កីឡា
ក្រុមខេត្តស្វាយរៀង ប៉ះ ក្រសួងមហាផ្ទៃ ដណ្តើមជើងឯកពានសម្តេច ស ខេង ល្ងាចនេះ
ការប្រកួតកីឡាបាល់ទះពានរង្វាន់សម្តេចក្រឡាហោម ស ខេង លើកទី៣ ឈានដល់វគ្គផ្តាច់ព្រ័ត្រហើយដែលជាការជួបគ្នារវាង ក្រុមបាល់ទះនគរបាលខេត្តស្វាយរៀង និងសមាគមបាល់ទះក្រសួងមហាផ្ទៃ វេលាម៉ោង៦ល្ងាច ថ្ងៃទី២៣ ខែធ្នូ ឆ្នាំ២០២៤ នៅពហុកីឡដ្ឋានជាតិអូឡាំពិក។
មុនឈានដល់វគ្គផ្តាច់ព្រ័ត្រ ក្រុមទាំងពីរបានបង្កការចាប់អារម្មណ៍ខ្លាំងមែនទែនសម្រាប់ការបង្ហាញសមត្ថភាពដ៏អស្ចារ្យនៅទីលាន។ ក្រុមក្រសួងមហាផ្ទៃនៅវគ្គសន្សំពិន្ទុក្នុងពូលដោយបានយកឈ្នះទាំង៣ប្រកួត ឈរលើកំពូលតារាងពូល E។ នៅវគ្គ១៦ក្រុមចុងក្រោយ ក្រសួងមហាផ្ទៃ បានយកឈ្នះ ក្រុមខេត្តមណ្ឌលគិរី ៣-០។ ពួកគេបានបន្តឈ្នះ បញ្ជាការដ្ឋានអង្គរក្ស (B) ៣-០ នៅវគ្គ៨ក្រុមចុងក្រោយ និងវគ្គពាក់កណ្តាលផ្តាច់ព្រ័ត្រ យកឈ្នះ ក្រុមខេត្តតាកែវ ៣-០។
ដោយឡែក ក្រុមខេត្តស្វាយរៀង បានយកឈ្នះទាំង៣ប្រកួតនៅវគ្គសន្សំពិន្ទុក្នុងពូល ដើម្បីឈរលេខ១ក្នុងពូល C។ នៅវគ្គ១៦ក្រុមចុងក្រោយ ពួកគេបានយកឈ្នះក្រុមខេត្តឧត្តរមានជ័យដោយលទ្ធផល ៣-១ និងបន្តយកឈ្នះក្រុមកងពលធំអន្តរាគមន៍លេខ៣ដោយលទ្ធផល ៣-០ នៅវគ្គ៨ក្រុមចុងក្រោយ ហើយវគ្គពាក់កណ្តាលផ្តាច់ព្រ័ត្រ បានឈ្នះ ក្រុមខេត្តសៀមរាប ដោយលទ្ធផល ៣-២។
ក្រុមក្រសួងមហាផ្ទៃពិតជាបានធ្វើឲ្យអ្នកគាំទ្រកោតសរសើរខ្លាំងមែននៅពេលពួកគេបានលេងយល់ចិត្តគ្នាយ៉ាងល្អ។ ជាពិសេសកីឡាករវាយផ្តាច់ ធី ម៉េងហួង និង មឿន ម៉េងឡាយ ពិតជាធ្វើបានល្អ ហើយនេះជាដំណើរដ៏ល្អឈានទៅការពារតំណែងជើងឯកឆ្នាំចាស់។
ចំពោះក្រុមខេត្តស្វាយរៀងមានតារាឆ្នើម២រូបគួរឲ្យចាប់អារម្មណ៍គឺអ្នកប៉ះសេឆ្នើម សួន ចាន់ណារ៉ូ ដែលជាអតីតកីឡាករជម្រើសជាតិ និងអ្នកវាយផ្តាច់សញ្ជាតិគុយបា Herera ។
មុនពេលឈានដល់ការប្រកួតវគ្គផ្តាច់ព្រ័ត្រ ក៏មានការប្រកួតដណ្តើមយកចំណាត់ថ្នាក់លេខ៣រវាងក្រុមខេត្តតាកែវ ជាមួយ បញ្ជាការដ្ឋានអង្គរក្ស A។
ជ័យលាភីល្ងាចនេះនឹងរកឃើញម្ចាស់៖
- ក្រុមជើងឯក
- ចំណាត់ថ្នាក់លេខ២
- ចំណាត់ថ្នាក់លេខ៣
- កីឡាករបិទកណ្តាលល្អបំផុត
- អ្នកប៉ះសេល្អបំផុត
- លីប៊ើរ៉ូល្អបំផុត
- អ្នកវាយផ្តាច់ស្តាំល្អបំផុត
- អ្នកវាយផ្តាច់ឆ្វេងល្អបំផុត
- កីឡាករល្អបំផុតប្រចាំព្រឹត្តិការណ៍
សម្រាប់ប្រាក់រង្វាន់
- ក្រុមជើងឯក នឹងទទួលបាន៥០លានរៀល
- ក្រុមលេខ២ នឹងទទួលបាន២០លានរៀល
- ក្រុមលេខ៣ នឹងទទួលបាន១២លានរៀល
អត្ថបទ៖ វីរបុត្រ
រដ្ឋមន្ត្រី៖ កិច្ចសហប្រតិបត្តិរវាងអាមេរិក-កម្ពុជា សម្រេចផ្លែផ្កាលើការអភិវឌ្ឍវិស័យសុខាភិបាល ពិសេសលើកកម្ពស់សុខុមាលភាពប្រជាជនកម្ពុជា
សមត្ថកិច្ចកម្ពុជាដាក់ឈ្មោះអតីតឧកញ៉ា ហេង សិទ្ធី ចូលក្នុងបញ្ជីតាមចាប់ខ្លួន
តម្លៃស្រូវធ្លាក់ចុះក្រោម ៨០០ រៀល នៅខេត្តបាត់ដំបង
ឥណ្ឌូណេស៊ីគ្រោងនាំចូលគោ-ក្របី៤០ម៉ឺនក្បាលនៅឆ្នាំ២០២៥ ដើម្បីជួយកម្មវិធីផ្ដល់អាហារឥតគិតថ្លៃ
អាមេរិកស៊ើបអង្កេតលើរថយន្ត Tesla ប្រហែល ២.៦ លានគ្រឿង ក្រោយរអាក់រអួលមុខងារ
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
អង្គភាពក្រោមឱវាទក្រសួងមហាផ្ទៃ ច្រានចោលការចោទប្រកាន់នានាមកលើលោក ស សុខា ដោយបុគ្គល ហេង សិទ្ធី
Los Angeles កើតភ្លើងឆេះព្រៃច្រើនឡើងៗ បន្ថែមទៀត ឈានដល់កម្រិតគ្រោះថ្នាក់ធ្ងន់ធ្ងរបំផុត ពិបាកគ្រប់គ្រង
កាសែតអាល្លឺម៉ង់ផ្សាយថា នាយករដ្ឋមន្ត្រីស្រីថៃ រស់ក្នុងជីវិតយ៉ាងប្រណិត ប្រើរបស់សុទ្ធតែថ្លៃៗ
-
ព័ត៌មានជាតិ៦ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៦ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៦ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៦ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៦ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៥ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៥ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ