Connect with us

កីឡា

លោក Jose Munoz លើក​ឡើង​ថា ក្រុមលោក​ត្រូវ​ការ​បញ្ចប់​ទី​ឲ្យ​ច្បាស់​ថែម​ទៀត

បានផុស

នៅ

ព្រះ​ខ័ន​រាជ​ស្វាយរៀង បាន​ចាញ់ក្រុម​មក​ពី​ឥណ្ឌូណេស៊ី PSM Makassar FC ដោយ​លទ្ធផល ០-១ សម្រាប់​ការ​ប្រកួត​វគ្គ​សន្សំពិន្ទុ​ក្នុង​ពូល A ពាន​រង្វាន់ ASEAN Club Championship 2024-25 នៅ​ពហុកីឡដ្ឋាន​ជាតិ​អូឡាំពិក ថ្ងៃ​ទី​៨ ខែ​មករា ឆ្នាំ​២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកួត​នេះ​ពិត​ជា​ពិបាក​ខ្លាំង​សម្រាប់​ក្រុម​របស់​ម្ចាស់​ផ្ទះ​កម្ពុជា​ដោយសារ​អវត្តមាន​កីឡាករ​សំខាន់ៗ​ជា​ច្រើន​នាក់​ដោយសាររបួស ប៉ុន្តែ​លោក​ Jose Munoz ជា​គ្រូ​បង្វឹក​បាន​កោត​សរសើរ​កូន​ក្រុម​របស់​លោក​​ធ្វើ​បាន​ល្អ ហើយ​ស្ទើរ​តែ​រក​បាន​គ្រាប់​តាម​ស្មើ ឬ​ឈ្នះ​ទៅ​ហើយ។

លោក​បាន​និយាយ​ក្នុង​សន្នីទ​សារព័ត៌មាន​ក្រោយ​ការ​ប្រកួត​ថា ៖«ខ្ញុំ​គិត​ថា នេះ​ជា​ការ​ប្រកួត​ដ៏​ល្អ​សម្រាប់​ក្រុម​របស់​យើង។ យើង​បាន​គ្រប់​គ្រង​ការ​ប្រកួត​ស្ទើរ​តែ​ទាំង​ស្រុង។ ដោយសារ​តែ​គេ​ស៊ុត​ចូល​នៅ​ក្នុង​ពីរ​នាទី​ដំបូង អីចឹង​រយៈ​ពេល​៩៦​នាទី​ផ្សេងទៀត​​ យើង​ធ្វើ​បាន​ល្អ​មែន​ទែន»។

លោក​បាន​បន្ត​ថា ៖«កីឡាករ​របស់​យើង​ខិត​ខំ​ប្រឹង​ប្រែង​ខ្លាំង​ណាស់។ ពួក​គាត់​ធ្វើ​បាន​ស្ទើរ​តែ​ទាំង​អស់តាម​​ផែន​ការ​ដែល​យើង​បាន​រៀប​ចំ។ ​វា​ពិបាក​ក្នុង​ការ​ប្រកួត​អន្តរជាតិ​ដែល​យើង​អត់​អាច​រក​គ្រាប់​បាល់​បាន។ យើង​ត្រូវ​ការ​ច្បាស់​លាស់​បន្ថែម​ទៀត​សម្រាប់​ការ​បញ្ចប់​ទី។ តែ​ចុង​ក្រោយ យើង​ឃើញ​ហើយ​ មាន​មួយ​​ក្រុម​ព្យាយាម​លេង​បាល់ ហើយ​មួយ​ក្រុម​ទៀត​ព្យាយាម​ពន្យារពេល ហើយ​អាជ្ញា​កណ្តាល​បណ្តោយ​ឲ្យ​ខាង​គេ​ធ្វើ​បែប​នេះ​បាន»។

«​នៅ​ពេល​យើងអត់​មាន Pablo គឺ​យើង​​ Bounphanchan ឲ្យ​លេង​​ប្រយុទ្ធ​ដែល​ចុះ​មក​យក​បាល់​ជា​មួយ មិន រតនៈ និង Christian ឆ្ពោះ​ទៅ​ខាង​មុខ​ដើម្បី​​បញ្ចប់​ទី តែ​ពិបាក​​ជា​មួយ​ខ្សែ​ការពារ​របស់​គេ​មាឌ​ធំៗ។ វគ្គ​ទី​១ Bounphan អត់​សូវ​ផ្សាភ្ជាប់​ជា​មួយ​តំបន់​បម្រើ​ទេ​ដោយសារ​គាត់​នៅ​តំបន់​ប្រយុទ្ធ​ច្រើន​ពេក។ យ៉ាង​ណា នៅ​វគ្គ​ទី២ គាត់​ចុះ​មក​ក្រោមបាន​ច្រើន​ ហើយ​ធ្វើ​បាន​ច្រើន​តាម​ផែន​ការ។ ​យើង​រក​អត់​បាន​គ្រាប់​បាល់ តែ​យើង​ស្ទើរ​តែ​មាន​គ្រាប់​បាល់​តាម​ស្មើ បើ​ទោះ​ជា​គ្មាន​កីឡាករ​សំខាន់​ៗ​ជា​ច្រើន​ក៏​ដោយ»។

ឆ្លង​កាត់​៣​ប្រកួត ព្រះ​ខ័ន​រាជ​ស្វាយរៀង មាន​៣​ពិន្ទុ ពី​ការ​ឈ្នះ​១ និង​ចាញ់២ ដែល​កំពុង​ស្ថិត​នៅ​លេខ​៥​ក្នុង​តារាង​ពិន្ទុ​ពូល A។ នៅ​ថ្ងៃ​ទី​២២ ខែ​មករា ព្រះ​ខ័ន​រាជ​ស្វាយរៀង ប៉ះ Dong A Thanh Hoa នៅ​ទឹក​ដី​វៀតណាម និង​ចុង​ក្រោយ​ប៉ះ​ក្រុម​មីយ៉ាន់ម៉ា Shan United នៅ​រាជ​ធានី​ភ្នំពេញ ថ្ងៃ​ទី​៥ ខែ​កុម្ភៈ ឆ្នាំ​២០២៥៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៨ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៦ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៨ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម