កីឡា

ព្រះខ័នរាជស្វាយរៀង តាមពីក្រោយ ភ្នំពេញក្រោន តែ១ពិន្ទុ

បានផុស

២ ខែ មុន

នៅ

ថ្ងៃចន្ទ ១៣ មករា ២០២៥

ដោយ

ក្លិបបាល់ទាត់ព្រះខ័នរាជស្វាយរៀង បានដេញតាមពីក្រោយក្រុមកំពូលតារាង ភ្នំពេញក្រោន ត្រឹមតែ១ពិន្ទុប៉ុណ្ណោះ គិតត្រឹមសប្តាហ៍ទី១៧ នៃលីគបាល់ទាត់កំពូលកម្ពុជា ប៉ុន្តែភ្នំពេញក្រោននៅសល់១ប្រកួតទៀតក្នុងដៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់ការប្រកួត១៦លើក ព្រះខ័នរាជស្វាយរៀង ឈ្នះ១៣ ស្មើ១ និងចាញ់២ រកបាន៤០ពិន្ទុ ខណៈ ភ្នំពេញក្រោន នៅតែរក្សាកំណត់ត្រាមិនទាន់ចាញ់ក្នុងរដូវកាលនេះ ដោយឈ្នះ១៣ និងស្មើ២ មាន៤១ពិន្ទុ។ ការតាមក្រោមត្រឹមតែ១ពិន្ទុនេះ បន្ទាប់ពីភ្នំពេញក្រោនបានត្រឹមស្មើជាមួយ ណាហ្គាវើលដ៍ ០-០ ក្នុងសប្តាហ៍ទី១៧ កាលពីម្សិលមិញ ហើយពួកគេនៅសល់១ប្រកួតក្នុងដៃទៀត ប៉ុន្តែប្រសិនបើភ្នំពេញក្រោនឈ្នះការប្រកួតដែលនៅសល់គឺមាន៤ពិន្ទុនាំមុខ។

ការប្រកួតបន្ទាប់ ភ្នំពេញក្រោន ធ្វើការមិនសូវធ្ងន់ទេគឺប៉ះក្រុម ឡាយហ្វ ខេត្តព្រះសីហនុ នៅថ្ងៃទី១៨ ខែមករា មុនពេលប៉ះ ព្រះខ័នរាជស្វាយរៀង នៅថ្ងៃទី២៦ ខែមករា នៅទឹកដីខេត្តស្វាយរៀង។

ផ្ទុយទៅវិញ ព្រះខ័នរាជស្វាយរៀង ធ្វើការធ្ងន់ណាស់ក្នុងរយៈពេលនេះ។ បន្ទាប់ពីចាញ់ក្រុមឥណ្ឌូណេស៊ី Makassar ដោយលទ្ធផល ០-១, ពួកគេបានជួបបឹងកេតដែលកំពុងឡើងជើងដោយបានយកឈ្នះ ២-០ និងត្រូវធ្វើដំណើរទៅប្រកួតជាមួយក្រុមខ្លាំងវៀតណាម Dong A Thanh Hoa FC នៅថ្ងៃទី២២ ខែមករា ក្នុងពានរង្វាន់ ASEAN Club Championship ហើយវិលមកជួបភ្នំពេញក្រោន៕