កីឡា

ទីលានវាយសីកម្រិតស្តង់ដារអន្តរជាតិជាអំណោយរបស់សម្តេចក្រឡាហោម ស ខេង បានចាប់ផ្តើមក្រុងពាលីសាងសង់ហើយ

បានផុស

៤ years មុន

នៅ

ថ្ងៃពុធ ១៧ មីនា ២០២១

ដោយ

ភ្នំពេញ ៖ ទីលានវាយសីក្រសួងមហាផ្ទៃដែលមានទំហំទទឹង ២០ ម៉ែត្រ និងបណ្តោយ៤១ម៉ែត្រ គម្រោងចំណាយថវិកាសាងសង់ប្រមាណជាង ៣សែនដុល្លារអាមេរិក ដែលជាអំណោយដ៏ថ្លៃថ្លារបស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចាប់ផ្តើមសាងសង់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត ជា ប៊ុនហេង អគ្គលេខាធិការក្រុមប្រឹក្សាកីឡាក្រសួងមហាផ្ទៃ និងលោកស្រី កាលពីរសៀលថ្ងៃទី១៥ ខែមីនា ឆ្នាំ២០២១ បានអញ្ជើញចូលរួមជាអធិបតីក្នុងពិធីក្រុងពាលី សាងសង់ទីលានវាយសីក្រសួងមហាផ្ទៃ ដែលជាអំណោយដ៏ថ្លៃថ្លារបស់សម្តេចក្រឡា ហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅអង្គភាពអង្គរក្ស ក្រោយព្រះបរមរាជវាំង។

លោកបណ្ឌិត ជា ប៊ុនហេង មានប្រសាសន៍ថា ទីលានវាយសីរបស់ក្រសួងមហាផ្ទៃមួយនេះ ជាទីលានស្តង់ដារអន្តរជាតិមួយ ដែលអាចរៀបចំការ ប្រកួតអន្តរជាតិនានាបានទៅថ្ងៃមុខ។ ពិសេសជាងនេះទៀត ក៏ជាទីលានមួយ ដែលមានស្តង់ ដារលំដាប់កំពូលផងដែរ បើធៀបនឹងទីលានវាយសីទាំងអស់នៅទូទាំងព្រះរាជាណា ចក្រកម្ពុជា។ ទៅថ្ងៃមុខក្រសួងមហាផ្ទៃ នឹងអញ្ជើញបណ្តាប្រទេសនៅតំបន់អាស៊ាន មកចូលរួមប្រកួតប្រជែងលក្ខណៈមិត្តភាពអន្តរជាតិនានា នៅពេលដែលទីលានមួយនេះ សាងសង់រួចរាល់។

លោកបន្តថា ទីលានវាយសីក្រសួងមហាផ្ទៃ ដែលជាអំណោយដ៏ថ្លៃថ្លារបស់ សម្តេចក្រឡា ហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មានទីតាំងក្នុងបរិវេណ អង្គភាព អង្គរក្ស ក្រោយព្រះបរមរាជវាំង។ ទីលាននេះមានទំហំទទឹង២០ម៉ែត្រ និងបណ្តោយ៤១ម៉ែត្រ។ គម្រោងចំណាយថវិកាសាងសង់ប្រមាណជាង ៣សែនដុល្លារអាមេរិក ដែលជាអំណោយដ៏ថ្លៃថ្លារបស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ដំណើរការសាសងសង់ទីលាននេះ ត្រូវបានសម្រប សម្រួលផ្តល់ទីតាំងដោយលោកសន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ ក្រោមការសហប្រតិបត្តិការសាងសង់ដោយលោក បណ្ឌិត ជា ប៊ុនហេង អគ្គលេខាធិការ ក្រុមប្រឹក្សាកីឡាក្រសួងមហាផ្ទៃ និងលោក យឹម លាង អគ្គស្នង ការរង នគរបាលជាតិកម្ពុជា។ ទីលាននេះគ្រោងនឹងបញ្ចប់ការសាងសង់ទាំងស្រុងនៅអំឡុងខែ មិថុនា ឆ្នាំ២០២១ខាងមុខនេះ៕

ដោយ ៖ វិសិទ្ធ