កីឡា

មូលហេតុ Man Utd ឲ្យ Eriksen ចាកចេញដោយគ្មានតម្លៃខ្លួន

បានផុស

៣ ខែ មុន

នៅ

ថ្ងៃសុក្រ ២២ វិច្ឆិកា ២០២៤

ដោយ

ខ្សែបម្រើ Christian Eriksen នឹងចាកចេញពីក្លិបបិសាចក្រហម Manchester United ដោយគ្មានតម្លៃខ្លួនក្រោយកិច្ចសន្យានឹងបញ្ចប់នៅឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបបិសាចក្រហម Manchester United នឹងរៀបចំក្រុមជាថ្មី។ ពួកគេបានផ្ដោតសំខាន់លើយុវជន និងកាត់បន្ថយកីឡាករវ័យចំណាស់ ដែលមានប្រាក់ឈ្នួលខ្ពស់។ មូលហេតុនេះហើយបាននាំឲ្យក្លិបនឹងបញ្ចេញកីឡាករវ័យចំណាស់មួយចំនួន។ យោងតាម TeamTalk ថា មិនមានការសង្ស័យទេក្លិប Man United នឹងឲ្យខ្សែបម្រើ Eriksen ចាកចេញពីក្លិប នៅឆ្នាំ២០២៥។

កីឡាករ Eriksen បានចូលរួមជាមួយ Manchester United ដោយគ្មានតម្លៃខ្លួន ក្រោមការដឹកនាំរបស់លោក Erik ten Hag ។ រដូវកាលដំបូង រូបគេបានលេងបាន៤៤ប្រកួត ប៉ុន្តែកាលពីឆ្នាំមុនកីឡាករវ័យក្មេង Kobbie Mainoo បង្ហាញខ្លួនបានល្អទើបធ្វើឲ្យ Eriksen មិនសូវបានលេង ខណៈប្រាក់ឈ្នួល១៨ម៉ឺនដុល្លារក្នុងមួយសប្តាហ៍។

ក្រោយការចាកចេញរបស់ Eriksen ក្លិប Manchester United ត្រូវបានភ្ជាប់ជាមួយកីឡាករល្អៗជាច្រើនដូចជា ខ្សែបម្រើក្រូអាត Martin Baturina និងខ្សែការពារកណ្តាលរបស់ Bayer Leverkusen កីឡាករ Jonathan Tah៕