ការប្រកួតពានសម្តេច​តេជោ ថ្នាក់ខេត្ត ឈានដល់វគ្គ៤ក្រុមចុងក្រោយ

ការ​ប្រកួត​បាល់ទាត់់​ពាន​រង្វាន់​សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្ត​ ឆ្នាំ​២០២៤​ បាន​រក​ឃើញ​​ក្រុមឡើងទៅវគ្គ​ពាក់​កណ្តាល​ផ្តាច់​ព្រ័ត្រ​ហើយ។

ក្រោយបញ្ចប់ការប្រកួតទាំង២ជើង ក្នុងវគ្គ៨ក្រុមចុងក្រោយ ពានរង្វាន់​សម្តេចអគ្គមហាសេនាបតីតេជោ ហ៊ុន សែន លើកទី១៨ ថ្នាក់ខេត្ត ឥឡូវនេះ រកឃើញក្រុមចំនួន៤ត្រៀមជួបគ្នា នៅវគ្គពាក់កណ្ដាលផ្ដាច់ព្រ័ត្រ​គឺ ក្រុមសមាគមកីឡាបាល់ទាត់ខេត្តកែប, ក្រុម​បាល់ទាត់ឡាយអុិនឃីង ខេត្តសៀមរាប, ខេត្តត្បូងឃ្មុំ និង ខេត្តកំពង់ចា។

ចំពោះការប្រកួតវគ្គពាក់កណ្ដាលផ្ដាច់ព្រ័ត្រ ពានរង្វាន់ សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្ត ក្នុងនោះក្រុម ខេត្តត្បូងឃ្មុំ ជួបជាមួយ ក្រុម​បាល់ទាត់ឡាយអុិនឃីង ខេត្តសៀមរាប ខណៈក្រុមសមាគមកីឡាបាល់ទាត់ខេត្តកែប ជួបជាមួយ ខេត្តកំពង់ចាម។

លទ្ធផលសរុបការប្រកួតជើងទាំង២ ពានរង្វាន់ សម្តេចអគ្គមហាសេនាបតីតេជោ ហ៊ុន សែន (ថ្នាក់ខេត្ត)

ថ្ងៃទី២៦ ខែវិច្ឆិកា ឆ្នាំ២០២៤

-ក្លិបបាល់ទាត់ឡាយអុិនឃីង ខេត្តសៀមរាប ៩-១ មន្ទើរ អយក ខេត្តកំពង់ស្ពឺ

-សមាគមកីឡាបាល់ទាត់ខេត្តកំពង់ធំ ២-១០ សមាគមកីឡាបាល់ទាត់ខេត្តកែប

ថ្ងៃទី២៧ ខែវិច្ឆិកា ឆ្នាំ២០២៤

-សមាគមកីឡាបាល់ទាត់ខេត្តស្វាយរៀង ០-៥ មន្ទើរ អយក ខេត្តត្បូងឃ្មុំ (សរុប​ពីរ​ជើង ១-១០)

-ក្លិបបាល់ទាត់ឈើតុំខេត្តពោធិ៍សាត់ ២-១ មន្ទើរ អយក ខេត្តកំពង់ចាម (សរុប​ពីរ​ជើង ២-២, ប៉េណាល់ទី ៣-៥)

អត្ថបទ៖ ផា រតនា