កីឡា
ពេជ្រ សម្បត្តិ រកចំណូលបានប្រហែលជាង៦ម៉ឺនដុល្លារ ក្នុងឆ្នាំ២០២៤
កីឡាករប្រដាល់ដ៏ល្បីក្នុងប្រភេទទម្ងន់៦០គីឡូក្រាម ពេជ្រ សម្បត្តិ រកចំណូលបានច្រើននៅក្នុងឆ្នាំ២០២៤ មិនចាញ់កាលពីឆ្នាំ២០២៣ឡើយតាមរយៈតម្លៃខ្លួន ប្រាក់រង្វាន់ ប្រាក់ឧបត្ថម្ភ និងចំណូលពីផ្សេងៗទៀត។
ពេជ្រ សម្បត្តិ ត្រូវបានចាត់ទុកជាកីឡាករគុនខ្មែរម្នាក់ដែលមានតម្លៃខ្លួនខ្ពស់ និងពេញនិយមសម្រាប់ទីផ្សារប្រកួតនាពេលបច្ចុប្បន្ន។
លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរបានធ្លាប់បានប្រាប់សារព័ត៌មាន«កម្ពុជាថ្មី»ក្នុងបទសម្ភាសពិសេសមួយថា រយៈពេល២ឆ្នាំចុងក្រោយ កីឡាករល្បីៗមួយចំនួនទទួលបានតម្លៃខ្លួនកើនឡើងយ៉ាងឆាប់រហ័ស។ ពីមុន ពួកគេទទួលបានតម្លៃខ្លួនចន្លោះពី៣០០ទៅ៤០០ដុល្លារប៉ុណ្ណោះ ប៉ុន្តែឥឡូវពួកគេទទួលបានចន្លោះពី១០០០ដុល្លារទៅ២០០០ដុល្លារក៏មាន។ ពេលខ្លះ ពួកគេប្រកួតដណ្តើមខ្សែក្រវាត់ដែលមានប្រាក់រង្វាន់ច្រើន និងប្រាក់ឧបត្ថម្ភថែមទៀតនោះគឺអាចទទួលបាន៣០០០ទៅ៥០០០ដុល្លារក្នុងមានក្នុងមួយយប់។
និយាយពីតម្លៃខ្លួនរបស់ក្របីព្រៃ ពេជ្រ សម្បត្តិ បើតាមការឲ្យដឹងពីលោក ពេជ្រ សុផាន់ ដែលជាគ្រូបង្វឹកផ្ទាល់បង្ហោះសារជាសាធារណៈកាលពីខែតុលាថា ពេជ្រ សម្បត្តិ ពិតជាទទួលបានតម្លៃខ្លួនចំនួន២០០០ដុល្លារ។ ក្នុងនោះម្ចាស់កម្មវិធីហ៊ានជូនក្លិបរបស់លោក៥០០ដុល្លារផ្សេងទៀត។ កម្មវិធីប្រដាល់ខ្លះហ៊ានចំណាយលើសនេះទៅទៀត ដើម្បីបានក្របីព្រៃទៅប្រកួតនៅក្នុងកម្មវិធីរបស់គេ។
កាលពីខែពីខែកញ្ញា លោក ពេជ្រ សុផាន់ បានប្រាប់អ្នកសារព័ត៌មានថា ក្នុងរយៈពេលប្រមាណមិនដល់១ខែផង ពេជ្រ សម្បត្តិ រកចំណូលបានជាង១ម៉ឺនដុល្លារអាមេរិកពីការឈ្នះដៃគូ៣នាក់ក្នុងទឹកទី១ដូចគ្នាគឺឈ្នះកីឡាករកម្ពុជា រិន ដេវីត, ឈ្នះកីឡាករអ៉ីរ៉ង់ Mehrdad និងឈ្នះកីឡាករថៃ Slatan។ ចំនួនថវិកានេះ សូម្បីតែនឹកគិតក៏មិនចង់ឃើញផង ប៉ុន្តែកូនសិស្សរបស់លោកធ្វើបាន។
ពេជ្រ សម្បត្តិ បានប្រកួតប្រហែលជា៣៥ដងនៅក្នុងឆ្នាំ២០២៤ គិតទាំងគម្រោងប្រកួតជាមួយកីឡាករជប៉ុន តៃម៉ូ នៅថ្ងៃទី៣០ ខែធ្នូ នៅប្រទេសជប៉ុន ទាំងការប្រកួតកីឡាជាតិលើកទី៤ និងការប្រកួតជ្រើសរើសជើងឯកថ្នាក់ជាតិ។ តម្លៃខ្លួនសរុបពីការប្រកួតជាង៣០ដងគឺប្រហែល៤៦០០០ដុល្លារ។ ចំពោះការប្រកួតដណ្តើមខ្សែក្រវាត់ ពានរង្វាន់ និងប្រាក់ឧបត្ថម្ភផ្សេងៗទៀតប្រហែលជា៦៨លានរៀង (ប្រមាន១៦០០០ដុល្លារ)។
ដូច្នេះបូកសរុបទាំងតម្លៃខ្លួន ប្រាក់រង្វាន់ និងប្រាក់ឧបត្ថម្ភផ្សេងៗគឺ ពេជ្រ សម្បត្តិ ទទួលបានប្រហែលជាង ៦២០០០ដុល្លារអាមេរិក។ ចំនួននេះគឺក្រៅផ្លូវការ ផ្អែកលើតម្លៃខ្លួនដែលលោក ពេជ្រ សុផាន់ បានបង្ហាញ ប្រាក់រង្វាន់ និងប្រាក់ឧបត្ថម្ភដែលបានប្រកាសជាក់ស្តែងប៉ុណ្ណោះ ប៉ុន្តែអាចនឹងមានចំណូលផ្សេងទៀតដដូចជា ការថតផ្សាយពាណិជ្ជកម្ម និងសប្បុរសជនផ្សេងៗទៀត៕
ស្ថិតិប្រកួតរបស់ ពេជ្រ សម្បត្តិ ក្នុងឆ្នាំ២០២៤
- ឈ្នះកីឡាករតួកគី Emre Ozmen ទឹកទី២ ថ្ងៃទី៧ ខែមករា នៅសង្វៀន BTV
- ឈ្នះកីឡាករថៃ Yokhomrrakot ក្នុងទឹកទី២ ថ្ងៃទី១៣ ខែមករា នៅសង្វៀន BTV
- ឈ្នះកីឡាករចិន យ៉ាង ហូវ ដោយពិន្ទុ ថ្ងៃទី១៩ ខែមករា ក្នុងការប្រកួតឃីកបុកស៊ីង នៅសង្វៀនថោន
- ឈ្នះកីឡាករថៃ Makraklek ក្នុងទឹកទី១ ថ្ងៃទី៩ ខែកុម្ភៈ នៅសង្វៀន BTV
- ឈ្នះកីឡាករថៃ Kamlaiyuk ដោយពិន្ទុ ថ្ងៃទី១៧ ខែកុម្ភៈ នៅសង្វៀន CNC (ទទួលបាន១លានរៀលបន្ថែម)
- ឈ្នះកីឡាករបារាំង Florent Louuis Joseph ដោយពិន្ទុ ថ្ងៃទី១ មីនា នៅសង្វៀន BTV (ទទួលបានខ្សែក្រវាត់សហព័ន្ធគុនខ្មែរ)
- ឈ្នះកីឡាករថៃ Oubunlek Tded99 ទឹកទី៣ ថ្ងៃទី៩ ខែមីនា នៅសង្វៀន ទទក
- ស្មើពិន្ទុកីឡាករថៃ Petlampun ថ្ងៃទី២៨ ខែមីនា នៅសង្វៀន BTV
- ឈ្នះកីឡាករជប៉ុន Yuto Euno ក្នុងទឹកទី២ ថ្ងៃទី១៤ ខែមេសា នៅសង្វៀនថោន
- ឈ្នះកីឡាកររុស្ស៊ី Alexandor Glagolev ក្នុងទឹកទី១ ថ្ងៃទី១៤ ខែមេសា នៅសង្វៀនថោន (ទទួលបានខ្សែក្រវាត់)
- ឈ្នះកីឡាករជប៉ុន Taimu Hisai ដោយពិន្ទុ ថ្ងៃទី២៥ ខែមេសា នៅសង្វៀនថោន
- ឈ្នះកីឡាករ ធន់ វណ្ណា ដោយពិន្ទុ ថ្ងៃទី៥ ខែឧសភា នៅសង្វៀនទទក (ទទួលបានខ្សែក្រវាត់ និងប្រាក់រង្វាន់១២លានរៀល)
- ឈ្នះកីឡាករចិន Wang Zunyang ដោយពិន្ទុ ការប្រកួតឃីកបុកស៊ីង ថ្ងៃទី១៤ ខែឧសភា នៅសង្វៀនថោន
- ឈ្នះកីឡាករបារាំង Fabio Loisi ដោយពិន្ទុ ថ្ងៃទី៣១ ខែឧសភា នៅសង្វៀន BTV (ទទួលបាន១លានរៀលបន្ថែម)
- ឈ្នះកីឡាករ ធន់ វណ្ណា ដោយពិន្ទុ ថ្ងៃទី១៦ ខែមិថុនា នៅសង្វៀនទទក
- ឈ្នះកីឡាករថៃ Pornphyhak ក្នុងទឹកទី១ ថ្ងៃទី២២ ខែមិថុនា នៅសង្វៀន CNC (ទទួលបាន១លានរៀលបន្ថែម)
- ឈ្នះកីឡាករម៉ាឡេស៊ី Umar Red Wolves ដោយពិន្ទុ ថ្ងៃទី១៣ ខែកក្កដា នៅសង្វៀន BTV
- ឈ្នះកីឡាករចិន Qubiluohua ក្នុងទឹកទី១ ថ្ងៃទី២១ ខែកក្កដា នៅសង្វៀន PNN
- ឈ្នះកីឡាករជប៉ុន Reiya Kamori ក្នុងទឹកទី៣ ថ្ងៃទី៤ ខែសីហា នៅប្រទេសជប៉ុន (ទទួលបាន៥លានរៀល)
- ឈ្នះកីឡាករថៃ Wutthidet Tded99 ក្នុងទឹកទី២ ថ្ងៃទី១៧ ខែសីហា នៅសង្វៀន BTV
- ឈ្នះកីឡាករថៃ Slatan Jitmuangnon ក្នុងទឹកទី១ ថ្ងៃទី៣១ ខែសីហា នៅសង្វៀន ហង្សមាស
- ឈ្នះកីឡាករអ៉ីរ៉ង់ Mehrdad Khanzadeh ក្នុងទឹកទី១ ថ្ងៃទី៥ ខែកញ្ញា នៅសង្វៀន BTV (ទទួលបាន២លានបន្ថែម)
- ឈ្នះកីឡាករ រិន ដេវីត ក្នុងទឹកទី១ ថ្ងៃទី១៤ ខែកញ្ញា នៅសង្វៀនហង្សមាស (ទទួលបានខ្សែក្រវាត់ និងប្រាក់រង្វាន់១២លានរៀល)
- ចាញ់កីឡាករអាហ្វ្រិក Ncedo Gomba ដោយពិន្ទុ ថ្ងៃទី២៩ ខែកញ្ញា នៅសង្វៀនទទក (បាត់បង់ខ្សែក្រវាត់ និងទទួលបានប្រាក់៨លានរៀល)
- ឈ្នះកីឡាករថៃ ទុំ គិតិ ដោយពិន្ទុ ថ្ងៃទី១២ ខែតុលា នៅសង្វៀនទទក (ទទួលបាន៦លានរៀល)
- ឈ្នះកីឡាករថៃ Yodrachan ដោយពិន្ទុ ថ្ងៃទី២៦ ខែតុលា នៅសង្វៀន BTV
- ឈ្នះកីឡាករអាហ្វ្រិក Ncedo Gomba ក្នុងទឹកទី២ ថ្ងៃទី១៦ ខែវិច្ឆិកា នៅសង្វៀនទទក (ទទួលបានខ្សែក្រវាត់ ប្រាក់រង្វាន់៨លានរៀល និងប្រាក់ឧបត្ថម្ភ៦លានរៀល)
- ឈ្នះកីឡាករបារាំង Daren Rolland ក្នុងទឹកទី៣ ថ្ងៃទី៣០ ខែវិច្ឆិកា នៅសង្វៀនហង្សមាស
- ឈ្នះកីឡាករអ៉ីរ៉ង់ Mayad Aminy ក្នុងទឹកទី១ ថ្ងៃទី១៥ ខែធ្នូ នៅសង្វៀនទទក (ទទួលបាន៣លានរៀល)
- ឈ្នះមេដាយមាស ការប្រកួតជើងឯកថ្នាក់ជាតិ (៣ប្រកួត) (ប្រាក់រង្វាន់៤លានរៀល)
- ឈ្នះមេដាយមាស កីឡាជាតិលើកទី៤ (២ប្រកួត) (ប្រាក់រង្វាន់ជាង១លានរៀល)
- ប៉ះកីឡាករជប៉ុន តៃម៉ូ ថ្ងៃទី៣០ ខែធ្នូ សម្រាប់ការប្រកួតម៉ារ៉ាតុង នៅប្រទេសជប៉ុន
អត្ថបទ៖ វីរបុត្រ
ពេជ្រ សម្បត្តិ រកចំណូលបានប្រហែលជាង៦ម៉ឺនដុល្លារ ក្នុងឆ្នាំ២០២៤
ឃាត់ខ្លួនជនសង្ស័យ២នាក់ភ្លាមៗ ក្រោយឆក់ទូរស័ព្ទរបស់ជនបរទេសបានសម្រេច
ឧបនាយករដ្ឋមន្ត្រី ប្រាប់ឱ្យអនុវត្តច្បាប់តឹងរឹងចំពោះក្រុមហ៊ុនទាំងឡាយណាដែលបំពុលបរិស្ថាន
ថៃ កំពុងផ្ទុះ Norovirus ខ្លាំង, វេជ្ជបណ្ឌិតព្រមានឲ្យប្រយ័ត្ន ជាពិសេសខែត្រជាក់នេះ
មន្ត្រីអប់រំ៖ ការបោះជំរំនឹងជួយឲ្យយុវជនទទួលបាននូវការអភិវឌ្ឍសមត្ថភាព និងបំណិនផ្នែកបច្ចេកវិទ្យាព័ត៌មានឌីជីថល
លោក Zelensky៖ រុស្ស៊ីដុតមុខសាកសពទាហានកូរ៉េខាងជើង ដើម្បីលាក់អត្តសញ្ញាណ (វីដេអូ)
នារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
ត្រាំ ស្តីឲ្យ បៃដិន ថា ម្តេចក៏ល្ងង់ ទៅឲ្យអ៊ុយក្រែន បាញ់មីស៊ីលអាមេរិក ចូលដីរុស្ស៊ី ទាំងមិនសួរគាត់មួយម៉ាត់
ច្បាប់ថវិកាសម្រាប់ការគ្រប់គ្រងឆ្នាំ២០២៥ ត្រូវបានព្រះមហាក្សត្រ ចេញព្រះរាជក្រមប្រកាសឱ្យប្រើជាផ្លូវការ
សាវិន ហ្វីលីព ៖ ផឹករាល់ថ្ងៃ ហើយអាងរត់ និងសូណា ចុងក្រោយក្រិនថ្លើមស្លាប់ដដែល
-
វប្បធម៌ ជំនឿ៦ ថ្ងៃ agoកត់ចំណាំទុក បើគេងយល់សប្តិឃើញ ១០ ប្រភេទនេះ គួរពិចារណា
-
សុខភាព៦ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ១ សប្តាហ៍ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
សេដ្ឋកិច្ច៧ ថ្ងៃ agoឆ្នាំ២០២៥ ខាងមុខនេះ កសិដ្ឋានចិញ្ចឹមគោសាច់មួយនៅបាត់ដំបង គ្រោងទិញគោពីកសិករប្រមាណជាង ១ម៉ឺនក្បាល
-
សុខភាព១ សប្តាហ៍ agoឈ្វេងយល់ពីជំងឺមហារីកពោះវៀនធំ និងកត្តាតំណពូជ
-
នយោបាយ២ ថ្ងៃ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ជីវិតកម្សាន្ដ៦ ថ្ងៃ agoគ្រាន់តែសរសេរពាក្យ «ញុំា» ខុស! សឿន វីតា ត្រូវបុរសចំណាស់ម្នាក់ប្រមាថដល់អ្នកមានគុណ
-
ព័ត៌មានជាតិ២ ថ្ងៃ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក