កីឡា

ក្រុមកម្ពុជា CFU Gaming ប៉ះក្រុម NIP Flash ក្នុងជើងឯកពិភពលោក M6 ថ្ងៃនេះ

បានផុស

២ ខែ មុន

នៅ

ថ្ងៃព្រហស្បតិ៍ ២៨ វិច្ឆិកា ២០២៤

ដោយ

ការប្រកួតកីឡាអេឡិចត្រូនិកក្លិបជើងឯកពិភពលោក M6 World Championship លើវិញ្ញាសា Mobile Legends Bang Bang ឆ្នាំ២០២៤ ចាប់ផ្តើមនៅថ្ងៃទី២៨ ខែវិច្ឆិកានេះហើយនៅប្រទេសម៉ាឡេស៊ី ដែលប្រជុំដោយក្រុមខ្លាំងចំនួន១៦មកពីទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីឆ្លងកាត់ការប្រកួតជម្រុះតាមតំបន់នីមួយៗ និងការប្រកួតជម្រុះ Wildcard រួចមក ពេលនេះក្រុមខ្លាំងទាំង១៦ត្រូវប្រកួតនៅវគ្គ Swiss Stage ដែលជារូបមន្តថ្មីចាប់ពីថ្ងៃទី២៨ ខែវិច្ឆិកា ដល់ថ្ងៃទី៥ ខែធ្នូ ឆ្នាំ២០២៤។ បន្ទាប់ពីចប់វគ្គនេះ ក្រុមចំនួន១២នឹងឡើងទៅកាន់វគ្គ Upper Bracket និងវគ្គ Lower Bracket ដើម្បីប្រកួតវគ្គខ្វែង រកឱកាសឡើងទៅវគ្គបន្ត។

ក្រុមតំណាងកម្ពុជាគឺ CFU Gaming ត្រូវប៉ះក្រុមសិង្ហបុរី NIP Flash សម្រាប់ការប្រកួតជុំទី១។ នេះជាលើកដំបូងដែល CFU Gaming ចូលរួមប្រកួតក្នុងពានរង្វាន់ក្លិបពិភពលោក ខណៈក្រុមសិង្ហបុរី ធ្លាប់បានចូលរួមប្រកួតម្តងហើយកាលពីឆ្នាំ២០២៣។

CFU Gaming ជាក្រុមជើងឯកលីគកម្ពុជា MPL-KH

សម្រាប់ប្រាក់រង្វាន់ក្នុងព្រឹត្តិការណ៍នេះសរុប១លានដុល្លារដែលនឹងត្រូវបែងចែកពីចំណាត់ថ្នាក់លេខ១ ដល់លេខ២៣។ នៅពេលនេះរកឃើញក្រុមពីចំណាត់ថ្នាក់លេខ១៧ ដល់លេខ២៣ហើយ ដោយសារក្រុមទាំងនោះបានចាញ់ក្នុងវគ្គជម្រុះតាមអនឡាញ។

ក្រុមកីឡាអេឡិចត្រូនិកកម្ពុជាបានចូលរួមប្រកួតក្នុងព្រឹត្តិការណ៍នេះតាំងពីរដូវកាលទី១រហូតដល់រដូវកាលទី៦ ឆ្នាំ២០២៤។ ឆ្នាំដែលក្រុមកម្ពុជាធ្វើបានល្អបំផុតគឺកាលពីឆ្នាំ២០២៣កន្លងទៅ ក្រុម See You Soon ទទួលបានចំណាត់ថ្នាក់លេខ៦ដោយទទួលបានប្រាក់រង្វាន់៤ម៉ឺនដុល្លារ។