កីឡា

ភ្នំពេញក្រោន ប៉ះ វិសាខា ដណ្តើមជើងឯកលីគនារី នៅស្តាតចាស់

បានផុស

២ ខែ មុន

នៅ

ថ្ងៃសុក្រ ៧ កុម្ភៈ ២០២៥

ដោយ

ការប្រកួតលីគបាល់ទាត់នារីរដូវកាល២០២៤-២៥ ឈានដល់វគ្គផ្តាច់ព្រ័ត្រ នៅល្ងាចថ្ងៃសៅរ៍ វេលាម៉ោង៤រសៀល ទី៨ ខែកុម្ភៈ ឆ្នាំ២០២៥ រវាងក្រុមការពារតំណែងជើងឯកភ្នំពេញក្រោន ជាមួយ វិសាខា នៅស្តាតចាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីដំណើរការប្រកួតវគ្គសន្សំពិន្ទុទាំងពីរជើង ក្រុមការពារតំណែងជើងឯកឆ្នាំចាស់ ក្រុមនារីភ្នំពេញក្រោន បានចាញ់តែ១ដងគឺ ចាញ់ វិសាខា ដោយលទ្ធផល ២-១ ក្នុងជើងទី១ ប៉ុន្តែជើងទី២បានយកឈ្នះវិសាខា វិញដោយលទ្ធផល ៤-០។ ដូច្នេះភ្នំពេញក្រោន ឈ្នះ១៦ ស្មើ១ និងចាញ់១ រកបាន៤៩ពិន្ទុ ឈរនៅកំពូលតារាងដើម្បីរង់ចាំវគ្គផ្តាច់ព្រ័ត្រ។

វិសាខា បានចាញ់២ដងក្នុងការប្រកួតវិលជុំសន្សំពិន្ទុគឺចាញ់ភ្នំពេញក្រោន និងចាញ់ ណាហ្គាវើលដ៍ ប៉ុន្តែពួកគេបានយកឈ្នះក្រុមទាំងពីរនេះដែរ។ ពួកគេបានឈ្នះ១៤ ស្មើ២ និងចាញ់២ រកបាន៤៤ពិន្ទុ ឈរលេខ២ ដើម្បីរង់ចាំវគ្គពាក់កណ្តាលផ្តាច់ព្រ័ត្រ។

ការប្រកួតវគ្គខ្វែង៤ក្រុមចុងក្រោយ ក្រុមនារីណាហ្គាវើលដ៍ដែលជាក្រុមលេខ៣ បានយកឈ្នះក្រុមលេខ៤ នារីព្រះខ័នរាជស្វាយរៀង ដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រជួប ក្រុមនារីវិសាខា។ វិសាខា បានយកឈ្នះដោយប៉េណាល់ទីកាត់សេចក្តី ៤-៣ ដើម្បីឡើងទៅកាន់វគ្គផ្តាច់ព្រ័ត្រជួបភ្នំពេញក្រោន។

ក្រុមនារីភ្នំពេញក្រោន ជាក្រុមដែលមានបទពិសោធច្រើន និងសំបូរកីឡាការិនីល្អៗមានដូចជាអ្នកចាំទី អ្នកចាំទី ជា ហ្វារីយ៉ា, សឿន វិផា, ពឿន គន្ធា និងកីឡាការីជប៉ុន Miki។ ចំណែកក្រុមនារីវិសាខាទើបត្រូវបានបង្កើតឡើងនាប៉ុន្មានឆ្នាំចុងក្រោយ ប៉ុន្តែមានកីឡាការិនីល្អៗច្រើនដូចជា អ្នកចាំទី ពេញ បូរ៉ាវី, ខ្សែការពារ ជា ស្រីឡាស និង ភឿង ស្រីភ័ស្ត៕