កីឡា

កីឡាករជឺជីតស៊ូកម្ពុជា សុបញ្ញា ឈ្នះមេដាយមាសនៅអាមេរិក

បានផុស

៥ នាទីutes មុន

នៅ

ថ្ងៃចន្ទ ១០ កុម្ភៈ ២០២៥

ដោយ

កីឡាករជឺជីតស៊ូជម្រើសជាតិកម្ពុជា មឿនលីម សុបញ្ញា បានឈ្នះមេដាយមាសនៅព្រឹត្តិការណ៍ជឺជីតស៊ូកម្រិតអន្តរជាតិ Jiu-Jitsu World League California X កាលពីថ្ងៃទី៨ ខែកុម្ភៈ ឆ្នាំ២០២៥ នៅរដ្ឋកាលីហ្វញ៉ា សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ មឿនលីម សុបញ្ញា ត្រូវបានសហព័ន្ធកីឡាជឺជីតស៊ូកម្ពុជាបញ្ជូនទៅហ្វឹកហាត់នៅក្លិប Art of Jiu-Jitsu Academy របស់សហរដ្ឋអាមេរិកកាលពីដើមខែមករា និងត្រូវចំណាយពេលហ្វឹកហាត់នៅទីនោះរយៈពេល៣ខែដើម្បីត្រៀមខ្លួនប្រកួតក្នុងព្រឹត្តិការណ៍អន្តរជាតិផ្សេង។

ទន្ទឹមជាមួយនឹងការហ្វឹកហាត់ មឿនលីម សុបញ្ញា បានចុះឈ្មោះចូលរួមប្រកួតក្នុងកម្មវិធី Jiu-Jitsu World League California X ដែលជាព្រឹត្តិការណ៍ប្រកួតកីឡាជឺជីតស៊ូរៀបចំនៅរដ្ឋកាលីហ្វញ៉ា។ វាជាផ្នែកមួយនៃព្រឹត្តិការណ៍ Jiu-Jitsu World League រៀបចំការប្រកួតជឺជីតស៊ូទូទាំងសហរដ្ឋអាមេរិកដែលមានកីឡាករ កីឡាការិនី និងថ្នាលយុវជនជាតិ អន្តរជាតិចូលរួមប្រកួតគ្រប់កម្រិតរាប់ចាប់តាំងពីកម្រិតទាបរហូតដល់អាជីព។

សុបញ្ញា បានចុះឈ្មោះប្រកួតវិញ្ញាសា Gi ទម្ងន់៨២.៥គីឡូក្រាមដែលមានកីឡាករចំនួន២២នាក់មកពីក្លិបផ្សេងៗនៅសហរដ្ឋអាមេរិក។ នៅជុំទី១ កីឡាករវ័យ១៩ឆ្នាំទទួលបានជ័យជម្នះដោយដៃគូបានបោះបង់ចោលការប្រកួត។ នៅវគ្គ៨នាក់ចុងក្រោយ រូបគេបានយកឈ្នះកីឡាករ Ayden Manuel ដោយឃ្លេសុំចុះចាញ់ និងវគ្គពាក់កណ្តាលផ្តាច់ព្រ័ត្របានយកឈ្នះកីឡាករ Joey Montes ដោយឃ្លេឲ្យចុះចាញ់ និងវគ្គផ្តាច់ព្រ័ត្របានផ្តួលកីឡាករ Pedro Emel តាមរយៈឃ្លេឲ្យចុះចាញ់ដើម្បីក្លាយជាម្ចាស់មដាយមាស។

បើទោះបីជាការប្រកួត Jiu-Jitsu World League California X លក់សំបុត្រចូលទស្សនាផ្ទាល់ ប៉ុន្តែសំបុត្រចំនួន៣៧០៩នាក់ត្រូវបានលក់ដាច់អស់៕