ក្លិបកីឡា១​២នៅ Los Angeles បរិច្ចាគ៨លានដុល្លារជួយជនរងគ្រោះភ្លើងឆេះព្រៃ

ឈរលើសា្មរតីកីឡាស្របពេលប្រទេសខ្លួនជួបបញ្ហា ក្លិបកីឡានៅទីក្រុង Los Angeles ចំនួន១២ បានសន្យាបរិច្ចាគទឹកប្រាក់ចំនួន៨លានដុល្លារ ដើម្បីជួយដល់ជនរងគ្រោះដោយភ្លើងឆេះព្រៃ។

ក្លិបកីឡាករទាំង១២រួមមានក្រុម៖ Angels City FC, the Angels, Chargers, Clippers, Dodgers, Ducks, Galaxy, Kings, LAFC, Lakers, Rams and Sparks។ ពួកគេបានសន្យាថានឹងធ្វើការរួមចំណែកដល់កាកបាទក្រហមអាមេរិក ជាមួយមូលនិធិនាយកដ្ឋានពន្លត់អគ្គីភ័យ Los Angeles និងអង្គការសង្គ្រោះដទៃទៀត។

ជា​មួយ​គ្នា​នេះ Fanatics ជាហាងលក់សំលៀកបំពាក់កីឡា និង Fan Gear Store នឹង​ផ្តល់​សម្ភារៈផ្សេងៗមានតម្លៃ៣លានដុល្លារដល់ប្រជាជនត្រូវបានជម្លៀសចេញពីផ្ទះរបស់ពួកគេ និងចែកចាយឧបករណ៍អនាម័យផ្ទាល់ខ្លួន សម្ភារៈសិក្សា ស្បែកជើង​ និងជាសម្ភារៈច្រើនទៀតនៅតាមកន្លែងសង្គ្រោះនានាជុំវិញទីក្រុង។

ខ្យល់បោកបក់ខ្លាំង​ទៅ​លើ​ទីក្រុង Los Angeles និង​បាន​បង្កគ្រោះថ្នាក់ដល់កិច្ចខិតខំប្រឹងប្រែងដើម្បីទប់ស្កាត់ភ្លើងឆេះព្រៃដ៏ធំ ដែលបានលេបត្របាក់សង្កាត់ទាំងមូល បានឆក់យកជីវិតមនុស្សយ៉ាងហោចណាស់ជាង១០នាក់។

អគ្គីភយកាលពីសប្តាហ៍មុនបានបង្ខំឲ្យការប្រកួត playoff រវាងក្លិប Rams និង Vikings ត្រូវបានផ្លាស់ប្តូរពីកីឡដ្ឋាន SoFi ក្នុងទីក្រុង Inglewood ទៅ Glendale រដ្ឋ Arizona និងបានពន្យារពេលការប្រកួតរបស់ក្លិប Lakers និង Clippers៕

ប្រែសម្រួល៖ ផា រតនា