ក្លិប​២​កំពង់ចង់​បាន Ruud van Nistelrooy ក្រោយចាកចេញពី Man Utd

លោក Ruud van Nistelrooy បានបញ្ចប់ការងារជាគ្រូបង្វឹកបណ្ដោះអាសន្ននៅ​ក្លិប Manchester United កាលពីថ្មីៗនេះ បន្ទាប់ពីក្លិបបានតែងតាំងលោក Ruben Amorim ជាគ្រូបង្វឹកថ្មីរបស់ក្លិប។

លោក Ruud van Nistelrooy ត្រូវបានគេរាយការណ៍ថា កំពុងពិចារណា សម្រាប់តំណែងជាអ្នកចាត់ការទូទៅជាមួយក្លិបចំនួន២ បានកំពុងចាប់អារម្មណ៍លោក បន្ទាប់ពីការចាកចេញពី Man United។

ក្រោយការចេញពីក្លិបមិនបានប៉ុន្មានសប្ដាហ៍​មាន​ដំណឹង​ថា ក្លិប​ Hamburg នៅលីគទី២របស់​អាល្លឺម៉ង់​​ និងក្លិប​អង់គ្លេស​ Leicester City កំពុងពិចារណា​នាំ​យក​លោក​ Van Nistelrooy ជាគ្រូបង្វឹក។

ក្លិប Hamburg ​បាន​បញ្ចប់តួនាទី​លោក Steffen Baumgart នៅចុងសប្តាហ៍នេះ។ ពួកគេ​កំពុងសម្លឹងឃើញលោក Van Nistelrooy ជាបេក្ខភាពគ្រូបង្វឹកថ្មី។ ទន្ទឹម​ជា​មួយ​គ្នា​ បុរសវ័យ៤៨ឆ្នាំរូបនេះត្រូវបានក្លិប Leicester City បានទាក់ទងគាត់ផងដែរ ក្រោយពួកគេបានបញ្ចប់តួនាទីគ្រូបង្វឹកលោក Steve Cooper កាលពីថ្ងៃអាទិត្យ។

ក្នុងអំឡុងពេលជាគ្រូបង្វឹក​បណ្ដោះអាសន្ន​របស់ Man Utd ​លោក Ruud van Nistelrooy ​ដឹកនាំក្រុមបានចំនួន៤ប្រកួតក្នុងនោះឈ្នះក្លិប Leicester ២លើក ឈ្នះក្លិប PAOK ១លើក និង​ស្មើគ្នា​ Chelsea ១លើក។ លោក​ធ្លាប់​​ដឹក​នាំ​ក្លិប PSV Eindhoven ឆ្នាំ២០២២ និង​បាន​ជួយ​ក្រុមឈ្នះពានរង្វាន់ KNVB Cup៕

ប្រែសម្រួល៖ ផា រតនា