កីឡា

កីឡាករបាល់ទះ៣នាក់ លេចធ្លោខ្លាំង ក្នុងតេជោលីគសប្តាហ៍ទី១

បានផុស

២ ខែ មុន

នៅ

ថ្ងៃចន្ទ ១៣ មករា ២០២៥

ដោយ

កីឡាករវាយផ្តាច់ មឿន ម៉េងឡាយ របស់ក្រុមបាល់ទះក្រសួងមហាផ្ទៃ កីឡាករវាយផ្តាច់ តាន ផាវីន របស់ក្រុមកងពលធំអន្តរាគមន៍លេខ៣ និងកីឡាករឥណ្ឌូណេស៊ី Luvi របស់ក្រុមបញ្ជាការដ្ឋានអង្គរក្ស បានក្លាយជាតារាឆ្នើមគួរឲ្យចាប់អារម្មណ៍សម្រាប់ការប្រកួត ក្នុងសប្តាហ៍ទី១ នៃពានរង្វាន់តេជោលីគ រដូវកាលទី២ ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់ការប្រកួត៣លើក ក្រុមក្រសួងមហាផ្ទៃ និងបញ្ជាការដ្ឋានអង្គរក្ស ធ្វើបានល្អជាងគេដោយបានឈ្នះទាំង៣ប្រកួត មាន៩ពិន្ទុដូចគ្នា ប៉ុន្តែក្រសួងមហាផ្ទៃស្ថិតនៅលេខ១ ហើយបញ្ជាការដ្ឋានអង្គរក្សស្ថិតនៅលេខ២ក្នុងតារាងពិន្ទុ។

វិសាខា បានឈ្នះ២ និងចាញ់១ រកបាន៦ពិន្ទុ កំពុងស្ថិតនៅលេខ៣ ហើយកងពលធំអន្តរាគមន៍លេខ៣ មាន៥ពិន្ទុ ស្ថិតនៅលេខ៤ បន្ទាប់ពីឈ្នះ២ និងចាញ់១។ ក្រុមខេត្តស្វាយរៀង មាន៤ពិន្ទុពីការឈ្នះ១ និងចាញ់២ និងក្រុមស្នងការដ្ឋាននគរបាលរាជធានីភ្នំពេញ មាន២ពិន្ទុ បន្ទាប់ពីឈ្នះ១ និងចាញ់២។

ក្រុមស្នងការដ្ឋាននគរបាលខេត្តតាកែវ និង ក្រុមស្នងការដ្ឋាននគរបាលខេត្តពោធិ៍សាត់ កំពុងស្ថិតនៅតំបន់កាត់ចេញ បន្ទាប់ពីចាញ់ទាំង៣ប្រកួត។ ក្រុមខេត្តតាកែវមាន១ពិន្ទុ ឈរលេខ៧ និងក្រុមខេត្តពោធិ៍សាត់នៅបាតតារាងមិនទាន់មានពិន្ទុរាប់។

កីឡាករ មឿន ម៉េងឡាវ, តាត ផាវីន និងកីឡាករឥណ្ឌូណេស៊ី Luvi បង្ហាញសមត្ថភាពដ៏អស្ចារ្យដោយបានក្លាយជាកីឡាករល្អប្រចាំការប្រកួត២លើកដូចគ្នា។ ពួកគេជាកម្លាំងដ៏សំខាន់ដែលជួយឲ្យក្រុមទទួលបានជ័យជម្នះតាមការវាយផ្តាច់យកពិន្ទុ ជួយការពារ និងវាយសេវាដ៏គ្រោះថ្នាក់ដែលបង្កការលំបាកដល់ដៃគូប្រកួត។

ជាមួយគ្នានេះ កីឡាករ គួន ម៉ុម របស់វិសាខខា, ស៊ុយ ខន របស់បញ្ជាការដ្ឋានអង្គរក្ស, ធី ម៉េងហួង របស់ក្រសូងមហាផ្ទៃ, ស ពិសី របស់វិសាខា, ចាន់ វាសនា របស់ស្នងការដ្ឋាននគរបាលរាជធានីភ្នំពេញ និង អ៉ឹម ណាវីត របស់ក្រុមខេត្តស្វាយរៀង ក៏បង្ហាញសមត្ថភាពគួរឲ្យចាប់អារម្មណ៍ដែរដោយបានក្លាយជាកីឡាករល្អប្រចាំការប្រកួត១លើកដូចគ្នា។

ទោះជាយ៉ាងណា គិតត្រឹមសប្តាហ៍ទី៣ ដែលបានឆ្លងកាត់៣ប្រកួត មិនទាន់មានកីឡាករណាដែលបានក្លាយជាកីឡាករល្អប្រចាំការប្រកួតទាំង៣លើកនោះទេ។ ខាងក្រោមជាកីឡាករល្អប្រចាំការប្រកួតនីមួយៗ។

កីឡាករល្អថ្ងៃទី៣ (ទី១២ ខែមករា ឆ្នាំ២០២៥)

ចាន់ វាសនា ជាកីឡាករល្អប្រចាំការប្រកួត (នគរបាលរាជធានីភ្នំពេញ ឈ្នះ វិសាខា ៣-២)
មឿន ម៉េងឡាយ ជាកីឡាករល្អប្រចាំការប្រកួត (ក្រសួងមហាផ្ទៃ ឈ្នះ នគរបាលខេត្តតាកែវ ៣-០)
អ៊ឹម ណាវីត ជាកីឡាករល្អប្រចាំការប្រកួត (នគរបាលខេត្តស្វាយរៀង ឈ្នះ នគរបាលខេត្តពោធិ៍សាត់ ៣-០)
Luvi ជាកីឡាករល្អប្រចាំការប្រកួត (បញ្ជាការដ្ឋានអង្គរក្ស ឈ្នះ កងពលធំអន្តរាគមន៍លេខ៣ ដោយលទ្ធផល ៣-០)

កីឡាករល្អថ្ងៃទី២ (ទី១១ ខែមករា ឆ្នាំ២០២៥)

មឿង ម៉េងឡាយ កីឡាករល្អប្រចាំការប្រកួត (ក្រសួងមហាផ្ទៃ ឈ្នះ នគរបាលរាជធានីភ្នំពេញ ៣-០)
Luvi ជាកីឡាករល្អប្រចាំការប្រកួត (បញ្ជាការដ្ឋានអង្គរក្ស ឈ្នះ នគរបាលខេត្តស្វាយរៀង ៣-០)
ស ពិសី ជាកីឡាករល្អប្រចាំការប្រកួត (វិសាខា ឈ្នះ នគរបាលខេត្តពោធិ៍សាត់ ៣-០)
តាន ផាវីន ជាកីឡាករល្អប្រចាំការប្រកួត (កងពលធំអន្តរាគមន៍លេខ៣ ឈ្នះ នគរបាលខេត្តតាកែវ ៣-២ )

កីឡាករថ្ងៃថ្ងៃទី១ (ទី១០ ខែមករា ឆ្នាំ២០២៥)

គួន ម៉ុម ជាកីឡាករល្អប្រចាំការប្រកួត (វិសាខា ឈ្នះ នគរបាលខេត្តស្វាយរៀង ៣-២)
ស៊ុយ ខន ជាកីឡាករល្អប្រចាំការប្រកួត (បញ្ជាការដ្ឋានអង្គរក្ស ឈ្នះ ក្រុមនគរបាលខេត្តតាកែវ ៣-០)
តាត ផាវីន ជាកីឡាករប្រចាំការប្រកួត (កងពលធំអន្តរាគមន៍លេខ៣ ឈ្នះ នគរបាលរាជធានីភ្នំពេញ ៣-១)
ធី ម៉េងហួង ជាកីឡាករប្រចាំការប្រកួត (ក្រសួងមហាផ្ទៃ នគរបាលខេត្តពោធិ៍សាត់ ៣-០)

អត្ថបទ៖ វីរបុត្រ