កីឡា

លោក Amorim ស្នើក្លិប Man United រកកីឡាករថ្មីជំនួស Antony

បានផុស

២ ខែ មុន

នៅ

ថ្ងៃអង្គារ ២១ មករា ២០២៥

ដោយ

ក្រោយលោក Ruben Amorim បានចូលកាន់តំណែងជាគ្រូបង្វឹកក្លិប Manchester United សង្កេតឃើញពីការផ្លាស់ប្ដូរកីឡាករច្រើន ក្នុងនោះខ្សែបម្រើ Antony ត្រូវបានប៉ាន់ស្មាននឹងត្រូវចាកចេញពីក្លិបនៅខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអ្នករាយការណ៍ព័ត៌មានកីឡាបាល់ទាត់ដល់ល្បីឈ្មោះលើពិភពលោក Fabrizio Romano បានផ្តល់ព័ត៌មានស៊ីជម្រៅថា ក្លិប Manchester United កំពុងរកកីឡាករថ្មីជំនួស Antony។ ខ្សែបម្រើស្លាបប្រេស៊ីលរូបនេះអាចនឹងចាកចេញពីទឹកដី Old Trafford ទៅចូលរួមជាមួយក្លិប Real Betis នៅប្រទេសអេស្ប៉ាញ។ រូបគេបានក្លាយជាកីឡាករថ្លៃបំផុតទី២ក្នុងប្រវត្តិសាស្ត្ររបស់ក្លិបបិសាចក្រហម ក្រោយផ្លាស់មកចួលរួមជាមួយក្រុមដោយមានតម្លៃ៨១.៣លានផោន កាលពីខែសីហា ឆ្នាំ២០២២។

ឱកាសក្នុងការបង្ហាញខ្លួនក្នុងជម្រើសដំបូងរបស់ Antony បានថយចុះកាន់តែខ្លាំងក្នុងរដូវកាលនេះ។ លោក Ruben Amorim ជាគ្រូបង្វឹកថ្មីរបស់ក្លិប Man Utd កំពុងពិភាក្សាជាមួយក្លិប ដើម្បីស្វែងរកកីឡាករមកជំនួសតំណែងខ្សែបម្រើសញ្ជាតិប្រេសុីលរូបនេះ។ បច្ចុប្បន្នក្រុមរបស់លោកកំពុងឈរនៅលេខ១៣ នៅក្នុងតារាងចំណាត់ថ្នាក់លីគកំពូលប្រទេសអង់គ្លេស។

ក្លិបបិសាចក្រហម Manchester United នឹងរៀបចំក្រុមជាថ្មី។ ពួកគេបានផ្ដោតសំខាន់លើយុវជន និងកាត់បន្ថយកីឡាករវ័យចំណាស់ ដែលមានប្រាក់ឈ្នួលខ្ពស់។ មូលហេតុនេះហើយបាននាំឲ្យក្លិបនឹងបញ្ចេញកីឡាករវ័យចំណាស់មួយចំនួន។ មិនមែនមានតែកីឡាករ Antony សូម្បីតែកីឡាករ Marcus Rashford ក៏អាចនឹងចាកចេញដែរ៕