កីឡា

គ្រូទីម័រខាងកើតចាប់អារម្មណ៍ខ្លាំង ពីការរីកចម្រើនបាល់ទាត់កម្ពុជា

បានផុស

២១ វិនាទី មុន

នៅ

ថ្ងៃចន្ទ ១៦ ធ្នូ ២០២៤

ដោយ

លោក Simón Elissetche គ្រូបង្វឹកក្រុមបាល់ទាត់ជម្រើសជាតិទីម័រខាងកើតបានចាប់អារម្មណ៍យ៉ាងខ្លាំងចំពោះការរីកចម្រើនបាល់ទាត់កម្ពុជានាពេលប៉ុន្មានឆ្នាំចុងក្រោយ។

ក្នុងសន្និសីទសារព័ត៌មានព្រឹកថ្ងៃទី១៦ ខែធ្នូ ឆ្នាំ២០២៤ លោក Simón Elissetche បាននិយាយថា លោកសង្ឃឹមស្វែងរកបានពិន្ទុពីការប្រកួតជាមួយកម្ពុជានៅថ្ងៃទី១៧ ខែធ្នូ ឆ្នាំ២០២៤ ទោះបីជាក្រុមរបស់លោកបានធ្លាក់ហើយក្តី។ បរាជ័យ៣លើកកន្លងមកបានធ្វើឲ្យក្រុមរបស់លោកមិនអាចស្វែងរកបានពិន្ទុសោះ ដូច្នេះលោកសង្ឃឹមអាចទទួលបានពិន្ទុសម្រាប់ការប្រកួតចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលលោកបានលើកឡើងក្នុងសន្និសីទសារព័ត៌មានគឺលើសពីការប្រកួតនៅថ្ងៃស្អែក។ លោកបាននិយាយថា លោកពិតជារីករាយណាស់ដែលបានដឹកនាំក្រុមមកប្រកួតជាមួយកម្ពុជា។ លោកបានតាមដានសកម្មភាពបាល់ទាត់កម្ពុជាយូរមកហើយគឺរីកចម្រើនគួរឲ្យកត់សំគាល់។ កម្ពុជាមានក្លិបល្អៗច្រើន ការប្រកួតប្រជែងក្នុងលីគកំពូលកម្ពុជាកាន់តែខ្ពស់។ ជាពិសេសកីឡាកររបស់ទីម័រខាងកើតបានមកលេងនៅកម្ពុជាបន្តបន្ទាប់។ ទាំងនេះបញ្ជាក់ឲ្យឃើញពីភាពរីកចម្រើនរបស់បាល់ទាត់កម្ពុជាទាំងក្លិប និងជម្រើសជាតិ។

កម្ពុជា និង ទីម័រខាងកើត មានប្រវត្តិជួបគ្នាជាច្រើនលើកក្នុងពានរង្វាន់អាស៊ាន និងមិត្តភាពអន្តរជាតិ។ សម្រាប់ការជួបគ្នា៩លើកចុងក្រោយ កម្ពុជាបានឈ្នះ៧លើក ស្មើគ្នា២លើក និងទីម័រខាងកើតឈ្នះ១លើក។