កីឡា

កីឡាករ Yulo ឈរលេខ១ ជាបុគ្គលត្រូវគេស្វែងរកច្រើនបំផុតលើ Google នៅហ្វីលីពីន

បានផុស

៤ ខែ មុន

នៅ

ថ្ងៃសុក្រ ១៣ ធ្នូ ២០២៤

ដោយ

កីឡាករ Carlos Yulo ឈរចំណាត់ថ្នាក់លេខ១សម្រាប់ការស្វែងរកក្នុង Google នៅប្រទេសហ្វីលីពីន ឆ្នាំ២០២៤ បន្ទាប់ពីឈ្នះមេដាយមាស២គ្រឿងពីព្រឹត្តិការណ៍កីឡាអូឡាំពិក នៅទីក្រុងប៉ារីស ប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករកាយសម្ព័ន្ធវ័យ២៤ឆ្នាំ បានក្លាយជាអត្តពលិកដ៏ល្បីល្បាញបំផុតរបស់ប្រទេសហ្វីលីពីន ក្រោយទទួលបានជោគជ័យក្នុងព្រឹត្តិការណ៍អូឡាំពិក ឆ្នាំ២០២៤។ រូបគេបានកាន់កាប់តំណែងកំពូលទាំងនៅក្នុងបញ្ជីឈ្មោះបុគ្គលិកលក្ខណៈកីឡា និងជាប់ចំណាត់ថ្នាក់ទី៤ នៅក្នុងចំណាត់ថ្នាក់កំពូលក្នុងប្រភេទព័ត៌មានទូទៅ។

ចំណាត់ថ្នាក់លេខ២ សម្រាប់បុគ្គលិកលក្ខណៈបុរសត្រូវបានគេស្វែងរកច្រើនបំផុតនៅឆ្នាំនេះនៅ ប្រទេសហ្វីលីពីនបានទៅតារាសម្តែងលោក Nash Aguas ។ តារាល្បីក្នុងស្រុកផ្សេងទៀតមានឈ្មោះក្នុងបញ្ជីរួមមានតារាចម្រៀង-អ្នកនិពន្ធបទចម្រៀង Rico Blanco និងតារាបាល់បោះវ័យក្មេង Kobe Paras ដែលថ្មីៗនេះបានបញ្ជាក់ពីទំនាក់ទំនងជាមួយតារាសម្តែងកញ្ញា Kyline Alcantara ។

ស្ថិតក្នុងវ័យត្រឹមតែ២៤ឆ្នាំ Yulo បានក្លាយជាកីឡាករកាយសម្ព័ន្ធហ្វីលីពីនល្អបំផុតក្នុងប្រវត្តិសាស្ត្រ។ នេះបើយោងតាមទស្សនាវដ្តី Forbes ។ រូបគេជាអត្តពលិកហ្វីលីពីនទី២ ដែលបានឈ្នះមេដាយមាសអូឡាំពិក និងជាអត្តពលិកទីមួយដលបានឈ្នះមេដាយមាសកីឡាអូឡាំពិក២គ្រឿងជូនប្រទេសហ្វីលីពីន។

ក្រោយការឈ្នះមេដាយមាស២គ្រឿងនៅកីឡាអូឡាំពិក កីឡាករ Yulo ទទួលបានប្រាក់រង្វាន់លើកទឹកចិត្តរាប់លានដុល្លារ។ រូបគេត្រូវបានសន្យាផ្តល់រង្វាន់ជាច្រើន ក្នុងនោះមាន ខុនដូក្នុងទីក្រុងម៉ានីល ការផ្គត់ផ្គង់អាហារពេញមួយជីវិតដោយឥតគិតថ្លៃពីអ្នកជំនួញល្បីៗ និងក្រុមហ៊ុនធំៗនៅក្នុងប្រទេសហ្វីលីពីន៕