កីឡា

ជើងខ្លាំង Garcia អាចជួបកីឡាករជប៉ុន Anpo ក្រៅផ្លូវការចុងខែធ្នូ

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ២១ វិច្ឆិកា ២០២៤

ដោយ

កីឡាករប្រដាល់សកល Ryan Garcia គ្រោងនឹងត្រឡប់មកកាន់សង្វៀនវិញដោយប្រកួតក្រៅផ្លូវការជាមួយអ្នកប្រដាល់ប្រដាល់ជប៉ុន Rukiya Anpo នៅទីក្រុងតូក្យូ បើទោះបច្ចុប្បន្នរូបគេកំពុងជាប់បម្រាមពីការប្រើប្រាស់សារធាតុហាមឃាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីខែខែមិថុនា កីឡាករ Garcia ត្រូវបានពិន័យដោយការប្រកួតរយៈពេលមួយឆ្នាំ ដោយគណៈកម្មការអត្តពលិករដ្ឋញូវយ៉កជុំវិញ បន្ទាប់ពីធ្វើតេស្តវិជ្ជមានថ្នាំ Ostarine ជាសារធាតុប៉ូវកម្លាំង។ ការធ្វើតេស្តវិជ្ជមានបានកើតឡើងមុនការប្រកួតជាមួយកីឡាករ Devin Haney ក្នុងជំនួបដណ្ដើមខ្សែក្រវាត់ WBC Super Lightweight។ ការប្រកួតនោះ Garcia បានឈ្នះការប្រកួតដោយពិន្ទុជាឯកច្ឆ័ន្ទ ប៉ុន្តែមិនទទួលបានខ្សែក្រវាត់ទេ ដោយសាររកឃើញសារធាតុហាមឃាត់។

Ryan Garcia រហូតដល់រដូវក្តៅឆ្នាំ២០២៥ទើបផុតបំរាម ប៉ុន្តែក្នុងពេលជាមួយគ្នានេះ រូបគេអាចប្រកួតក្រៅផ្លូវការបានដោយគ្រោងកីឡាករជប៉ុន Rukiya Anpo នៅថ្ងៃទី៣០ ខែធ្នូ។ ទោះបីជាគណៈកម្មការកីឡារដ្ឋញូវយ៉ក បានព្យួររយៈពេលមួយឆ្នាំ ដល់ខែមេសា ឆ្នាំ២០២៥។

ចំពោះគណៈកម្មាការអត្តពលិកគ្រប់រដ្ឋទាំងអស់ក្នុងទឹកដីសហរដ្ឋអាមេរិក ជាធម្មតាពូកគេអាចរក្សាការពិន័យនិងព្យួរមិនឲ្យចូលរួមការប្រកួតបាននៅតែក្នុងទឹកដីខ្លួនប៉ុណ្ណោះ។ តាមការគ្រោងទុក ប្រកួតនៅនៅទីក្រុងតូក្យូ ប្រទេសជប៉ុន៕

ប្រែសម្រួល៖ ផា រតនា