កីឡា

Neymar ប្រាប់ថា World Cup 2026 ជាការប្រកួតចុងក្រោយរបស់ខ្លួន

បានផុស

៣ ខែ មុន

នៅ

ថ្ងៃសុក្រ ១០ មករា ២០២៥

ដោយ

ខ្សែប្រយុទ្ធ Neymar បានចាត់ទុកព្រឹត្តិការណ៍បាល់ទាត់ពិភពលោកឆ្នាំ២០២៦ នឹងក្លាយជាការប្រកួតចុងក្រោយរបស់ខ្លួនជាមួយភាពជឿជាក់លើក្រុមបាល់ទាត់ជម្រើសជាតិប្រេស៊ីលអាចឆ្លងផុតវគ្គជម្រុះនៅតំបន់អាមេរិកខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Neymar បាននិយាថា ៖«នេះនឹងក្លាយជាការប្រកួតជើងឯកពិភពលោកចុងក្រោយរបស់ខ្ញុំ។ វាជាគោលដៅ និងជាឱកាសចុងក្រោយរបស់ខ្ញុំ។ ខ្ញុំនឹងធ្វើអ្វីគ្រប់យ៉ាងដើម្បីបានលេង»។

ខ្សែប្រយុទ្ធវ័យ៣២ឆ្នាំរូបនេះមិនបានលេងឲ្យប្រេស៊ីលអស់រយៈពេលជាងមួយឆ្នាំហើយ បន្ទាប់ពីជួបបញ្ហារបួស។ ថ្មីៗរូបគេបានប្រាប់បណ្តាញព័ត៌មានអាមេរិកថា ខ្លួនមិនបដិសេធក្នុងកាទៅលេងជួបជុំគ្នាជាមួយអតីតមិត្តរួមក្រុម Barcelona គឺ កីឡាករ Lionel Messi និង Luis Suarez នៅក្លិប Inter Miami លើទឹកដីសហរដ្ឋអាមេរិកនោះទេ។

ក្រុមជម្រើសជាតិប្រេស៊ីលបានជួបការលំបាកយ៉ាងខ្លាំងក្នុងការប្រកួតវគ្គជម្រុះពានរង្វាន់ World Cup នៅតំបន់អាមេរិកខាងត្បូង ក្រោយប្រកួត១២លើក ឈ្នះ៥ ស្មើ៣ ចាញ់៤ មាន១៨ពិន្ទុ ឈរលេខ៥ក្នងតារាងចំណាត់ថ្នាក់។ Neymar បានលេងក្នុងការប្រកួតវគ្គជម្រុះ៤លើកដំបូងជាមួយក្រុមជម្រើសជាតិប្រេស៊ីល ប៉ុន្តែបានរងរបួសតាំងពីខែតុលា ឆ្នាំ២០២៣ ដែលធ្វើឲ្យរូបគេអវត្តមានរហូតដល់ឥឡូវ។

កីឡាករ Neymar បានបន្តថា ៖«ខ្ញុំមានជំនឿខ្ពស់លើក្រុម កីឡាករក្មេងៗដែលកំពុងលេចធ្លោ។ យើងមិនបានស្ថិតនៅក្នុងទីតាំងដែលយើងចង់បាននោះទេ។ ខ្ញុំគិតថា យើងរួមគ្នាគឺអាចសម្រេចលទ្ធផលធំ។ យើងមានពេលមួយឆ្នាំកន្លះដើម្បីត្រៀមខ្លួន និងធ្វើរឿងត្រឹមត្រូវឆ្ពោះទៅដល់ World Cup»៕