កីឡា

Ronaldo ថា Vinícius សមឈ្នះពាន Ballon d’Or ជាង Rodri

បានផុស

១ ខែ មុន

នៅ

ថ្ងៃសៅរ៍ ២៨ ធ្នូ ២០២៤

ដោយ

កំពូលខ្សែប្រយុទ្ធ Cristiano Ronaldo នៅក្នុងពិធីទទួលពានរង្វាន់កាលពីយប់មិញបានរិះគន់កម្មវិធីពានរង្វាន់ Ballon d’Or ប្រចាំឆ្នាំ២០២៣-២៤ ដែលផ្តល់ពានឲ្យកីឡាករ Manchester City គឺ Rodri ប៉ុន្តែជារឿងអយុត្តិធម៌សម្រាប់កីឡាករ Vinícius របស់ Real Madrid។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករបាននិយាយថា «ក្នុងទស្សនៈខ្ញុំគឺ Vinícius សមទទួលបានពានរង្វាន់នេះ។ វាអយុត្តិធម៍។ ពួកគេផ្តល់ឲ្យ Rodri គាត់សមដែរ តែពួកគេគួរផ្តល់ឲ្យ Vinícius វិញ ពីព្រោះគាត់ឈ្នះពាន Champions League និងរកបានគ្រាប់បាល់ក្នុងវគ្គផ្តាច់ព្រ័ត្រ»។

នៅកម្មវិធីប្រគល់ពានរង្វាន់ Globe Soccer Awards យប់ថ្ងៃទី២៧ ខែធ្នូ ឆ្នាំ២០២៤ នៅទីក្រុង Dubai កីឡាករ Cristiano Ronaldo ទទួលបានពានរង្វាន់អ្នករកបានពានរង្វាន់ជាអ្នករកបានគ្រាប់បាល់ច្រើនជាងគេបំផុតគឺ៣៥គ្រាប់ឲ្យក្លិប Al-Nassr រដូលកាល២០២៣-២៤។ រូបគេរកបាន៤៤គ្រាប់ និងបញ្ជូនបាល់ឲ្យមិត្តរួមក្រុម១៣លើក ក្នុងការបង្ហាញខ្លួន៤៥ប្រកួតគ្រប់កម្មវិធីប្រកួតទាំងអស់។

រូបគេទទួលបានពានរង្វាន់ជាអ្នករកបានគ្រាប់បាល់ច្រើនជាងគេបំផុតគ្រប់ពេលវេលា Top Goalscorer of All Time award ដែលជាការឈ្នះឆ្នាំទី២ជាប់គ្នាពីកម្មវិធី Globe Soccer Awards។ គិតត្រឹមថ្ងៃទី២៨ ខែធ្នូនេះ រូបគេរកគ្រាប់បាល់សរុបបាន៩១៦គ្រាប់ក្នុងអាជីព២២ឆ្នាំ៕