កីឡា

លីគកម្ពុជា រកឃើញ ៥ក្រុមឡើងវគ្គ Top 6 ខណៈ បឹងកេត និង ដង្កោសែនជ័យ ប្រជែងគ្នា

បានផុស

១៩ នាទីutes មុន

នៅ

ថ្ងៃចន្ទ ៣ កុម្ភៈ ២០២៥

ដោយ

ការប្រកួតបាល់ទាត់ជម្រើសជើងឯកជាតិ ខេមបូឌានព្រីមៀរលីគ រដូវកាល២០២៤-២៥ រកឃើញ៥ក្រុមបានឡើងទៅវគ្គសន្សំពិន្ទុជុំ៦ក្រុមចុងក្រោយ (Top 6) បន្ទាប់ពីដំណើរការប្រកួតអស់រយៈ១៩សប្តាហ៍។

ក្រុមកំពូលតារាងភ្នំពេញក្រោន ក្រុមចំណាត់ថ្នាក់លេខ២ព្រះខ័នរាជស្វាយរៀង ក្រុមចំណាត់ថ្នាក់លេខ៣ វិសាខា ក្រុមចំណាត់ថ្នាក់លេខ៤ អង្គរថាយហ្គឺរ និងក្រុមណាហ្គាវើលដ៍ បានធានាកៅអីឡើងទៅជុំចុងក្រោយហើយ។

ដោយឡែក១កៅអីទៀត ប្រហែលជាត្រូវកាត់សេចក្តីនៅសប្តាហ៍ទី១៩ ឬទី២០ រវាង បឹងកេត និង អាយអេសអាយ ដង្កោសែនជ័យ។ បឹងកេត ធ្វើឲ្យអស់ឱកាសឡើងទៅវគ្គ៦ក្រុមចុងក្រោយជួបការលំបាក បន្ទាប់ពីបានស្មើជាមួយ ក្រសួងការពារជាតិ ដោយលទ្ធផល ១-១ ក្នុងផ្ទះរបស់ខ្លួន ដែលរកបាន២៧ពិន្ទុ បន្ទាប់ពីឈ្នះ៨ ស្មើ៣ និងចាញ់៧។ ចំណែកអាយអេសអាយ ដង្កោសែនជ័យ បានបរាជ័យក្រោមថ្វីជើងម្ចាស់ផ្ទះ ណាហ្គាវើលដ៍ បានធ្វើឲ្យធ្លាក់ទៅលេខ៧។

ចំណែក៤ក្រុមផ្សេងទៀតគឺ ក្រសួងការពារជាតិ ឡាយហ្វខេត្តព្រះសីហនុ ក្រសួងមហាផ្ទៃ និង គិរីវង់សុខសែនជ័យអស់ឱកាសឡើងវគ្គបន្ត៦ក្រុមចុងក្រោយហើយ។

ពីរប្រកួតចុងក្រោយរបស់ បឹងកេត ត្រូវប៉ះ អាយអេសអាយ ដង្កោសែនជ័យ នៅថ្ងៃទី៨ ខែកុម្ភៈ ដែលប្រៀបដូចជាការប្រកួតកាត់សេចក្តីរវាងក្រុមទាំងពីរនេះ ខណៈការប្រកួតចុងក្រោយត្រូវប៉ះ វិសាខា នៅថ្ងៃទី១៥ ខែកុម្ភៈ។ ចំពោះការប្រកួតចុងក្រោយរបស់ អាយអេសអាយ ដង្កោសែនជ័យ ប៉ះភ្នំពេញក្រោន នៅថ្ងៃទី១៦ ខែកុម្ភៈ។

លទ្ធផលគិតត្រឹមសប្តាហ៍ទី១៩