កីឡា

សន្ទុះការគាំទ្របាល់ទាត់កម្ពុជាកើនឡើងខ្លាំង ក្រោយជោគជ័យរបស់ក្រុមនារីកម្ពុជា

បានផុស

២ ខែ មុន

នៅ

ថ្ងៃសុក្រ ៦ ធ្នូ ២០២៤

ដោយ

សន្ទុះអ្នកគាំទ្របាល់ទាត់កម្ពុជា មានការកើនឡើងខ្លាំងដែលនេះជាសញ្ញាគួរជាទីមោទកភាពសម្រាប់ក្រុមបាល់ទាត់ជម្រើសជាតិកម្ពុជាដើម្បីសាងប្រវត្តិសាស្ត្រថ្មីសម្រាប់ប្រទេសជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិសេសកីឡាបាល់ទាត់ក្នុងតំបន់អាស៊ានមានការភ្ញាក់ផ្ញើល បន្ទាប់ពីការប្រកួតបាល់ទាត់នារីកម្ពុជា ឡើងដល់វគ្គផ្តាច់ព្រ័ត្រ ពានរង្វាន់ ASEAN Women’s Cup 2024 នៅប្រទេសឡាវ។ ការប្រកួតវគ្គផ្តាច់ព្រ័ត្ររវាង ក្រុមនារីកម្ពុជា និងក្រុមនារីឥណ្ឌូណេស៊ី មានការផ្សាយបន្តផ្ទាល់ជាច្រើននៅទីសាធារណៈមានដូចជា ខេត្តតាកែវ ខេត្តពោធិ៍សាត់ និង រាជធានីភ្នំពេញដែលបានប្រមូលផ្តុំអ្នកគាំទ្រជាច្រើន ទស្សនាបាល់ទាត់រួមគ្នា និងស្រែកហ៊ោយ៉ាងរីករាយ។

ជាក់ស្តែងនៅរាជធានីភ្នំពេញ សួនវឌ្ឍនៈ កាពីតាលឡាហ្វស្តាយផាក បានរៀបចំឡើងដោយ ក្រុមហ៊ុន វឌ្ឍនៈ ប៊្រូវើរី ដៃគូឧបត្ថម្ភដ៏ធំសហព័ន្ធកីឡាបាល់ទាត់កម្ពុជា ដែលតែងតែគាំទ្រវិស័យកីឡាកម្ពុជាយ៉ាងសកម្ម។ ជាពិសេសកីឡាបាល់ទាត់កម្ពុជាក្នុងនោះក៏បានចូលរួមឧបត្ថម្ភគាំទ្រលីគកំពូលកម្ពុជា ក្លិបកីឡាបាល់ទាត់ស្វាយរៀង, គីរីវង្សសុខសែនជ័យ, បឹងកេត ព្រមទាំងកម្មវិធីកីឡាជាច្រើនផងដែរ។

ក្នុងនោះក៏គេឃើញមានវត្តមានរបស់អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុនវឌ្ឍនៈ ប្រ៊ូវើរី ចូលរួមទស្សនាដោយផ្ទាល់ជាមួយអ្នកគាំទ្រជាច្រើនទៀត។

ទោះក្រុមនារីកម្ពុជាទទួលបានត្រឹមជើងឯករង ពានរង្វាន់ AFF Women’s Cup 2024 ក្រោយចាញ់ក្រុមនារីឥណ្ឌូណេស៊ី ១-៣ ក៏អ្នកគាំទ្រពិតជាកោតសរសើរនូវសមិទ្ធផលដែលក្រុមកីឡាការិនីកម្ពុជាបានបង្កើតប្រវត្តិសាស្ត្រជាលើកដំបូងលើឆាកអន្តរជាតិ តាមរយៈការខិតខំប្រឹងប្រែងរហូតឈានមកដល់វគ្គផ្ដាច់ព្រ័ត្រជាដំបូង។ សូមជូនពរក្រុមបាល់ទាត់ជម្រើសជាតិនារីកម្ពុជា ទទួលបានជោគជ័យជាបន្តបន្ទាប់ក្នុងពានរង្វាន់ក្រោយៗ ខាងមុខ និងសាងប្រវត្តិសាស្រ្តថ្មីសម្រាប់កម្ពុជា។

“ស្មារតីខ្មែរតែមួយ” “ទាំងអស់គ្នាដើម្បីកម្ពុជា”