កីឡា
លោក ហេង ប៊ុនឃីម ៖«បើគ្មានកូនជាអ្នកប្រដាល់ គ្មានឱកាសទៅក្រៅប្រទេស»
មិនត្រឹមតែជាកីឡាករ ឃីម បូរ៉ា, កីឡាករ ឃីម ឌីមី និងលោក ហេង ប៊ុនឃីម ជាឪពុកប៉ុណ្ណោះទេ សូម្បីតែអ្នកស្រី រៀម តិប ជាម្តាយក៏ទទួលបានឱកាសធ្វើដំណើរទៅទីក្រុង Madrid ប្រទេសអេស្ប៉ាញដែរសម្រាប់ការប្រកួតគុនខ្មែរនៅថ្ងៃទី៨ ខែកុម្ភៈ ឆ្នាំ២០២៥។
លោក ហេង ប៊ុនឃីម បានលើកឡើងថា លោកពិតជារីករាយដែលមានភរិយាទៅជាមួយ ពីព្រោះភរិយារបស់លោកមិនធ្លាប់បានចេញទៅក្រៅប្រទេសឡើយ។ «ការធ្វើដំណើរទៅទីក្រុង Madrid ប្រទេសអេស្ប៉ាញនេះ ខ្ញុំសប្បាយចិត្តដែលបានក្រុមហ៊ុនឧបត្ថម្ភដល់ការធ្វើដំណើរទាំងស្រុងដោយមានប្រពន្ធ និងកូនប្រុស២នាក់។ បើគ្មានកូនជាអ្នកប្រដាល់ គឺខ្ញុំគ្មានលទ្ធភាពដើម្បីនាំប្រពន្ធកូនជិះយន្តហោះទៅក្រៅប្រទេសទេ»។
កីឡាករ ឃីម បូរ៉ា ត្រូវប្រកួតជាមួយកីឡាករអេស្ប៉ាញ Mario Alvarez ដើម្បីដណ្តើមខ្សែក្រវាត់«គុនខ្មែរស៊ុបភើហ្វៃ» ទម្ងន់៦១គីឡូក្រាម។ Mario ដែលជាជើងខ្លាំងម្នាក់ដែលលំដាប់ជួរមុខនៅប្រទេសអេស្ប៉ាញធ្លាប់ឈ្នះកីឡាករកម្ពុជា ឈុត សេរីវ៉ាន់ថង ក្នុងទឹកទី១ នៅប្រទេសបារាំង ប៉ុន្តែចាញ់កីឡាករ មាស ប៊ុនថេន ដោយពិន្ទុ នៅប្រទេសកម្ពុជា។
ឃីម បូរ៉ា ទើបតែជាសះស្បើយពីរបួសកែងដៃ ប៉ុន្តែបានហ្វឹកហាត់ដិតដល់វិញហើយ។ ការវិលត្រឡប់មកកាន់សង្វៀនជាថ្មី រូបគេបានយកឈ្នះកីឡាករចិន ហាវ ជីឡុង ដើម្បីទទួលបានខ្សែក្រវាត់គ្រុឌគុនខ្មែរ កាលពីកាលពីថ្ងៃទី១៨ ខែមករា ឆ្នាំ២០២៥។
លោក ហេង ប៊ុនឃីម ដែលជាឪពុករបស់ ឃីម បូរ៉ា បានឲ្យដឹងថា ៖«ការហ្វឹកហាត់ត្រៀមខ្លួនគឺបានល្អ ប៉ុន្តែការទៅប្រកួតនៅទឹកដីគេមិនដឹងជាយ៉ាងម៉េចដែរ។ តាមដឹងនៅទីនោះត្រជាក់ខ្លាំង។ អាកាសធាតុនេះជាបញ្ហាព្រួយបារម្ភខ្លាំងដែរ ពីព្រោះត្រជាក់ខ្លាំងអាចធ្វើឲ្យយើងធ្វើគីឡូអត់បាន ផ្តាសាយអស់កម្លាំងអីទៅ»។
លោកបានបញ្ជាក់ថា ៖«តាំងពីរបួសដៃប៉ុន្មានខែមកហើយ ឥឡូវគាត់បានជាសះស្បើយ។ គាត់បានប្រកួត១ប្រកួតរួចហើយ និងបានឈ្នះខ្សែក្រវាត់១ទៀត។ វាមិនទាន់ជាសះស្បើយប្រើបាន១០០%ទេ»។
លោក ហេង ប៊ុនឃីម បាននិយាយពីកីឡាករ Mario ថា ៖«រឿងគាត់មកចាញ់នៅស្រុកខ្មែរ (ចាញ់ មាស ប៊ុនថេន) មិនដឹងថា ចាញ់របៀបមិច តែមើលឃើញការប្រកួតរបស់គាត់ល្អ។ គាត់ធន់ ស្វិត អាវុធល្អ។ ខ្ញុំធ្លាប់មើលការប្រកួត២លើកគឺគាត់ជាកីឡាករមិនថយក្រោយ»។
លោក ហេង ប៊ុនឃីម គិតថា កីឡាករអេស្ប៉ាញ Mario Alvarez ប្រហែលជាមិនអាចចប់ពាក់កណ្តាលទីក្នុងការប្រកួត៣ទឹក ប៉ុន្តែខ្លាចតែកូនប្រុសរបស់លោកវិញទេដែលអាចចប់ពាក់កណ្តាលទី។
លោកបាននិយាយថា ៖«ខ្ញុំមើលឃើញសន្ទុះរបស់គាត់ល្អ អីចឹងមិនអាចចប់ពាក់កណ្តាលទីទេ តែខ្លាចយើងវិញទេដែលអស់ចប់កណ្តាលទី ពីព្រោះយើងទៅប្រកួតនៅទឹកដីគេ។ យើងខ្លាចខ្សោយកម្លាំង ឬផ្តាសាយអីជាដើម ដោយសារធាតុអាកាស អាហារហូចចុក អីចឹងយើងអត់ហ៊ានទាយទុកមុនទេ។ ទោះយ៉ាងណា ខ្ញុំប្រាប់កូនហើយគឺខំប្រឹងឲ្យអស់ពីសមត្ថភាព។ ទោះចាញ់ ទោះឈ្នះ ត្រូវតែខំប្រឹង»៕
អត្ថបទ៖ វីរបុត្រ
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
Trump ដាក់លក្ខខណ្ឌបើ Zelensky ចង់មកចរចាម្តងទៀត
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ