កីឡា
កម្ពុជា ចាប់ដៃ ឡាវ និង វៀតណាម រៀបចំរត់ម៉ារ៉ាតុងឥណ្ឌូចិនដើម្បីជំរុញវិស័យទេសចរណ៍
គណៈកម្មការរៀបចំកីឡាម៉ារ៉ាតុងកម្ពុជានៃគណៈកម្មាធិការជាតិអូឡាំពិកកម្ពុជា បានសហការជាមួយប្រទេសឡាវ និង វៀតណាម ដើម្បីរៀបចំព្រឹត្តិការណ៍«រត់ម៉ារ៉ាតុងពេញអន្តរជាតិឥណ្ឌូចិន-អង្គរវត្ត (Angkor Wat Indochine International Marathon)» នៅថ្ងៃទី២២ ខែធ្នូ ឆ្នាំ២០២៤ នៅប្រាសាទអង្គរវត្ត ខេត្តសៀមរាប ក្នុងគោលបំណងជំរុញវិស័យទេសចរណ៍ឲ្យកាន់តែផុសលផុលខ្លាំងឡើង។
ក្នុងសន្និសីទសារព័ត៌មាននៅព្រឹកថ្ងៃទី១០ ខែធ្នូ ឆ្នាំ២០២៤ លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជាបានថ្លែងថា បច្ចុប្បន្ន ទិវារត់ប្រណាំងត្រូវបានរាជរដ្ឋាភិបាលកម្ពុជាយកចិត្តទុកដាក់ខ្ពស់។ ជាពិសេសសម្តេចមហាបរវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានជំរុញការអភិវឌ្ឍវិស័យកីឡាទេចរណ៍ ពីព្រោះវិស័យកីឡាទេសចរណ៍បានជួយដល់សេដ្ឋកិច្ចជាតិ។
លោក វ៉ាត់ ចំរើន បានបន្តថា ៖«ឆ្នាំនេះរាជរដ្ឋាភិបាលបានដាក់ទិសដៅថា រាល់ព្រឹត្តិការណ៍អន្តរជាតិធំៗ សុំឲ្យរុញទៅរៀបចំនៅអង្គរវត្ត។ ដូច្នេះការផ្តល់អនុសាសន៍ណែនាំរបស់រាជរដ្ឋាភិបាល របស់សម្តេចធិបតីនាយករដ្ឋមន្ត្រី គឺយើងរុញព្រឹត្តិការណ៍កីឡាអន្តរជាតិទាំងអស់ទៅខេត្តសៀមរាបក្នុងឆ្នាំនេះ។ ពីព្រោះជាឆ្នាំចក្ខុវិស័យរបស់រាជរដ្ឋាភិបាលផ្តោតទៅលើការទាក់ទាញភ្ញៀវទេសចរឲ្យកើនឡើងវិញ ក្រោយពីវិបត្តិកូវីដ-១៩។ អីចឹងនៅសៀមរាបក្នុងរយៈពេលប៉ុន្មានខែនេះមានព្រឹត្តិការណ៍ជាប់រហូត»។
តាមសេចក្តីប្រកាសព័ត៌មានរបស់គណៈកម្មការរៀបចំការប្រកួតម៉ារ៉ាតុងអន្តរជាតិឥណ្ឌូចិនគឺរំពឹងទទួលបានអ្នកចូលរួមប្រមាណ៩០០០នាក់មកពីជុំវិញពិភពលោក។ ជាពិសេសផ្លូវរត់ត្រូវបានកំណត់ស្តង់ដា AAA ឆ្លងកាត់តំបន់បុព្វបុរសខ្មែរបុរាណនានាដូចជាតំបន់ប្រាសាទអង្គរវត្ត អង្គរធំ តាព្រហ្ម និងតំបន់ប្រាសាទជាច្រើនដើម។ វានឹងក្លាយជាព្រឹត្តិការណ៍រត់ដ៏អស្ចារ្យប្រមូលផ្តុំដោយអត្តពលិកអាជីព និងស្ម័គចិត្តមកពីប្រទេសកម្ពុជា ឡាវ និងវៀតណាម ព្រមទាំងមកពីបណ្តាប្រទេសផ្សេងៗ។
ជាពិសេស កីឡាករ កីឡាការិនីនឹងប្រជែងយកចំណាត់ថ្នាក់ដើម្បីទទួលបានប្រាក់រង្វាន់ធំរហូតដល់១៥០ ០០០ដុល្លារអាមេរិក។ ទោះបីជាយ៉ាងណា គណៈកម្មការរៀបចំការប្រកួតមិនបានបញ្ជាក់ច្បាស់ថា តើជ័យលាភីមេដាយមាស ប្រាក់ និងសំរិទ្ធ នៃវិញ្ញាសានីមួយៗទទួលបានប្រាក់រង្វាន់ប៉ុន្មាននោះទេ។
ព្រឹត្តិការណ៍«រត់ម៉ារ៉ាតុងពេញអន្តរជាតិឥណ្ឌូចិន-អង្គរវត្ត» ត្រូវបានកំណត់ការប្រកួតជាពីរកម្រិតគឺការប្រកួតកម្រិតអាជីព និងកម្រិតមិនអាជីព។ វិញ្ញាសាមាន៤គឺ ចម្ងាយ៤២គីឡូម៉ែត្រ ចម្ងាយ២១គីឡូម៉ែត្រ ចម្ងាយ១០គីឡូម៉ែត្រ និងចម្ងាយ៥គីឡូម៉ែត្រ។
នេះជាព្រឹត្តិការណ៍រត់ម៉ារ៉ាតុងពេញអន្តរជាតិទី២ ដែលរៀបចំប្រចាំឆ្នាំនៅកម្ពុជា បន្ទាប់ពីរត់ម៉ារ៉ាតុងពេញអន្តរជាតិ ទី១ដែលរៀបចំក្នុងខែសីហា។ ក្រៅពីនោះគឺព្រឹត្តិការណ៍រត់ពាក់កណ្តាលម៉ារ៉ាតុងអន្តរជាតិដែលមានវិញ្ញាសាឆ្ងាយបំផុតត្រឹមតែ២១គីឡូម៉ែត្រដូចជា រត់ពាក់កណ្តាលម៉ារ៉ាតុងអន្តរជាតិអង្គរវត្ត ដើមខែធ្នូ រត់ពាក់កណ្តាលម៉ារ៉ាតុងអន្តរជាតិភ្នំពេញ រៀបចំក្នុងខែមុថិនា និង រត់ពាក់កណ្តាលម៉ារ៉ាតុងអន្តរជាតិព្រះសីហនុ រៀបចំដើមឆ្នាំ។
ព្រឹត្តិការណ៍រត់ម៉ារ៉ាតុងពេញអន្តរជាតិឥណ្ឌូចិន-អង្គរវត្ត ទើបតែរៀបចំលើកទី១នៅកម្ពុជាគឺថ្ងៃទី២២ ខែធ្នូ ប៉ុន្តែបានរៀបចំនៅក្រៅប្រទេសដូចជា នៅប្រទេសឡាវ កាលពីថ្ងៃទី៣ ខែវិច្ឆិកា និងនៅប្រទេសវៀតណាម កាលពីថ្ងៃទី១ ខែធ្នូ ឆ្នាំ២០២៤៕
អត្ថបទ៖ វីរបុត្រ
ស្ត្រីម្នាក់ ជួយលក់ឡេ បន្លំលួចលុយម្ដងបន្តិចៗ រហូតបានជាង១ម៉ឺនដុល្លារ ត្រូវម្ចាស់លុយប្ដឹងឱ្យសមត្ថកិច្ចឃាត់ខ្លួន
ក្រោយបោះឆ្នោតជ្រើសរើសប្រធានសមាគម ខ្មែរ-ចិន អាណត្តិទី៨ ពេញ១ថ្ងៃ ទីបំផុត ប្រធានសមាគមត្រូវបានជ្រើស
សង្គ្រាមរុស្ស៊ី-អ៊ុយក្រែន៖ សម្ដេចតេជោ ថាមេដឹកនាំនានាគួរលើកចិត្តឱ្យភាគីទាំងពីរចូលតុចរចា ជាជាងរារាំង និងរុញឱ្យប្រយុទ្ធគ្នាគ្មានទីបញ្ចប់
អ្នកនយោបាយកម្ពុជា ៖ ទណ្ឌិត សម រង្ស៊ី និងក្រុមប្រឆាំងជ្រុលនិយមថៃ ទាញយកចំណេញរៀងៗខ្លួនពីឃាតកម្មលើលោក លិម គឹមយ៉ា
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ១ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ