កីឡា
មនុស្សប្រមាណ ៣០០០នាក់ នឹងចូលរួមរត់ប្រណាំងថ្ងៃទី៨មីនា
មនុស្សប្រមាណ៣០០០នាក់គ្រោងនឹងចូលរួមរត់ប្រណាំងនៅថ្ងៃទី៨ ខែមីនា ឆ្នាំ២០២៥ នៅឧទ្យានមុខវត្តបទុមវត្តីដើម្បីអបអរសាទរដល់ទិវានារីអន្តរជាតិ ក្នុងការលើកកម្ពស់សិទ្ធិនារី និងសុខភាពសាធារណៈ។
លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជាមានប្រសាសន៍ក្នុងសន្និសីទសារព័ត៌មាននៅព្រឹកថ្ងៃទី១២ ខែកុម្ភៈ ឆ្នាំ២០២៥ ថា គោលដៅនៃការរៀបចំរត់ប្រណាំងដើម្បីអបអរសាទរទិវាសិទ្ធិនារី៨មីនានេះគឺរួមចំណែកជាមួយពិភពលោក និងជាមួយរាជរដ្ឋាភិបាលក្នុងការលើកកម្ពស់សមភាពយេនឌ័រ។
លោកមានប្រសាសន៍ថា ៖«យើងរួមគ្នាដើម្បីលើកកម្ពស់យុត្តិធម៌សង្គមតាមរយៈការគោរពនូវសិទ្ធិស្ត្រី។ ពីមុនច្រើននិយាយពាក្យ យេនឌ័រៗ តែឥឡូវនេះ ក្នុងកីឡាយើងឈានដល់ ការធ្វើសមាហរណកម្មចំពោះស្ត្រីនៅក្នុងសង្គម។ ការផ្តល់នូវពាក្យស្លោកទាំងអស់ យើងជួយគ្នាក្នុងការលើកកម្ពស់តាមរយៈព្រឹត្តិការណ៍របស់យើង។ តាមរយៈព្រឹត្តិការណ៍នេះ យើងផ្ញើសារល្អៗទៅកាន់សង្គមរបស់យើង។ អីចឹងសារដែលយើងផ្ញើទៅសង្គមជាតិដោយមានខ្លឹសារគ្រប់គ្រាន់»។
លោកបានបន្ថែមថា ម្យ៉ាងទៀត ការរៀបចំព្រឹត្តិការណ៍នេះឲ្យកាន់តែប្រសើរឡើង នៅឆ្នាំបន្តបន្ទាប់ទៀតអាចនឹងបង្កើនវិញ្ញាសាកាន់តែច្រើន។
លោកបានឲ្យដឹងថា រហូតដល់ពេលនេះមានអ្នកចុះឈ្មោះចូលរួមប្រកួតជាង២០០០នាក់ហើយ។ ចាប់ពីពេលនេះរហូតដល់ថ្ងៃប្រកួត អ្នកចូលរួមនឹងកើនឡើង ហើយរំពឹងទទួលបានប្រមាណ៣០០០នាក់។ ចំនួនអ្នកចូលរួមនេះប្រហែលទៅនឹងព្រឹត្តិការណ៍ដដែលនេះកាលពីថ្ងៃទី៨ ខែមីនា ឆ្នាំ២០២៤។
ជាមួយគ្នានេះ លោក សែម ផល្លា នាយកគណៈកម្មការរៀបចំរត់ប្រណាំងនៃគណៈកម្មាធិការជាតិអូឡាំពិកកម្ពុជាបានឲ្យដឹងថា ទិវារត់ប្រណាំងដើម្បីអបអរសាទរទិវា៨មីនា មាន២វិញ្ញាសាគឺចម្ងាយ១០គីឡូម៉ែត្រ និងចម្ងាយ៤គីឡូម៉ែត្រដែលផ្តោតសំខាន់លើស្ត្រីគ្រប់វ័យអាចចូលរួមរត់បាន។ ការចូលរួមនេះបានទាំងបុរស និងស្ត្រី ទាំងអាជីព និងមិនអាជីពជាលក្ខណៈក្រុមហ៊ុន ក្រុមគ្រួសារ និងមិត្តភក្តិ។
លោកបានបញ្ជាក់ថា អ្នកចូលរួមទាំងអស់ត្រូវស្គាល់ឲ្យច្បាស់ពីសុខភាពរបស់ខ្លួនថាតើអាចរត់បានកម្រិតណា ចម្ងាយប៉ុន្មាន និងត្រូវទទួលខុសត្រូវចំពោះសុខភាពផ្ទាល់ខ្លួន។ គណៈកម្មការរៀបចំការប្រកួតទទួលខុសត្រូវលើបច្ចេកទេស សុវត្ថិភាពចរាចរណ៍ រៀបចំទីកន្លែងសង្គ្រោះបឋម និងទីតាំងដាក់ទឹកតាមដងខ្លួនរត់សម្រាប់អ្នករត់អាចទទួលបាន។
សម្រាប់វិញ្ញាសាចម្ងាយ១០គីឡូម៉ែត្រនឹងចាប់ផ្តើមចេញដំណើរវេលាម៉ោង៥:៣០នាទីព្រឹក និងចម្ងាយ៤គីឡូម៉ែត្រចាប់ផ្តើមចេញដំណើរវេលាម៉ោង៥:៤៥នាទីព្រឹក ពីឧទ្យានមុខវត្តបទុមវត្តិ ឆ្ពោះទៅកោះពេជ្រ និងឆ្លងស្ពានកោះនរាមុនពេលត្រឡប់មកវិញដើម្បីឆ្ពោះមកទីតាំងផ្តាច់ព្រ័ត្រ។
នេះជាលើកទី៤ហើយដែលគណៈកម្មាធិការជាតិអូឡាំពិកកម្ពុជាសហការជាមួយដៃគូ សុវណ្ណភូមិឡាយហ្វ៍ រៀបចំព្រឹត្តិការណ៍រត់ប្រណាំងដើម្បីអបអរសាទរដល់ទិវាសិទ្ធិនារីអន្តរជាតិ៨មីនា។ លើកទី១ ឆ្នាំ២០២០មានអ្នកចូលរួមជាង២០០០នាក់។ ឆ្នាំ២០២១ និង២០២១មិនបានរៀបចំទេដោយសារវិបត្តិជំងឺកូវីដ-១៩។ លើកទី២ ឆ្នាំ២០២៣ ព្រឹត្តិការណ៍បានវិលត្រឡប់មកជាមួយអ្នកចូលរួមជិត២០០០នាក់ និងលើកទី៣ ឆ្នាំ២០២៤មានអ្នកចូលរួមរហូតដល់ជាង៣០០០នាក់។
អត្ថបទ៖ វីរបុត្រ
ស្នងការខេត្តបន្ទាយមានជ័យ ៖ បុណ្យចូលឆ្នាំថ្មីខាងមុននេះ ហាមច្រកទឹកក្នុងថង់ គប់ដាក់គ្នា
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១០ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៩ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់