កីឡា

Arteta កំពុងស្វែងរកខ្សែប្រយុទ្ធថ្មី ជំនួស Jesus រងរបួស ACL

បានផុស

៣ សប្តាហ៍ មុន

នៅ

ថ្ងៃសុក្រ ១៧ មករា ២០២៥

ដោយ

លោក Mikel Arteta បានសារភាពពីក្លិប Arsenal កំពុងរៀបចំផែនក្នុងការចុះហត្ថលេខាលើខ្សែប្រយុទ្ធម្នាក់ទៀតនៅក្នុងទីផ្សារដោះដូរកីឡាករខែមករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកាំភ្លើងធំកំពុងប្រឈមបញ្ហារបួសកីឡាករក្នុងតំបន់ប្រយុទ្ធ ក្រោយកីឡាករជម្រើសជាតិប្រេស៊ីល Gabriel Jesus បានរងរបួសដាច់សរសៃជង្គង់ (ACL) ។ គ្រូបង្វឹកក្លិបលោក Arteta ត្រូវបានសារព័ត៌មាន TNT Sports ត្រូវបានចោទសួរថានឹងមានគម្រោងនាំយកខ្សែប្រយុទ្ធថ្មីមកបន្ថែមទៀតនៅក្នុងខែមករានេះ។

លោក Mikel Arteta បានតបថា ៖«ប្រាកដហើយ។ យើងបាត់បង់កីឡាករសំខាន់២នាក់ដូចជា Bukayo Saka ដែលអាចវត្តមានរហូតដល់៣ខែ។ ចំណែក Gabby Jesus វត្ដមានរយៈយូរទៀត។ យើងនឹងព្យាយាមរកកីឡាករថ្មីប្រាកដណាស់។ ខ្ញុំគិតថា យើងបានបាត់បង់កីឡាករសំខាន់២នាក់។ យើងមានកីឡាករ១៤នាក់ក្នុងក្រុម ហើយយើងលេងជារៀងរាល់៣ថ្ងៃ។ យើងនឹងព្យាយាម ប៉ុន្តែចាំមើលថាយើងអាចនាំយកកីឡាកររូបណាបាន»។

ក្រុម Arsenal រកបាន២គ្រាប់ក្នុងការប្រកួត Derby ចុងក្រោយរបស់ពួកគេជាមួយនឹងគូប្រជែង Tottenham ក្នុងការប្រកួតភាគខាងជើងទីក្រុងឡុងដ៍។ បច្ចុប្បន្នពួកគេឈរនៅលេខ២ ក្នុងតារាងចំណាត់ថ្នាក់លីគកំពូលអង់គ្លេសដោយ មាន៤៣ពិន្ទុ ក្រោយឈ្នះ១២ ស្មើ៧ និងចាញ់២៕