Connect with us

កីឡា

នគរ​បាលព្រៃវែង​ជ្រើស​រើស​កីឡាករ​បាល់ទះ អាចក្លាយ​ជា​នគរ​បាល​ពេញ​សិទ្ធិ

បានផុស

នៅ

ស្នងការដ្ឋាន​នគរ​បាល​ខេត្ត​ព្រៃវែង ​បាន​ប្រកាសជ្រើស​រើស​កីឡាករ​បាល់ទះ​មួយ​ចំនួន​ដែល​​អាច​ទទួល​បាន​ឱកាស​ក្លាយ​ជាមន្ត្រី​នគរបាល​ពេញ​​ជាតិ​សិទ្ធិ​​។

លោកឧត្តមសេនីយ៍ទោ ឈឿន ប៊ុនឆន ស្នងការ​ស្នងការដ្ឋាននគរបាលខេត្តព្រៃវែង​បាន​ប្រកាស​នៅ​លើ​គណនី Facebook​ ផ្ទាល់​​ខ្លួន​កាល​ពី​ថ្ងៃ​ទី​១៩ ខែ​វិច្ឆិកា ឆ្នាំ​២០២៤ថា ៖«​ស្នងការដ្ឋានន.ប​ព្រៃវែង​នឹង​ជ្រើស​រើស​យុវជន​បាល់ទះ​មួយ​ចំនួន​ ប្អូន​ៗ​ត្រូវ​មាន​អាយុ​ក្រោម​២៥​ឆ្នាំ និង​មាន​កម្ពស់​ចាប់​ពី​១.៨០​ឡើង។ ប្អូនៗ​មាន​ឱកាស​ក្លាយ​ជា​នគរ​បាល​ពេញ​សិទ្ធិ​ផង​ដែរ។ សូម​ទាក់​ទង​ 0888 332 2299»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកាស​ជ្រើស​រើស​ក្រុម​បាល់ទះ​នេះ​​គឺ​ជា​ការ​ត្រៀម​ខ្លួន​ចូល​រួម​ប្រកួត​ក្នុង​ពាន​រង្វាន់​ផ្សេងៗ​នៅ​ពេល​ខាង​មុខ​ដូច​ជា ពាន​រង្វាន់​សម្តេច​ក្រឡាហោម ស ខេង ដែល​ជាកម្មវិធី​ប្រកួត​ផ្តោត​លើ​​ក្រុម​តាម​បណ្តា​ខេត្ត​ជា​ដើម។

នេះ​ជា​ឱកាស​របស់​យុវជន​ដែល​មាន​កម្ពស់​ចាប់​ពី​១.៨០​ម៉ែត្រ​ឡើង និង​មាន​ចំណង​ចំណូល​ចិត្ត​លេង​បាល់ទះ​ដើម្បី​ក្លាយ​ជា​កីឡាករ​បាល់ទះ​អាជីព​ពិត​ប្រាកដ។ មិន​ត្រឹម​តែ​ប៉ុណ្ណោះ​ យុវជន​អាច​ទទួល​បាន​ក្រប​ខណ្ឌ​រដ្ឋ​ជា​មន្ត្រី​នគរ​បាល​ជាតិ​ថែម​ទៀត។

បច្ចុប្បន្ន មាន​កីឡាករ កីឡាការិនី​​ជា​ច្រើន​​ទាំង​វិស័យ​បាល់ទះ បាល់ទាត់​ ប្រដាល់ និង​កីឡា​ផ្សេង​ៗ​ទៀត​បាន​ចូល​ក្រប​ខណ្ឌ​រដ្ឋ​ ​តាម​រយៈ​អាជីព​កីឡា​នៅ​ក្រោម​ស្ថាប័នរបស់​ខ្លួន​ដូច​ជា ក្រសួងមហា​ផ្ទៃ និង​ក្រសួង​ការពារ​ជាតិ​ជា​ដើម។

កន្លង​មក ព្រៃវែង ជា​ខេត្ត​មួយ​ដែល​បាន​ប្រមូល​ធន​ធាន​កីឡាករ​បាល់ទះ​ល្អ​ៗ​ច្រើន​សម្រាប់​ការ​ចូល​រួម​ប្រកួត​​ក្នុង​ពាន​រង្វាន់​ផ្សេងៗ ប៉ុន្តែ​ក្រោយ​មក ក្រុម​បាល់ទះ​​របស់​ខេត្ត​មួយ​នេះ​បាន​​​ផ្លាស់​ប្តូរ​ជា​ក្លិប​បាល់ទះ​ វិសាខា ដូច្នេះ​ហើយ​បាន​ជា​ព្រៃវែង​មិន​ទាន់​មាន​ក្រុម​បាល់ទះ​​តំណាង​ខេត្ត​​ផ្ទាល់​ខ្លួន​​ដើម្បី​ចូល​រួម​ប្រកួត​ពាន​រង្វាន់​នានា។

ជាក់​ស្តែង​ក្នុង​ការ​ចូល​រួម​ប្រកួត​កីឡា​ជាតិ​ លើក​ទី​៤ ឆ្នាំ​២០២៤​ កាល​ពី​ពេល​ថ្មី​ៗ​នេះ កីឡាករ​បាល់ទះ​វិសាខា បាន​លេង​តំណាង​ឲ្យ​ខេត្ត​ព្រៃវែង ហើយ​បានឈ្នះ​មេដាយ​មាស។ កីឡាករ​បាល់ទះ​របស់​ក្លិប​វិសាខា​មួយ​ចំនួន​​ក៏​បាន​ក្លាយ​ជា​មន្ត្រី​នគរ​បាល​ជាតិ​ផង​ដែរ៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី ៖ ​ការ​សម្រេច​ចូល​រួម​ជាមួយ​គណបក្ស​ប្រជាជន គឺ​ជា​ការ​សម្រេច​មួយ​ដ៏​ឆ្លាត​វៃ​ និង​ត្រឹម​ត្រូវ​

ព័ត៌មានជាតិ៤ ម៉ោង មុន

វិហារ​អ៊ិស្លាម​តម្លៃ ​៧ ម៉ឺនដុល្លារ​​​​ត្រូវបានសម្ពោធដាក់ឱ្យប្រើប្រាស់​​ ​នៅ​ស្រុក​អូរ​គ្រៀង​សែន​ជ័យ​

ព័ត៌មានជាតិ៦ ម៉ោង មុន

រដ្ឋមន្រ្តីកសិកម្ម៖ បន្តធ្វើដើម្បីប្រជាជនយើង កុំខ្វល់ពីអ្នករិះគន់អគតិទាំងនោះ

ព័ត៌មានជាតិ៦ ម៉ោង មុន

មន្ត្រី៖ ប្រតិភូបណ្តាញយុវជនលើកទី៤ បានចាកចេញពីកម្ពុជាពោរពេញដោយស្នាមញញឹម ភាពស្ញប់ស្ញែង

ព័ត៌មានជាតិ៧ ម៉ោង មុន

ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា

ព័ត៌មានអន្ដរជាតិ១៥ ម៉ោង មុន

អាមេរិក​ចង់​ឲ្យ​អ៊ុយក្រែន​រៀបចំ​ការ​បោះឆ្នោត​រើស​មេ​ដឹក​នាំ​ថ្មីនៅ​ចុង​ឆ្នាំ២០២៥

ព័ត៌មានជាតិ៧ ម៉ោង មុន

ក្រោយស្ថាបនារួច ផ្លូវជាតិលេខ២៣ នឹងជំរុញសេដ្ឋកិច្ចស្រុកកោះធំ និងស្រុកលើកដែក

ព័ត៌មានជាតិ៧ ម៉ោង មុន

ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា

ព័ត៌មានជាតិ១១ ម៉ោង មុន

លើកនេះ! អង្គរវត្ត វ៉ាដាច់ បារាំង និងអូស្រ្តាលី ក្លាយជាទីកន្លែងទស្សនាដ៏ល្បីបំផុតក្នុងពិភពលោក

ព័ត៌មានអន្ដរជាតិ៨ ម៉ោង មុន

ហ្សេលេនស្គី៖ ការ​ចរចា​រវាង​រុស្ស៊ី-អាមេរិក​ ដោយ​គ្មាន​វត្តមាន​អ៊ុយក្រែន គឺ​គ្រោះថ្នាក់ណាស់

Sokha Hotels

ព័ត៌មានពេញនិយម