កីឡា

កម្ពុជា ដាក់ខ្សែប្រយុទ្ធចូលសញ្ជាតិ២នាក់ទៀត កាន់តែល្អនៅតំបន់ប្រយុទ្ធ

បានផុស

៥៥ នាទីutes មុន

នៅ

ថ្ងៃចន្ទ ២ ធ្នូ ២០២៤

ដោយ

ក្រុមបាល់ទាត់ជម្រើសជាតិកម្ពុជាបានប្រកាសបញ្ជីរាយនាមកីឡាករចូលរួមប្រមូលផ្តុំហ្វឹកហាត់ត្រៀមការប្រកួតពានរង្វាន់ ASEAN Mitsubishi Electric Cup ២០២៤ ក្នុងនោះមានវត្តមានកីឡាករចូលសញ្ជាតិ៣រូបដែលបន្ថែមភាពខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងទៅ ក្រុមជម្រើសជាតិកម្ពុជាបាននាំយកកីឡាករចូលសញ្ជាតិចំនួន៣រូបរួចក្នុងនោះរួមមានខ្សែបម្រើ Yudai Ogawa ខែ្សការពារ Hikaru Mizuno និង Mohammed Faeez Khan។ នៅពេលនេះ កម្ពុជាបានបន្ថែមកីឡាករចូលសញ្ជាតិ៣រូបបន្ថែមទៀតឺការពារ Takaki Ose មកពីភ្នំពេញក្រោន ខ្សែប្រយុទ្ធ Andrés Nieto មកពីភ្នំពេញក្រោន និង Abdel Kader Coulibaly មកពីអាយអេសអាយ ដង្កោសែនជ័យ។

ក្រុមកម្ពុជានឹងកាន់តែល្អប្រសើរនៅតំបន់ បន្ទាប់ពីផ្ដល់សញ្ជាតិកម្ពុជាជូនខ្សែប្រយុទ្ធឆ្នើម២រូប។ ខ្សែប្រយុទ្ធសញ្ជាតិកូឡុំប៊ី Andrés Nieto និងខ្សែប្រយុទ្ធនីហ្សេីយ៉ា Abdel Kader Coulibaly របស់ក្រុមអាយអេសអាយ។ គុណភាពនៃខ្សែប្រយុទ្ធថ្មីទាំង២គឺមានកាយសម្បទា បច្ចេកទេស ល្បឿន និងការបញ្ចប់ទី។

គិតត្រឹមចុងឆ្នាំ២០២៤ ក្រុមជម្រើសជាតិមានកីឡាករចូលសញ្ជាតិសុរបចំនួន៦រូបដែលជាដំណោះស្រាយលើកង្វះខាតរបស់កម្ពុជាកន្លងមក។ ឥឡូវនេះ ក្រុមជម្រើសជាតិកម្ពុជាអាចល្អប្រសើរទាំងតំបន់ការពារ បម្រើ និងប្រយុទ្ធ។

កម្ពុជានឹងត្រូវធ្វើការងារធ្ងន់ដោយត្រូវប្រជែងជាមួយក្រុមខ្លាំងៗក្នុងពូល A រួមមានក្រុមជម្រើសជាតិថៃ, ម៉ាឡេសុី, សង្ហិបុរី និងទីម័រ។ កម្ពុជាកំពុងសម្លឹងឃើញការស្វែងរកឳកាសឡើងទៅវគ្គពាក់កណ្ដាលផ្ដាច់ព្រ័ត្រជាលើកដំបូង ក្នុងការប្រកួតពានរង្វាន់ AFF Championship 2024។ ចំពោះការប្រកួតវគ្គសន្សំពិន្ទុនឹងប្រព្រឹត្តិទៅពីថ្ងៃទី៨ ខែធ្នូ ដល់ថ្ងៃទី២០ ខែធ្នូ ឆ្នាំ២០២៤ ក្នុងការប្រកួត២លើក កម្ពុជាត្រូវលេងក្នុងផ្ទះខ្លួនឯង ខណៈការប្រកួត២លើកទៀត ត្រូវលេងនៅក្រៅដី៕