កីឡា

ក្រុមតាកែវ របស់ គួន ម៉ុម ប៉ះ កំពង់ស្ពឺ ពានសម្តេចក្រឡាហោម ស ខេង វគ្គចាញ់ធ្លាក់

បានផុស

៣ ខែ មុន

នៅ

ថ្ងៃអង្គារ ១៧ ធ្នូ ២០២៤

ដោយ

ក្រុមបាល់ទះខេត្តកែវ ត្រូវប៉ះក្រុមខេត្តកំពង់ស្ពឺ ក្នុងវគ្គ១៦ក្រុមចុងក្រោយ ពានរង្វាន់សម្តេចក្រឡាហោម ស ខេង លើកទី៣ ឆ្នាំ២០២៤ បន្ទាប់ពីចប់ការប្រកួតវគ្គសន្សំពិន្ទុក្នុងពូល កាលពីថ្ងៃទី១៦ ខែធ្នូ ឆ្នាំ២០២៤ នៅវិមានពហុកីឡដ្ឋានជាតិអូឡាំពិក។

ក្រោយដំណើរការប្រកួតវគ្គសន្សំពិន្ទុក្នុងពូលតាំងពីថ្ងៃទី៩ ខែធ្នូ ពេលនេះរកឃើញក្រុមឡើងវគ្គ១៦ក្រុមចុងក្រោយ និងរកឃើញក្រុមត្រូវប៉ះគ្នាក្នុងវគ្គចាញ់ធ្លាក់ ឈ្នះឡើងវគ្គបន្ត។ ក្រុមនគរបាលខេត្តតាកែវជាក្រុមគួរឲ្យចាប់អារម្មណ៍មួយដែលមានតារាឆ្នើម គួន ម៉ុម និង ផល រតនៈ ព្រមទាំងមានកីឡាករបរទេសជាប្រធានក្រុមបាល់ទះជម្រើសជាតិម៉ាឡេស៊ី។

ក្រុមខេត្តតាកែវត្រូវបានគេរំពឹងអាចធ្វើដំណើរទៅបានវែងឆ្ងាយក្នុងពានរង្វាន់សម្តេចក្រឡាហោម ស ខេង លើកទី៣។ ជាមួយគ្នានេះក៏មានក្រុមល្អៗជាច្រើនទៀតដែលរំពឹងបន្តដំណើរទៅមុខបានឆ្ងាយដូចជា ក្រុមការពារតំណែងជើងឯកឆ្នាំចាស់ ក្រសួងមហាផ្ទៃ បញ្ជាការដ្ឋានអង្គរក្សទាំងពីរ ស្នងការដ្ឋាននគរបាលរាជធានីភ្នំពេញ ក្រុមនគរបាលខេត្តព្រះសីហនុ និងក្រុមកងពលធំអន្តរាគមន៍លេខ៣ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមជាគូប្រកួតវគ្គ១៦ក្រុមចុងក្រោយ នៅថ្ងៃទី១៨ ខែធ្នូ ឆ្នាំ២០២៤

ក្រុមនគរបាលរាជធានីភ្នំពេញ vs ក្រុមនគរបាលខេត្តព្រះសីហនុ
ក្រុមនគរបាលខេត្តមណ្ឌលគិរី vs សមាគមបាល់ទះក្រសួងមហាផ្ទៃ
ក្រុមបញ្ជាការដ្ឋានអង្គរក្ស (A) vs ក្រុមនគរបាលខេត្តពោធិ៍សាត់
ក្រុមនគរបាលខេត្តកណ្តាល vs ក្រុមបញ្ជាការដ្ឋានអង្គរក្ស (B)
ក្រុមនគរបាលខេត្តស្វាយរៀង vs ក្រុមនគរបាលខេត្តឧត្តរមានជ័យ
ក្រុមនគរបាលខេត្តកែប vs ក្រុមនគរបាលខេត្តសៀមរាប
ក្រុមកងពលធំអន្តរាគមន៍លេខ៣ vs ក្រុមបាល់ទះវិសាខា (B)
ក្រុមនគរបាលខេត្តកំពង់ស្ពឺ vs ក្រុមនគរបាលខេត្តតាកែវ

សូមបញ្ជាក់ថា នៅថ្ងៃទី១៧ ខែធ្នូ ត្រូវសម្រាក បន្ទាប់ពីប្រកួតជាច្រើនថ្ងៃនៅវគ្គសន្សំពិន្ទុក្នុងពូល។ ការប្រកួតវគ្គ១៦ក្រុមចុងក្រោយនៅថ្ងៃទី១៨ ខែធ្នូ ឆ្នាំ២០២៤៕