កីឡា

កីឡាករ មឿន លីមសុបញ្ញា ទៅហាត់ជឺជីតស៊ូនៅអាមេរិក៣ខែ

បានផុស

១ ខែ មុន

នៅ

ថ្ងៃសុក្រ ៣ មករា ២០២៥

ដោយ

កីឡាករជឺជីតស៊ូជម្រើសជាតិកម្ពុជា មឿន លីមសុខបញ្ញា បានចេញទៅហ្វឹកហាត់នៅក្លិប Art of Jiu-Jitsu Academy នៅសហរដ្ឋអាមេរិករយៈពេល៣ខែដើម្បីពង្រឹងសមត្ថភាពសម្រាប់ការប្រកួតលើឆាកអន្តរជាតិក្នុងឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Jasper Paas គ្រូបង្វឹកជឺជីតស៊ូជម្រើសជាតិកម្ពុជាបានឲ្យដឹងថា កីឡាករ មឿន លីមសុបញ្ញា ទៅហ្វឹកហាត់រយៈពេល៣ខែនៅក្លិប Art of Jiu-Jitsu Academy ចាប់ពីខែមករា ដល់មីនា ឆ្នាំ២០២៥។ នេះជាឱកាសដ៏អស្ចារ្យសម្រាប់កីឡាករក្នុងការបង្កើនសមត្ថភាពជាមួយគ្រូបង្វឹកលំដាប់កំពូលនៅសហរដ្ឋអាមេរិកដែលធ្លាប់បង្ហាត់វីរកីឡាការិនីកម្ពុជា ខាន់ ចេសា។

ក្លិប Art of Jiu-Jitsu Academy ដែលត្រូវបានបង្កើតឡើងដោយជើងឯកជឺជីតស៊ូពិភពលោក Rafael និង Guilherme ត្រូវបានបង្កើតឡើងក្នុងឆ្នាំ២០១២ ស្ថិតនៅតំបន់ Costa Mesa ក្នុងរដ្ឋកាលីហ្វញ៉ា។ កីឡាការិនីកម្ពុជា ខាន់ ចេសា និងកីឡាករ Tainan Dalpra ត្រូវបានចាត់ទុកជាកូនសិស្សដ៏ជោគជ័យក្នុងចំណោមកូនសិស្សរាប់រយនាក់នាប៉ុន្មានឆ្នាំចុងក្រោយ៕