កីឡា

Nick Taylor ថា បើមានគំនិតពីការរៀបចំលទ្ធផលទុកមុន គឺខុសទាំងស្រុង

បានផុស

២ ខែ មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

ខ្សែបម្រើការពារខ្មែរ-អាមេរិក Nick Taylor ចាត់ទុកការប្រកួតមានកំហុសបច្ចេកទេសគឺជារឿងធម្មតានៅក្នុងពិភពបាល់ទាត់ ប៉ុន្តែប្រសិនបើនរណាម្នាក់មានគិតលើការត្រៀមលទ្ធផលទុកមុនគឺខុសទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់ Nick Taylor នៅព្រឹកថ្ងៃទី១២ ខែធ្នូ ឆ្នាំ២០២៤នេះបានកើតមានឡើង បន្ទាប់ពីកម្ពុជាបានចាញ់សិង្ហបុរីដោយលទ្ធផល ១-២ ដែលគ្រាប់បាល់ទាំងពីររបស់សិង្ហបុរីរកបានដោយកំហុសបច្ចេកទេសរបស់អ្នកចាំទី វីរៈ ដារ៉ា នៅដើមវគ្គទី១។

Nick Taylor បាននិយាយថា ៖«ការប្រកួតមិនទាន់ចប់ទេ។ នៅសល់២ប្រកួតដ៏សំខាន់ទៀត។ សូមបូងសួងឲ្យ កាន់ ម៉ូ និង គឹម សុខយុទ្ធ ឆាប់ជាសះស្បើយពីរបួស»។

«ជាមួយគ្នានេះផងដែរ ប្រសិនបើមានគំនិតអំពីការរៀបចំលទ្ធផលទុកមុន គឺខុសទាំងស្រុងហើយ។ រាល់កីឡាករបានប្រឹងប្រយុទ្ធ និងចង់ឈ្នះដើម្បីប្រទេសជាតិ ហើយកំហុសកើតឡើងជារឿងធម្មតាក្នុងបាល់ទាត់។ ខ្ញុំជឿជាក់ និងគាំទ្រ ដារ៉ា ១០០%»។ កីឡាករបាននិយាយសង្កត់ធ្ងន់។

Nick Taylor បានបន្ថែមថា ៖«យើងសង្ឃឹមថា ជួបអ្នកទាំងអស់គ្នានៅផ្ទះយើងទៀត នៅពេលប្រកួតជាមួយទីម័រខាងកើត។ ឥឡូវនេះជាពេលស្តារកម្លាំងថាមពលឡើងវិញ បន្ទាប់ពីពីរបីថ្ងៃដ៏លំបាក»។