃើញក្រុមមកពីតាមបណ្តាខេត្តលើកពានរង្វាន់សម្តេចក្រឡាហោម ស ខេង ឆ្នាំ២០២៤ ពីព្រោះ២លើកកន្លងមកគឺឆ្នាំ២០២២ ក្រុមបាល់ទះវិសាខា B ជាជើងឯក និងឆ្នាំ២០២៣ ក្រុមបាល់ទះក្រសួងមហាផ្ទៃ B ជាជើងឯក។
ក្រុមទាំង២៩នឹងត្រូវបែងចែកជាពូល។ ការប្រកួតវគ្គសន្សំពិន្ទុក្នុងពូល ពីថ្ងៃទី១១ ដល់ទី១៧ ខែធ្នូ។ ការប្រកួតវគ្គ១៦ក្រុមចុងក្រោយចាប់ពីថ្ងៃទី១៨ ដល់ទី១៩ ខែធ្នូ។ ការប្រកួតវគ្គ៨ក្រុមចុងក្រោយនៅថ្ងៃទី២០ ខែធ្នូ ខណៈការប្រកួតវគ្គពាក់កណ្តាលផ្តាច់ព្រ័ត្រនៅថ្ងៃទី២១ ខែធ្នូ និងវគ្គផ្តាច់ព្រ័ត្រ នៅថ្ងៃទី២២ ខែធ្នូ ឆ្នាំ២០២៤ នៅវិមានពហុកីឡដ្ឋានជាតិអូឡាំពិក៕
អត្ថបទ៖ វីរបុត្រ
លោក ស៊ី និងលោក ពូទីន ពិភាក្សាគ្នាពីទំនាក់ទំនងជាមួយ ត្រាំ អ៊ុយក្រែន និងតៃវ៉ាន់
អ្នកជំនាញ៖ វត្តមានជនបរទេសចូលរួម “សំណេរអង្គរ” បង្ហាញពីការស្រឡាញ់ និងការលើកស្ទួយអក្សរសាស្ត្រខ្មែរលើឆាកអន្តរជាតិ
កម្ពុជាបានចំណាយជាង២,៦៩ពាន់លានដុល្លារនាំចូលប្រេងឥន្ធនៈ និងប្រេងម៉ាស៊ូតក្នុងឆ្នាំ២០២៤
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ