កីឡា

ថ្ងៃនេះ ការប្រកួតប្រដាល់សកលថ្នាក់ជាតិ មាន២៣គូវគ្គពាក់កណ្តាលផ្តាច់ព្រ័ត្រ

បានផុស

៣ សប្តាហ៍ មុន

នៅ

ថ្ងៃពុធ ២៥ ធ្នូ ២០២៤

ដោយ

ការប្រកួតប្រដាល់សកលជ្រើសរើសជើងឯកថ្នាក់ជាតិ ឈានដល់វគ្គពាក់កណ្តាលផ្តាច់ព្រ័ត្រ នាថ្ងៃទី២៥ ខែធ្នូ ឆ្នាំ២០២៤ ដោយមាន២៣គូលើគ្រប់វិញ្ញាសាទាំងបុរស និងនារី នៅសាកលវិទ្យាល័យភូមិន្ទភ្នំពេញ បន្ទាប់ពីប្រកួតជម្រុះតាំងពីថ្ងៃទី២៣ ខែធ្នូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតជើងឯកថ្នាក់ជាតិឆ្នាំ២០២៤នេះមានក្រុម ក្លិប និងសមាគមកីឡាប្រដាល់សកលចំនួន៣០មកពីទូទាំងរាជធានី-ខេត្តចូលរួមប្រកួត។ ការប្រកួតនេះជាផ្នែកមួយដ៏សំខាន់ក្នុងការពង្រឹងសមត្ថភាពរបស់កីឡាករ កីឡាការិនីជម្រើសជាតិកម្ពុជាសម្រាប់ការត្រៀមចូលរួមប្រកួតកីឡាស៊ីហ្គេម លើកទី៣៣ ឆ្នាំ២០២៥ នៅប្រទេសថៃ។ ក្នុងឆ្នាំ២០២៤ សហព័ន្ធកីឡាប្រដាល់សកលកម្ពុជាបានបញ្ជូនកីឡាករជាច្រើនទៅប្រកួតនៅក្រៅប្រទេសដើម្បីពង្រឹងសមត្ថភាពរបស់ពួកគេ។

សហព័ន្ធកីឡាប្រដាល់សកលកម្ពុជាបានខិតខំប្រឹងប្រែងយ៉ាងខ្លាំងក្នុងការស្វែងរកឱកាសឲ្យកីឡាករ កីឡាការិនីបានឡើងប្រកួតនៅក្រៅប្រទេស ខណៈទីផ្សារប្រកួតប្រដាល់សកលនៅកម្ពុជាស្ទើរតែគ្មានសោះនៅតាមសង្វៀនរបស់ទូរទស្សន៍នានា។